42 ฌ้อง ซาอู โล้ เอะ เว๊ ไจ้ะเว๊, “เกม๊า พอง ไละพู ลู่ง แย้ ดี๊ จ พู โยนาทาง อ ฌ่าง”, ฌ้อง ไละพู ล้างเทะแบ โยนาทาง เมาะ
ไละพู พ้ะดุ้ เท่อ นอ, แบ ทไควะล้าง ลู่ง เมะแซ พ้า แบเด้าะ อซูงอแซ ไจทาง กุ้เม้ง นอ, เฌ๊นี่ ดี๊ กแช่ยาเว ล้อ
ท พอง ไละพู พ้ะดุ้ เท่อ นอ, ดึ้ เกม๊า ท ติ้โละไอโละ ทึไฆวะ เว๊ ดี๊ ทึ้พ้ะไฆวะ โพล้ง ติ้โละซ้ะ, พี่ โอ ดี๊ อไฌ่อแบ้ นอ ล้อ
อ ซื๊งเว๊ ซีง ลแพ, ไคล้ ซกุ้ โละ อ ซ้ะ บี่อี้ง, “เฌ๊ แดเทา, เกม๊า ก พอง ซกุ้ ไละพู, บี่ซุ้ ก ม ซีงแฌ๊-อ้ะ, โพล้งเล้ เก ท เป๊งนี่ เกม๊า ทอ้าทซ๊าง อี้ง, กึทาง ดี๊ เฆ้อ”, ทบี่นอ, อ เว๊ พอง ไละพู, ไละพู นอ, ล้าง แบ ลู่ง โยนา อ แต้ พ้า ล้อ
ท่อง เกม๊า อ เว๊ อ เด้าคูล่างพ้า เฌ๊ทาง พ๊า แฌ้ๆ, ลู่ง ท เมะแย๊ นอ, โพล้ง พี่ แบ ท พองทะ-อ้ะ นอ, เมะเว๊ อาคาง พี่ อ เก คามี อ พู, คามี นอ เก ซะดี อ พู, ซะดี นอ เก เซรา อ พู, เก โพล้ง ยูดา อ ชื้อ
อ ไฌ่ บี่ นอ ซาอู อางจ้ะ กแช่ยาเว โพล้ง อีซลาเอง อ กแช่แยว้ ไจ้ะเว๊, “ม๊า เนโพลทาง เท่อ ลู่ง อ แบ ลแพ้ นอ”, ทพอง ไละพู ล้างเทะแบ โยนาทาง ดี๊ ซาอู เมาะ เมะ ซึ้พู ลแพ้ นอ พลิ้ไฆวะ เว๊ ล้อ
ซาอู ไคล้ ดี๊ โยนาทาง ไจ้ะเว๊, “น แม้ แบ ทเม้งเล้ นอ เกม๊า น โล้ล้าง ซ้ะ ดี๊ แย้”, โยนาทาง โล้ล้าง อ ซ้ะ ไจ้ะเว๊, “จ ไช่ แบ นี๊ จ้าง พี่ บึ้ นางทุ้บ้อง คี๊ง, พี่ โอ จ จูง พ้า ล ปี๊ ล้อ, จ โอ พี่ อี้ง, จ ญ่อง ซี๊ง”
