42 ท่อง โพล้ง ฟีลีเตีย แคว่ เท่อ แด ดาเว นอ ดึ้เดว เว๊, เมะเว๊ เก โพล้งน่างบางซ้ะบาง พู, อ ชอง อ ไพ้ะ โฌ้, อ เค่งแบฌ้างฌี้
เบงฮาดะ ไจ้ะเว๊, “อ ซื๊งเว๊ เมะ ไจทาง เฌ๊ ดี๊ ทฆู๊งทพุ้ นอ, ม๊า พองนี่ ม๊า-อ้ะ, เมะ ไจทาง เฌ๊ ดึ้ซึ้ เท่อ นอ, ม๊า พองนี่ ม๊า-อ้ะ ปะ”
ทชีอูงพู๊ นอ, เฌ๊ วี่ง ท แบ ทแม้เฌ๊ฌ้อง ดี๊ ท ทื่งดูล้างซ้ะ นอ, เฌ๊ วี่ง ทล้างเทะเค้า ล้อ
เจซี เจ่ทาง โพล้ง เกม๊า ลี้ช่องนี่ เว๊, พืงแซ ล แฌ้ นอ เก โพล้ง อ ชอง อ ไพ้ะ โฌ้, อ เมะ อ แน๊ ฌี้, ดี๊ อ เค่งแบฌ้างฌี้, กแช่ยาเว ไจ้ะเว๊, “เฌ้เทิงทาง เท้าไน-อ้ะ, เมะเว๊ เก ล แฌ้ แย๊ อี้ง ล้อ”
ดี๊ ซาอู ไคล้ ดี๊ ดาเว ไจ้ะเว๊, “น ลี้ แม้น้า กแคว๊ ฟีลีเตีย ล แฌ้ นอ, บี่ซุ้ น ม ดึ้ซึ้-อ้ะ ล ซี แบ, เมะเว๊ น เก พืงแซ บาง ได้ะ ล้อ, ดี๊ กแคว๊ ล แฌ้ นอ, ดึ้ซึ้ เท่อ ซี ล โค๊ ลู่ง อ บาง แค๊ เย้า”
โพล้ง ฟีลีเตีย นอ เฌ๊ทาง เบ้า ดี๊ ดาเว, ดี๊ โพล้ง โชะ นางปด้างนอ เฌ๊ วี่ง-อ้ะ
