1ซามูเอง 12:13 - Northern Pwo Karen Thai Bible

¹³ ค๊องเนงอี้ง, แคว่ดุ้ กจุ้แฆว้ พี่ น ซื๊ง อางลึ นี่-อ้ะ, โพล้ง พี่ น ซื๊ง อางท่างนี่-อ้ะ นอ, แคว่เซ้อ, กแช่ยาเว ต๊างทาง กจุ้แฆว้ โพะคอง น ซื๊ง เย้า

1ซามูเอง 12:13 교차 참조

โฮเชยา 13:11

ลู่ง ก ท ซ้ะไฌ๊ อกย้องนอ, ก เกม๊า เอะ แน้ กจุ้แฆว้ ดี๊ ลู่ง ก ท ซ้ะทาง อกย้องนอ, ก แม้นี่ไฆวะ กจุ้แฆว้ นอ ล้อ

ท​แม้ 13:21

ท่อง อ ช๊าง นอ อซื๊งเว๊ แด อางท่าง ซามูเอง เกม๊า อ อางกี ล้าง โพล้ง ล แฌ้ เก กจุ้แฆว้, กแช่ แยว้ เกม๊า เว๊ อางกี ล้าง โพล้ง เบงยาเมง ล ดอง นอ, เมะ เว๊ ซาโล คีเซอ อ พูแคว๊ ล แฌ้ นอ, เก กจุ้แฆว้ ชิ้ ทาง อ เนง ลี่ง ชี๊ง

1ซามูเอง 10:24

ซามูเอง ไคล้ ดี๊ โพล้งเฌงพูฆ๊างพู เลาพะ นอ ไจ้ะเว๊, “น ซื๊งซีง แด โพล้ง พี่ กแช่ยาเว อางลึนี่ เว๊ นอ เย้า-อ้า?, ลู่ง โพล้งเฌงพูฆ๊างพู อ แกล้ พ้า นอ, โพล้ง แบด้อง อ เว๊ ล โอ น่าง แฌ้ แบ”, ดี๊ โพล้งเฌงพูฆ๊างพู นอ, กุ้ทาง เท่อ อ ลู่ง เซ๊ พ้ะดู ไจ้ะเว๊, “เกม๊า กจุ้แฆว้ ดูทางโท๊ทาง”

1ซามูเอง 11:15

โพล้งเฌงพูฆ๊างพู กุ้ อ แฌ้ ลี้ ลู่ง กีลากาง พ้า, ดี๊ พี่ นอ อ ซื๊งเว๊ ต๊างทาง ซาอู เก กจุ้แฆว้, ลู่ง กแช่ยาเว อ เมะแซ พ้า, ลู่ง กีลากาง พ้า, ฌ้อง อ ซื๊งเว๊ เทว๊ ทพูแฆ่, เก ทลื่งทาง แม้ฆู๊งแม้พุ้ เท่อ ลู่ง กแช่ยาเว อ เมะแซ พ้า, ซาอู ดี๊ โพล้ง อีซลาเอง กุ้ แฌ้ เลาพะ นอ, เซิงฆวี๊งซ้ะมึ พี่ นอ ฌี้ มะ ล้อ

1ซามูเอง 12:17

ล นี้ง แย๊ อี้ง เก ทเก้า บืง ซาลี อ แค๊ ล เมะ แบ-อ้า?, แย้ จ ม กุ้ทาง เท่อ ดี๊ กแช่ยาเว, ม อางท่าง-อ้ะ ม๊า ล๊าง เซ๊ ดี๊ ทเฌ๊ช้าล้าง, ดี๊ น ซื๊ง ม ซีงแฌ๊ แบ-อ้ะ, ดี๊ แด แบ-อ้ะ น ซื๊ง ทอ้าทซ๊าง, พี่ น แม้-อ้ะ ลู่ง กแช่ยาเว อ เมะแซ พ้า, ลู่ง เท่อ พี่ น อางท่างนี่ กจุ้แฆว้ ลู่ง น ซื๊ง ฌ่าง อ กย้อง นอ, แอ ฆวี๊ ทเม้งเล้?”

1ซามูเอง 12:19

โพล้งเฌงพูฆ๊างพู เลาพะ นอ, ไคล้ ดี๊ ซามูเอง ไจ้ะเว๊, “เกม๊า น ชูแพ อางท่าง เท่อ ดี๊ กแช่ยาเว น กแช่แยว้, ลู่ง น เพล่ กุ้ แฌ้ อี้ง อ ฌ่าง ไช้ะ, บี่ซุ้ เฆ้อ ซีงลแพ อี้ง ล ซี๊ง แบ, เมะเว๊ ก แม้ แอทาง ก ทเด้บ้ะ ดี๊ ทอ้าทซ๊าง เลาพะ อี้ง, เป๊งนี่ ก อางท่างนี่ กจุ้แฆว้ ลู่ง ก ฌ่าง”

1ซามูเอง 8:5

ดี๊ ไคล้ เว๊ ดี๊-อ้ะ ไจ้ะเว๊, “แคว่เซ้อ, น ซ้ะแซย่ เย้า, ดี๊ น พู ซีงลแพ นอ, ล แม้นี่ ทอดีงอด้อง ดี๊ แน้ น่าง ปี๊ แบ, ค๊องเนงอี้ง, ม๊า น ต๊างทางนี่ เอะ เฆ้อ กจุ้แฆว้, เกม๊า อ ต้ะเซ๊ง เอะ ก เท่อ บี่ซุ้ ดี๊ โพล้ง กุ้ที๊งกุ้ค่าง นอ แดเทา”

1ซามูเอง 9:20

น แลว้ ล โป้ง แย๊ พี่ อ ล้างแม่ ไฆวะ ซ๊า นี้ง เย้า นอ, อางกี น ซ้ะ พ้า ล้า ล ฌี้, เมะเว๊ โพล้ง แด เว๊ เย้า, โพล้ง อีซลาเอง อ ทแบซ้ะ เลาพะ นอ เฌาโละ แม้นี่ โพล้ง เล้?, ล เมะ แน้ ดี๊ น แพ่ อชื้ออชะ นอ แบ-อ้า?”