28 ซาอู แด เว๊, ดี๊ ซีงแฌ๊ เว๊ กแช่ยาเว โอ ดี๊ ดาเว, ดี๊ ซาอู อ พูมืง น่าง มีคาง นอ เอ ดาเว
อ ซื๊งเว๊ ไคล้ช๊า-อ้ะ บี่อี้ง, “ก แด เว๊ ล้างที๊ง เย้า, กแช่ยาเว โอ ดี๊ แน้, ก ไจ้ะ บี่อี้ง, เกม๊า โอ ดี๊ ท ชูล้างซ้ะ โต้ๆ, ลู่ง แน้ ดี๊ เฆ้อ ซีง ลแพ อ ฌ่าง, ดี๊ เกม๊า ก แม้ ทเอิ้งล้าง ดี๊ แน้
แบเด้าะ ลาบาง ไคล้ช๊า-อ้ะ ไจ้ะเว๊, “โอ เด้าะ เซ้อ, น เมะ แม้ช้า ม้างโจ้ นอ, ม้างโจ้ ซีงแฌ๊ ล้างที๊ง ซี บี่อี้ง, กแช่ยาเว ชูฌี้ ม้างโจ้ ลู่ง น กย้อง ล้อ
อคูอแน่ นอ, แด เว๊ กแช่ยาเว โอ ดี๊ โยซิ้ ปะ, ดี๊ กแช่ยาเว ดึ้ เกม๊า ทไพ้ะทแม้ กุ้เม้ง พี่ โยซิ้ แม้ เว๊ นอ, เกทางเกโท๊ ล้อ
เมะ โพล้ง พี่ อ เก ล มู๊ง ฆ่าง ดี๊ ม้างโค้ไล่ นอ, อซื๊งเว๊ ไคล้ คีงอูง เท่อ ไจ้ะ ล้าง อ ซ้ะ เก โพล้ง ยู, แบเด้าะ ล เมะ แบ, จ ม เกม๊า อซื๊งเว๊ เฌ๊ คะด้ะ ล้าง อ ซ้ะ ลู่ง น คางไท้ะ, ดี๊ ม เกม๊า อ ซีงแฌ๊ เว๊ จ เอ แน้ กวี้ง แน้
ซาอู อ พูมืง น่าง มีคาง นอ เอ ดาเว, พี่ โพล้ง โล้ แบ ซาอู, แบฆ้ะ ดี๊ ท ล ไฌ่ อี้ง นอ, แบ อ เว๊ อ ซ้ะ ฌี้ มะ ล้อ
ดาเว เฌ้เทิงทาง ล พ๊า ฆ่าง ดี๊ อ ซึ้พู, อ ซื๊งเว๊ แม้ซี๊ง โพล้ง ฟีลีเตีย คี๊ง แย้ แฌ้, ดี๊ ดาเว เก้า นี่ โพล้ง ลแพ นอ อ ที คู ไพ้ะ, เฌ๊ไท้ โชะ เอะ กจุ้แฆว้ กู้งทาง เมาะ, บี่ซุ้ อ เว๊ ม เก กจุ้แฆว้ อ มะ, ซาอู เกม๊า อ พูมืง น่าง มีคาง เก ดาเว อ แม๊
ซาอู ซ้ะเม ดาเว แอทาง, ซาอู เก ดาเว อดีงอแด้ เพล้า อ ชู้ ล้อ
ค๊องเนงอี้ง, แคว่เซ้อ, จ แด ล้างที๊ง-อ้ะ เย้า, น ม เก กจุ้แฆว้ เต้ๆ, ล้อ, ดี๊ โพล้ง อีซลาเอง อ มื่ง อ บ้าง, ม โอเฌิ่งโอค๊า ลู่ง น จูง พ้า
ฌ้อง ซาอู ไคล้ ดี๊ ดาเว ไจ้ะเว๊, “ดาเว จ พู-เอ้อ, เกม๊า น นี่แบ ทชูฌี้, น ม แม้ เท่อ ล เม้ง แบ ล เม้ง, ดี๊ น ม น้า เท่อ เต้ๆ, ล้อ”, ฌ้อง ดาเว ลี้ไฆวะ ลู่ง อ กแช่ อ เกล้ แด เว๊, ดี๊ ซาอู นอ ไท้ ลู่ง อ เด้า พ้า นอ ล้อ
