3 ซาโลโม อ แม๊ พี่ อ ดู้ง ดู ยาง ดู โอ เนว๊ แย้ แฌ้, อ แม๊ พู นอ โอ ซ๊า แย้, กเย่ อ แม๊ ลแพ อี้ง นอ แกยไฆวะ ซาโลโม อ ซ้ะ
เรโฮโบอาง เอ อะซาโลง อ พูมืง น่าง มาอาคา แอเละ อ แม๊ ดู, ดี๊ อ แม๊ พู กุ้ อ แฌ้, (อ เว๊ อ แม๊ ดู โอ ชี๊ง โฆะ แฌ้, ดี๊ อ แม๊ พู โอ ฆู๊ง ชี๊ง แฌ้, ดี๊ อ พูแคว๊ โอ คี๊ง ชี๊ง โฆะ แฌ้, อ พูมืง โอ ฆู๊ง ชี๊ง แฌ้)
ล นี้ง แย๊ อี้ง, กมืง พี่ เก ทอดูอแซย่ ลู่ง เปอแซย ดี๊ มีเดีย, พี่ แน่ฌ๊า น่าง วาที อ ทแม้ อ ไฌ่ นอ, ม อางโล๊ไท้ เอะ กจุ้แฆว้ อ ทอดูอแซย่ กุ้ แฌ้ คุ้ช๊องแน, ดี๊ ม เกทาง ทดึ้เดว ดี๊ ทซ้ะทาง แอฌ้อง
จ อางกีซยอง เว้ จี้ ท๊อง ปะ ดี๊ อางกีซยอง คองแซย้ พี่ อ เกิ้ง ดี๊ กจุ้แฆว้, ดี๊ อ เกิ้ง ดี๊ เว่ง ล แพ นอ, จ โพล้ง ซ้ะอวีงแท๊ โอ ดี๊ อ แคว๊ อ มืง, ดี๊ โอ ดี๊ ทมึทพ้า ลู่ง ท มี๊งฆึ ดี๊ กมืง พี่ เก ท แบ กโพล้ง อ ซ้ะ
เท่อ พี่ จ อางฆื๊ง เย้า อางฆื๊ง เด้าะ เลาเซิงเลาซ้ะ, แบเด้าะ จ อางฆื๊ง ล แด แบ นอ, เมะเว๊ ลู่ง กโพล้ง อ แฌ้ ล ม๊า อ แกล้ นอ, ม แด ที่ ล แฌ้ เฆาะ ล้อ, ดี๊ ล แฌ้ พี่ แด-อ้ะ นอ, ล เก กมืง น่างแฌ้ แบ
กจุ้แฆว้ อ แม๊ โอ อ แฌ้ ฆู๊ง ชี๊ง, ดี๊ อ แม๊ พู อ แฌ้ โฆะ ชี๊ง ดี๊ มืงคูมืงน้าง แอฌี่งแอฌ้อง ได้ะ, ดว้ะ ล น้า แบ
จ ทูลี่ง มู่ แอว้, จ แคว๊น่าง ฌี้ทึแอว้ทึ เก ล เม้ง ฆ่าง ล้อ น เก พู พี่ มู่ เอ เว๊ กวี้ง เว๊ เก โพล้ง พี่ อ กึทาง นี่ แน้ อ ท แบเมะล้างซ้ะ กเย่ มืงคูมืงน้าง ลแพ นอ แด แน้, ดี๊ กุ้ แน้ ไจ้ะเว๊ ทมึทพ้า เลา ดี๊ กจุ้แฆว้ อ แม๊, ดี๊ อ แม๊ พู นอ, อางปฆ้า แน้ บี่อี้ง
ดี๊ เกม๊า อ เว๊ อ แม๊ โอ แอ ล ฌี้, บี่ซุ้ อเซิงอซ้ะ ม ล แกยไฆวะ อ ซ้ะ แบ ดี๊ เกม๊า อ โอ ดี๊ จี้, โอ ดี๊ ท๊อง, เก อ กแช่ เว๊ โอ แอฌี่งแอฌ้อง ล ฌี้
อ ซื๊งเว๊ ลี้ แม้ ดี๊ โพล้ง ลแพ นอ อ พูมืง เก อ แม๊, ดี๊ เกม๊า อ พูมืง เก โพล้ง ลแพ นอ อ พูแคว๊ อ แม๊, ดี๊ แม้ เอะ โพล้ง ลแพ นอ อ ทกโช้งกแช่ อ เท่อ
อ เว๊ ลี้ ลู่ง อ แพ่ อ เฌง เมะเว๊ เว่ง โอฟารา พ้า, แม้ซี๊ง อ พื่ง อ วี่ เมะเว๊ เยรูบาอาง อ พู เนว๊ ชี๊ง แฌ้ นอ ลู่ง ไล๊ ล เบง นอ อ คู, โอก้ะ เว๊ เยรูบาอาง อ พู ซแด้ โยทาง นอ ล แฌ้ เฆาะ เมะเว๊ อ เว๊ โอคุ้ซูง
