1 กจุ้แฆว้ ดาเว อ โญะ แอ ดี๊ อ ซ้ะแซย่ น้ะ เย้า, ทึเมะ โพล้ง ดึ้ มี๊งลึ้ เอะ อ แบย แอ เบง ฌี้ๆ, ล ล้าทาง-อ้ะ น่าง เม้ง แบ
อาบราฮาง ดี๊ น่าง ซารา นอ, อ ซ้ะแซย่ กิ้ เย้า, ดี๊ น่าง ซารา นอ อ ล้อง เฌ๊ เลาไฆวะ เย้า
อาบราฮาง นอ, อ ซ้ะแซย่กิ้ เย้า, อ โญะ แอ มะ, ดี๊ กแช่ยาเว ชูฌี้ แบ อาบราฮาง กุ้ อ เม้ง ล้อ
ดาเว ไต้ทางนี่ ทลื่งล่าง, เทว๊ เอะ กแช่ยาเว พี่ นอ, ดี๊ เทว๊ ทลื่งทาง เช้า ทพูแฆ่ น๊างดื้ง, ดี๊ ทลื่งทาง แม้ฆู๊งแม้พุ้ เท่อ, กแช่ยาเว ช๊องแน ทชูแพ อางท่าง เท่อ, ลู่ง ที๊งล่างค่างพ้า นอ อ ฌ่าง, ดี๊ ทแช๊อ้า แบ ทแม้ โอโท๊แดไฆวะ โพล้ง อีซลาเอง นอ ล้อ
พี่ ดาเว เกทาง ซ๊าง กจุ้แฆว้ อู้ง นอ, อ โญะ โอ ซ๊า ชี๊ง เนง, อ เว๊ โพะคอง เท่อ ชิ้ทาง ลี่ง ชี๊ง เนง
ฌ้อง น่าง บะเชบา ลี้ฆ้าง โอ กจุ้แฆว้, ลู่ง อ ล่าง มี๊ง พ้า, (กจุ้แฆว้ นอ อ ซ้ะแซย่ น้ะ เย้า, ดี๊ น่าง อาบีชา โพล้ง ชูเนง มืง นอ, โอ แม้ เอะ กจุ้แฆว้ อ เท่อ พี่ นอ)
กเย่ อ กดูกแซย่ ลแพ นอ ไจ้ะเว๊, “เกม๊า โพล้ง อางฆื๊ง นี่ โพล้งมืงน้างเช๊งเกล้ง, เฌ๊ โอ ดี๊ ก เซงคู กจุ้แฆว้ ล แฌ้, ดี๊ กมืง นอ ม โอ ยู่ โอ แคว่ เว๊, เกม๊า อ เว๊ มี๊ง ลู่ง กจุ้แฆว้ อ ฌื๊งละ พ้า, บี่ซุ้ จ เซงคู กจุ้แฆว้ นอ ม ล้าทาง”
พี่ ดาเว อ ซ้ะแซย่ ดี๊ ซ้ะแซย่ น้ะ เย้า อ แค๊ นอ, อ เว๊ ต๊างทาง อ พูแคว๊ ซาโลโม เก โพล้ง อีซลาเอง อ กจุ้แฆว้
เฆ้อ ซีง ลแพ ก โญะ นอ, เมะเว๊ เนว๊ชี๊ง เมะชองเมะไคล๊ ล โค๊ นอ, ท้อง โฆะชี๊ง แบเด้าะ ลู่ง ทโอม๊า อ แค๊ นอ, โอ ที่ ทน้ะทโน๊ง, ดี๊ ทเมะมองแน๊อึ้ ล ไยะ แบ นอ, ล้างแม่ไฆวะ, ดี๊ เฆ้อ ก ซี๊งไฆวะ เว๊ ล้อ
ล เม้ง ได้ะ, โพล้ง คี๊ง แฌ้ เมะ มี๊ง ฆึ โละซ้ะ นอ, อ ซื๊งเว๊ ล้าซอวี้งดี้ง, แบเด้าะ เมะ มี๊ง ล แฌ้ เฆาะ นอ, ม ล้า ซอวี้งดี้ง ซี บี่จะเล้?
แบ เด้าะ อซื๊งเว๊ อ พู ล โอ แบ, อ ไฌ่ บี่ อี้ง น่าง เอลีซาเบ เก โพล้ง เทา พู, ดี๊ อซื๊งเว๊ คี๊ง แฌ้ นอ อ ซ้ะแซย่ กิ้ เย้า
ท่อง โยชูวา อ ซ้ะแซย่ทาง อ โญะ โอ แอ เย้า นอ, กแช่ยาเว โล้ เอะ-อ้ะ บี่อี้ง, “น ซ้ะแซย่ทาง น โญะ โอ แอ เย้า, แบเด้าะ ที๊งล่างค่างพ้า พี่ แบ แม้นี่ก้ะ นอ โอ แอ จอง ได้ะ
