1​กจุ้แฆว้ 1:9 - Northern Pwo Karen Thai Bible

⁹ อาโดนียา แม้ซี๊ง แกะ, งู้, ดี๊ ทพูแฆ่ ลู่ง อ บองอืง นอ, เก ทเทว๊ ลื่งทาง เท่อ ลู่ง ไล๊ คู โซเฮเละ, พี่ อ โอ ที๊ง ทางชุ้ เองโรเกง อ ฆ้อง, อ เว๊ กุ้นี่ อ พื่ง อ วี่ เลาพะ, เมะเว๊ กเย่ กจุ้แฆว้ อ พูแคว๊ ลแพ นอ, ดี๊ โพล้งเฌงพูฆ๊างพู ยูดา, พี่ อ เก กจุ้แฆว้ อ กดูกแซย่

1​กจุ้แฆว้ 1:9 교차 참조

2​ซามูเอง 17:17

เมะ โยนาทาง ดี๊ อาฮีมาอ้ะ นอ, โอคุ้แท๊-อ้ะ ลู่ง เองโรเกง เย้า, เพล่ มืง โอ ล แฌ้, ลี้ โล้ แบ อ ซื๊งเว๊ คี๊ง แฌ้ นอ, เกม๊า อ ซีงแฌ๊, ฌ้อง อ ซื๊งเว๊ คี๊ง แฌ้ นอ, ลี้ โล้ แบ กจุ้แฆว้ ดาเว, เกม๊า อ ซีงแฌ๊, เมะเว๊ อ ซื๊งเว๊ คี๊ง แฌ้ นอ, ลี้ นึฆ้าง เว่ง พ้า เกม๊า โพล้ง แด-อ้ะ ล ซี แบ

1​กจุ้แฆว้ 1:19

อ เว๊ แม้ซี๊ง งู้, ทพูแฆ่ ลู่ง อ บอง, ดี๊ แกะ แอฌ้อง เก ทเทว๊ ลื่งทาง เท่อ, อ เว๊ กุ้นี่ กเย่ กจุ้แฆว้ อ พูแคว๊ ลแพ นอ, ดี๊ โพล้งลื่งเท่ออคู อาบียาทา, ดี๊ ซึ้พูมู๊งอคูดู โยอะ, แบเด้าะ ล กุ้นี่ น เพล่ ซาโลโม แบ

1​กจุ้แฆว้ 1:25

เมะเว๊ ล นี้ง แย๊ อี้ง นอ, อ เว๊ ลี้ ล้าง แม้ซี๊ง งู้, แม้ซี๊ง ทพูแฆ่ ลู่ง อ บอง, ดี๊ แกะ แอฌ้อง, เก ทเทว๊ ลื่งทาง เท่อ, ดี๊ กุ้นี่ กเย่ กจุ้แฆว้ อ พูแคว๊ ลแพ นอ, เลา ดี๊ ซึ้พูมู๊ง อ คู ดู, ดี๊ โพล้งลื่งเท่ออคู อาบียาทา, แคว่เซ้อ, อ ซื๊งเว๊ซีง, อาง เท่อ โอ้ เท่อ ลู่ง อ เว๊ อ เมะแซ พ้า, ดี๊ ไจ้ะเว๊, ‘เกม๊าเต้ กจุ้แฆว้ อาโดนียา ดูทางโท๊ทาง’

ทอางด้อง 15:8

กแช่ยาเว แช๊เมะไฌ๊ซ้ะ ดี๊ โพล้งอ้าโพล้งซ๊าง อ ทลื่งทาง แบเด้าะ ซ้ะอวีงซ้ะโทะ เท่อ, ลู่ง โพล้งโต้โพล้งล้อง อ ท ชูแพ พ้า

ม้ะทู 22:4

อ เว๊ เจ่ ทาง อ เพล่ อ บาง อ แฌ้แพ ลี้ เด้าะ, อางแม้เลา เว๊ ไจ้ะ เว๊ แด, ลี้ โล้ แบ โพล้ง นอ โล้-อ้ะ, ‘ก แม้ ซี๊ง เว้ งู้ ลู่ง อ ฌี้ ดี๊ งู้ พู ลู่ง อ บอง ฌ้อง ปะ เย้า, ก แม้ อาง แม้ โอ้ เว้ ฌ้อง เย้า, เฌ๊ เซ้อ, เฌ๊ อางเม้า อางแร่’

โยชูวา 15:7

ดี๊ ค่างช๊า ลี้ ชิ้ลื๊อ ท้อง เดบี, โอนี่ ลู่ง ทลู่งคางไท้ะ อาโค, ลี้ฆ้าง ลู่ง มื่ง ทาง ล โค๊ ลี้ ไกกองฆ้าง ลู่ง เว่ง กีลากาง, พี่ โอ กแท้ ดี๊ เกล้ ค๊างฌะ ทลู่ง พี่ อ เม้ง อาดูมีง, พี่ อ โอ ทลู่ง คางไท้ะ ละโค๊ แพ้, ค่างช๊า นอ ลี้ ไวะ ท้อง ลู่ง ที๊งพูกล้อง เองเชเม, ลี้ ทึ ลู่ง เองโรเกง

โยชูวา 18:16

ฌ้อง ค่างช๊า ลี้ ไวะ ลี้ล้าง ทึ ทลู่ง อ โคล๊ง นอ, พี่ แคว่ ล้าง เท่อ แด ทลู่ง เบงเฮงโนง, พี่ อ โอ ลู่ง ทลู่ง เรฟาอีง ท้ะโค๊ แพ้ ทึ อ คางไท้ะ, ฌ้อง ลี้ล้าง ท้อง เฮงโนง อ คางไท้ะ โพล้ง เยบุ้ อ ท แพ้ล้อง, ฌ้อง ลี้ล้าง ท้อง ลู่ง เองโรเกง พ้า