22 ซาอู อางแบเลา อ เพล่ดู ไจ้ะเว๊, “เกม๊า น ไคล้ ดี๊ ดาเว แฌ้ โต้ แฌ้ บี่อี้ง, ‘แคว่เซ้อ, กจุ้แฆว้ แบ อ ซ้ะ ดี๊ แน้, ดี๊ กเย่ อ เพล่ดู ลแพ นอ เอ แน้, เก กจุ้แฆว้ อ มะ แดเทา’, ”
อ ทไคล้ นอ, พลี๊ ฌี้เละ ทอซูอไย้ แบเด้าะ ทดึ้ทชาง โอ ลู่ง อ ซ้ะพ้า อ ทลื่งทไคล้ นอ, เพา ฌี้เละ ทซู ได้ะ แบเด้าะ นอ เก น้ะ, พี่ ทึ้ทาง เว้ อ ซ้ะ เย้า
โพล้ง โพะคอง เท่อ เมะ ควี๊งคูแกยแน่ ดี๊ ทไคล้ คีงอูง นอ อ กดูกแซย่ เลาพะ นอ, เก โพล้งอ้าโพล้งซ๊าง ฆึ ปะ
ซาอู ช๊องมอง เว๊, “จ ม เกม๊า น่าง มีคาง เอะ-อ้ะ, บี่ซุ้ ม เก ทดุ้นี่ บล้ะนี่-อ้ะ, ดี๊ โพล้ง ฟีลีเตีย อ จูง ม ดึ้-อ้ะ”, ทบี่นอ, ซาอู โล้ เอะ ดาเว คี๊ง พ๊า ล พ๊า ไจ้ะเว๊, “ล พ๊า แย๊ อี้ง, น ม เก จ มะ ล้อ”
ท่อง ซาอู อ เพล่ดู อางโล๊ไท้ เอะ ดาเว, แบฆ้ะ ดี๊ ทไคล้ ลแพ อี้ง นอ, ดาเว อางจ้ะ-อ้ะ ไจ้ะเว๊, “น ซื๊ง แคว่-อ้ะ, เท่อ พี่ ม เก กจุ้แฆว้ อ มะ นอ, เก ท ล ปี๊ ล คี่ โบ่?, อ ไฌ่ บี่อี้ง, ยี๊แด จ เก โพล้ง ซยาง พู ล้อ, ดี๊ จ เม้ง จ แซ ล โอ น่าง เม้ง แบ”
