15 ซาอู ซ้ะเม เท่อ, พี่ อ แด เว๊ ดาเว แม้ เท่อ, ฌ้องทางเกทาง แอมะ นอ
โพล้ง พี่ ย๊างซ้ะ แบ โพล้ง อ แฌ้แพ, ดี๊ เกม๊า อางล่อง นี่ เท่อ นอ, โอซยืงโอบ้ะ เมะเว๊ โพล้ง พี่ แม้ อ ทไพ้ะทแม้ ดี๊ ทอเกิ้งอแบ
น ซื๊ง แบ เจ่ ท โกง ท มอง ดี๊ โพล้ง พี่ อ ล ชู่ง ล นะ เท่อ แบ, เจ่ อ ช๊า อ โท่ กุ้ พ๊า บี่ ซุ้ ม ล้างเปิ่ง ลู่ง อ ฌ่าง
ลู่ง น ซื๊ง แกล้ อี้ง, โพล้ง พี่ ล แฌ้ เล้ อ ท โกง ท มอง เมะ ล โอ แบ นอ, เกม๊า โพล้ง ล แฌ้ นอ อางท่าง ดี๊ กแช่ แยว้, ฌ้อง กแช่ แยว้ ม เกล๊าง-อ้ะ, อ ไฌ่ บี่ อี้ง, กแช่ แยว้ นอ อ ซ้ะ โพล๊, เกล๊าง เอะ โพล้ง อ เท่อ กุ้ แฌ้ ดี๊ ล เอ้งไฌ้ โพล้ง แบ
แบเด้าะ ท โกง ท มอง พี่ กแช่ แยว้ เกล๊าง เว๊ นอ, เมะ ท อ ฌี้ อ แอว้, ท โอ ฆู๊ง โอ พุ้, ท เซิง ฌี้ ซ้ะ ช้า, ท อ ยื่ง อ บยาง, ท โกง ท มอง อี้ง นอ, โอ ฆวี้ ทะ ดี๊ ท ย๊างเซิง ย๊างซ้ะ ดี๊ ท แม้ ลู่ง อ ฌี้, ล เอน้า ชางบ้า เท่อ แบ, ล เมะ โต้ ซ้ะ ไก เท่อ แบ
ซาอู ซ้ะเม ดาเว, เมะเว๊ กแช่ยาเว โอ ดี๊-อ้ะ, แบเด้าะ ไจแดไฆวะ ซาอู เย้า
ดาเว แม้ เท่อ ชิ้เทา กุ้ อ เม้ง, เมะเว๊ กแช่ยาเว โอ ดี๊-อ้ะ
แบเด้าะ โพล้ง อีซลาเอง, ดี๊ โพล้ง ยูดา กุ้ อ แฌ้ นอ เอ ดาเว, เมะเว๊ ดาเว ไจทาง, ดี๊ เฌ๊ไท้ ลู่ง อ ซื๊งเว๊ อ เมะแซ พ้า
