1​โคเรง 7:37 - Northern Pwo Karen Thai Bible

³⁷ แบเด้าะ กแคว๊ เมะ อางกี ล้าง อ ซ้ะ ล ทาง แซย่ ล้า แบ เฆาะ, ล เมะ โพล้ง แคแน-อ้ะ แบ, ฌ้อง อ เว๊ โก้ง อ ซ้ะ นี่ เลา ปะ เย้า, ดี๊ อางกี ล้าง อ ซ้ะ ลู่ง อ ล ทาง แซย่ ดี๊ กมืง ล แฌ้ อี้ง ล้า แบ, ฌี้ ลู่ง อ ฌ่าง ล้อ

1​โคเรง 7:37 교차 참조

ดานีเอง 1:8

แบเด้าะ ดานีเอง อางกีล้าง อ ซ้ะ ล แม้ แบอ้า ล้าง อ ซ้ะ ดี๊ กจุ้แฆว้ อ ทอาง ลู่ง อดูอโท๊-อ้า, ดี๊ ไซ้ะ ซไบ้ะแซ ที๊ง พี่ กจุ้แฆว้ โอ้ เว๊ นอ-อ้า แบ, อ เว๊ อางท่าง กแคว๊ได้ะดีง อคูอแน่, เกม๊า อ เอิ้งล้าง เท่อ, บี่ซุ้ อ เว๊ ม ล แม้ แบอ้า ล้าง อ ซ้ะ แบ

1​โคเรง 7:1

ค๊องเนง อี้ง จ ม ไคล้ แบฆ้ะ ดี๊ เท่อ ลู่ง น ซื๊ง กวิ้ อางจ้ะ แย้ กแคว๊ ลู่ง ล ทาง แซย่ แบ นอ ฌี้ ลู่ง อ ฌ่าง

1​โคเรง 7:36

กแคว๊ พี่ อางด้าง โละ อ ซ้ะ ดี๊ กมืง ล แฌ้, ฌ้อง เมะ ช๊องมอง อางกี ล้าง อ ซ้ะ ล เก ล้า แบ, ดี๊ แม้ อ ซ้ะ ล เกิ้ง ล แบ แบ, ดี๊ ช๊องมอง เกิ้ง ลู่ง ม ทาง แซย่ นอ, อซื๊งเว๊ คี๊ง แฌ้ ม ทาง แซย่ ซี, อ นอ ล เมะ ท เด้เทา เด้บ้ะ น่าง เม้ง แบ

1​โคเรง 7:38

ท บี่ นอ, กแคว๊ ลู่ง อ ทาง แซย่ ดี๊ อ ด้าง นอ ฌี้ ลู่ง อ ฌ่าง, แบเด้าะ โพล้ง พี่ ล ทาง แซย่ แบ นอ, ม ฌี้ นี่ อ นอ ได้ะ

2​โคเรง 9:7

โพล้ง กุ้ อ แฌ้ แบ เกล๊าง บี่ ซุ้ อ ช๊องมอง เว๊ ลู่ง อ ซ้ะ พ้า นอ, แบ เกล๊าง ดี๊ อ ซ้ะ โพล๊, ล เมะ โพล้ง แคแน-อ้ะ แบ, อ ไฌ่ บี่ อี้ง กแช่ แยว้ เอ โพล้ง พี่ อ เกล๊าง เท่อ ดี๊ ท เซิง มึ ซ้ะ มึ

1เปโต 5:2

จ อวีงซ้ะชู้ เกม๊า น ซื๊ง ยู่แคว่ แฌแซ กแช่ แยว้ อ แกะ, พี่ อ อางกี ล้าง เอะ น ซื๊ง นอ ไช้ะ, ล เมะ แคว่-อ้ะ บี่ ซุ้ โพล้ง แคแน น ซื๊ง แบ, แบเด้าะ แคว่-อ้ะ ดี๊ ท มึ เซิง มึ ซ้ะ, บี่ ซุ้ กแช่ แยว้ แบ ซ้ะ เกม๊า น แคว่, ช๊องมอง ที่ ม นี่ แบ คางเล้ง ล เม้ง ล ฌี้, แบเด้าะ แคว่-อ้ะ ดี๊ ซ้ะ ลู่ง แบ ซ้ะ แม้ กแช่ แยว้ อ เท่อ