41 อ ไฌ่ บี่ นอ ซาอู อางจ้ะ กแช่ยาเว โพล้ง อีซลาเอง อ กแช่แยว้ ไจ้ะเว๊, “ม๊า เนโพลทาง เท่อ ลู่ง อ แบ ลแพ้ นอ”, ทพอง ไละพู ล้างเทะแบ โยนาทาง ดี๊ ซาอู เมาะ เมะ ซึ้พู ลแพ้ นอ พลิ้ไฆวะ เว๊ ล้อ
ไละพู พ้ะดุ้ เท่อ นอ, แบ ทไควะล้าง ลู่ง เมะแซ พ้า แบเด้าะ อซูงอแซ ไจทาง กุ้เม้ง นอ, เฌ๊นี่ ดี๊ กแช่ยาเว ล้อ
ท พอง ไละพู พ้ะดุ้ เท่อ นอ, ดึ้ เกม๊า ท ติ้โละไอโละ ทึไฆวะ เว๊ ดี๊ ทึ้พ้ะไฆวะ โพล้ง ติ้โละซ้ะ, พี่ โอ ดี๊ อไฌ่อแบ้ นอ ล้อ
อ ซื๊งเว๊ ซีง ลแพ, ไคล้ ซกุ้ โละ อ ซ้ะ บี่อี้ง, “เฌ๊ แดเทา, เกม๊า ก พอง ซกุ้ ไละพู, บี่ซุ้ ก ม ซีงแฌ๊-อ้ะ, โพล้งเล้ เก ท เป๊งนี่ เกม๊า ทอ้าทซ๊าง อี้ง, กึทาง ดี๊ เฆ้อ”, ทบี่นอ, อ เว๊ พอง ไละพู, ไละพู นอ, ล้าง แบ ลู่ง โยนา อ แต้ พ้า ล้อ
ท่อง อ ช๊าง อซื๊งเว๊ซีง ชูแพ อางท่าง เท่อ ไจ้ะ เว๊, “กแช่-เอ้อ, น ซีงแฌ๊ โพล้ง อ ซ้ะ กุ้ อ แฌ้ ล้อ, ท บี่ นอ, เกม๊า เต้ ก ซีงแฌ๊ คี๊ง แฌ้ อี้ง นอ น ม ลึ นี่ พี่ ล แฌ้ เล้
อซื๊งเว๊ซีง พ้ะ เว๊ นอ แบ ลู่ง มาทีอ้ะ ล แฌ้ นอ, ฌ้อง ดว้ะ นี่ เว๊ เก ฆึ กแช่ เยซู คริ้ อ เพล่ ดู ดี๊ อ แฌ้แพ ชี๊ง ล แฌ้ นอ ปะ
ฌ้อง อ เว๊ ไคล้ ดี๊ โพล้ง อีซลาเอง เลาพะ นอ ไจ้ะเว๊, “น ซื๊ง โอ ลแพ้, แย้ ดี๊ จ พู โยนาทาง ม โอ ลแพ้ แด เด้าะ”, ดี๊ ซาอู อ ซึ้พู โล้ เอะ-อ้ะ ไจ้ะเว๊, “แม้ บี่ น แด-อ้ะ แบ นอ แดเทา”
ฌ้อง ซาอู โล้ เอะ เว๊ ไจ้ะเว๊, “เกม๊า พอง ไละพู ลู่ง แย้ ดี๊ จ พู โยนาทาง อ ฌ่าง”, ฌ้อง ไละพู ล้างเทะแบ โยนาทาง เมาะ
