3 เติ้งเละ ลู่ง เว่งฮ๊าง อ เช้า พ้ะเล่ อ เมะแซ พ้า นอ โท๊ คี๊ง ชี๊ง แพล่, ที๊ ซุ้ ดี๊ อ เล่ ล โค๊ นอ ปะ, ดี๊ ลี้ฆ้าง ไย้ ลู่ง อ เมะแซ พ้า นอ อ แพล่ ล ชี๊ง
กแช่ เยซู ไจ ไล่ล้อง เท่อ ลู่ง ซแล่ ซาโลโม เว่งฮ๊าง คางไท้ะ นอ
ท่อง อ ช๊าง ม้างโค้ไล่ ลี้ ฌ้า กแช่ เยซู, ลู่ง เว่ง ฌี้ เว่ง แอว้ เยรูซเลง พ้า, ดึ้ เกม๊า กแช่ เยซู ชี๊เทิง ลู่ง เว่งฮ๊าง อ คู จอง คู
ฌ้อง อ เว๊ ทู ทล่าง น๊างโพลง อ เล่ ลู่ง มื่งนึ, พี่ โอ ทล่าง พ้ะเล่ แย๊โค๊ อ ล่างไค๊, เลา ดี๊ ท้องคู อฆูอฆ้อง นอ, โอ อ แพล่ ล แย้ ท ล่างฌี้ล่างแอว้ อ เช้า, ดี๊ ทล่าง อ เช้า พ้า แย๊โค๊ นอ, เลา ดี๊ ทกาง ลู่ง ค๊องโค๊
ฌ้อง ดาเว เกล๊าง เอะ อ พูแคว๊ ซาโลโม อ เท่อ บี่อี้ง, เว่งฮ๊าง อ ด้อง, ดี๊ เด้า ล โพลง แบ ล โพลง พี่ เว่งฮ๊าง เว๊ นอ, ทล่างอางกีซยองเท่อ, ทล่าง ท้ะโค๊ ล เช้า, ทล่าง แย๊โค๊ ล เช้า, ดี๊ ไฮะ คูกล้ะ แยว้ อ ทย๊างซ้ะ ล่าง ล เช้า นอ
ทล่างโอ พี่ กจุ้แฆว้ ซาโลโม ไต้ทาง เว๊, ลู่ง กแช่ยาเว อ ฌ่าง นอ, โท๊ แดฆ้าง เย่ ชี๊ง ลี่ง แพล่, เล่ ชี๊ง โฆะ แพล่, ดี๊ โท๊ ชี๊เทิง ล โค๊ นอ คี๊งชี๊ง เนว๊ แพล่
ดี๊ อ เว๊ ไต้ทางนี่ ทล่างโอ นอ อ โป้ง, แม้ เว๊ อ พ้า แย๊โค๊ นอ เล่ ดี๊ ค๊องโค๊ นอ เอง
อ เว๊ ช๊างล้าง เฌเทิง ลู่ง เว่งฮ๊าง อ เช้า พ้ะเล่ ลู่ง เติ๊งเละ นอ, อ เว๊ ช๊างล้าง เฌเทิง ลู่ง อ ฆุ้ ล โค๊, ดี๊ กุ้ เว๊ อ เม้ง ยาเคง ดี๊ อ เว๊ ช๊างล้าง เฌเทิง ลู่ง อ จี ล โค๊, กุ้ เว๊ อ เม้ง โบอะ
ฌ้อง อ เว๊ เฌ๊ฌ้า แย้ ลู่ง เด้กแช่แยว้อล่างโอ อ ทกาง, ดี๊ ทู ทกาง อ เฌเทิง โอ ลี่งแพล่ คึ, คี๊ง แพ้ เลา, ดี๊ ป้ะตู๊ง เล่ ชี๊งลี่ง แพล่, เมะ กางแป แพ้ล้อง นอ เล่ คี๊งแพล่ คึ, คี๊ง แพ้ เลา
ลู่ง ทคว้าง พ้า พ้ะเล่ พ้า นอ, โอ ดี๊ โล่ง พี่ แม้ทางนี่ เว๊ นอ ซ๊า ท๊า วะชวะ, ดี๊ ซย๊องซีดา ล ท๊า, ด้องซุ้ ดี๊ ทคว้าง พ้า แย๊โค๊ ล ท๊า, ลู่ง กแช่ยาเวอล่างโอ พ้า, ดี๊ ลู่ง ทล่าง เติ๊งเละ นอ ปะ
