1​กจุ้แฆว้ 2:7 - Northern Pwo Karen Thai Bible

⁷ เกม๊า เต้ น เนโพลทาง ทย๊างซ้ะ แบ บาซีงไล, โพล้ง กีเลอา ล แฌ้ นอ อ พู ลแพ นอ ไช้ะ, เกม๊า อ ซื๊งเว๊ โอ ลู่ง โพล้ง พี่ อ อาง เท่อ ลู่ง น คะ คู ลแพ นอ อ โป้ง พ้า, เมะเว๊ พี่ จ ซยู๊ คุ้ซูงไฆวะ น วี่ โจ้ อะซาโลง อ แค๊ อู้ง นอ, อ ซื๊งเว๊ซีง แม้ช้า แย้ ดี๊ ทย๊างเซิงย๊างซ้ะ

1​กจุ้แฆว้ 2:7 교차 참조

2​ซามูเอง 9:7

ดาเว ไคล้ ดี๊-อ้ะ ไจ้ะเว๊, “ซ้ะเม เท่อ ล ฌี้, แย้ จ ม เนโพลทาง ทเอ ลู่ง อเฌิ่งอค๊า เอะ แน้ เต้ๆ, ล้อ, เมะเว๊ ลู่ง น แพ่ โยนาทาง อ กย้อง, จ ม เกม๊า ไท้ เอะ แน้ น พู๊ง ซาอู อ ฌางคู ล่าง นอ เลาพะ, ดี๊ แน้ นอ, น ม อาง มี้ โอ้ ที๊ง แบ ดี๊ แย้ คะ ล ช๊อง ฆ่าง ครึๆ, ล้อ”

2​ซามูเอง 9:10

แน้ ดี๊ น พูแคว๊ ซีง, ดี๊ กเย่ น เพล่ ลแพ นอ, แบ แม้ ไชะ แม้ ฆึ้ เอะ-อ้ะ, ฌ้อง เฌ๊ฆ้าง โชะ ทซูงทแซ เอะ น เซงคู อ พูแคว๊ นอ, บี่ซุ้ ทอาง ม โอ อาง, แบเด้าะ, เมฟีโบเช น เซงคู อ พูแคว๊ นอ, ม อาง เท่อ ลู่ง จ คะ คู ดี๊ แย้ ครึๆ, ล้อ”, ซีบา นอ อ พูแคว๊ โอ ชี๊ง เย่ แฌ้, อ เพล่ โอ อ แฌ้ คี๊ง ชี๊ง

ลูกา 12:37

เพล่ พี่ อ กแช่ เฌ๊ ไท้ แด เว๊ คุ้แท๊ เท่อ นอ ม โอ ดี๊ ท มึ ท พ้า ล้อ, จ โล้ เอะ น ซื๊ง โต้ๆ, อ กแช่ ล แฌ้ นอ ม แด้ เว้ อ ซ้ะ, พี่ ม แม้ เอะ อ เพล่ อ เท่อ, เกม๊า อ เพล่ ชี๊น้าง ลู่ง คะ คู, ฌ้อง ม เบลิง ล้าง เอะ เว๊ อ มี้

ทอางด้อง 27:10

ญ๊องไฆวะ น ฌุ้พาง, ดี๊ น แพ่ อ ฌุ้พาง ล ฌี้ ดี๊ มื่ง ล นี้ง แย๊ พี่ น แด ท เซงทื่งเฌ๊ฌ้อง นอ, ลี้ ลู่ง นพื่งนวี่ อ เด้า ล ฌี้ ฌุ้พาง พี่ อ โอ เบ้า นอ ฌี้เละ น๊างพื่งวี่ พี่ อ โอ ไย้ นอ ได้ะ

2​ซามูเอง 19:28

เมะเว๊ จ แพ่ อชื้ออชะ เลาพะ นอ, เก ที่ โพล้ง เกิ้ง แบ ซี๊ง ลู่ง จ เซงคู กจุ้แฆว้ อ เมะแซ พ้า นอ ล้อ, แบเด้าะ, แน้ น ต๊างทาง น เพล่, เกม๊า โอ แบ ลู่ง โพล้ง ล มู๊ง ฆ่าง, พี่ อ อาง ซกุ้ เท่อ ดี๊ แน้ ลแพ นอ อ แกล้, จ ทแบแยว้ซ้ะ ม โอ บี่จะเล้?, พี่ จ ม กุ้ทาง โล้ แบ กจุ้แฆว้ เด้าะ”

ทอคางไท้ะ 40:14

ท่อง น โอ ดี๊ ทมึทพ้า เย้า นอ, อวีงซ้ะชู้ นางแบทางไท้ แย้, ดี๊ ย๊างซ้ะ แบ แย้, โล้ แบ ฟาโร นอ, เกม๊า จ นี่ ไจทางไฆวะ ลู่ง พ้อง พ้า อี้ง ไช้ะ

เอซรา 2:61

ดี๊ เฌ๊นี่ ลู่ง โพล้งลื่งเท่ออคู อชื้ออชะ ปะ, เมะเว๊ โฮบายา อชื้ออชะ, ฮะโคะ อชื้ออชะ, ดี๊ บาซีงไล อชื้ออชะ, (พี่ นี่ อ แม๊ ดี๊ บาซีงไล อ พูมืง, โพล้ง กีเลอา นี่ แบ อ เม้ง บี่ซุ้ดี๊ นอ)

เยเรมี 52:33

ทบี่นอ, เยโฮยาคี เบ้าะล้างไฆวะ อฆ้าอโฆ่ พี่ เก โค้งเตา นอ, ดี๊ อางเท่อโอ้เท่อ ลู่ง กจุ้แฆว้ อ คะ อาง เท่อ คู กุ้ มื่งนี้ง เพล้า อ ชู้ นอ ล้อ

2​กจุ้แฆว้ 25:29

เยโฮยาคี เบ้าะล้างไฆวะ อฆ้าอโฆ่ โค้งเตาพู นอ, ดี๊ อาง แบ เท่อ ลู่ง กจุ้แฆว้ อ คะ คู, พี่ อ โท่ เพล้า อ ชู้ ล้อ

2​กจุ้แฆว้ 25:30

เมะ ทซู๊งทเจ่ อ ฆวี้นอ, นี่แบ เว๊ ดี๊ กจุ้แฆว้ ฆวี๊ อ เอดุ้ เว๊ กุ้ นี้งๆ, นอ เพล้า อ ชู้ ล้อ