16 น ซื๊ง ล ซีงแฌ๊ แบ-อ้า, กแคว๊ พี่ อ ลี้ มี๊ง ฆึ ดี๊ เค๊เซ๊มืง นอ, ม เก ไท้ ท ล เม้ง ฆ่าง ดี๊-อ้ะ ล้อ, บี่ ซุ้ ไละ ฌี้ ไละ แอว้ โล้ เว้ เว๊ “อซื๊งเว๊ คี๊ง แฌ้ นอ ม เก ทาง ก้ะ ท ล แฌ้ ฆ่าง ล้อ”
อกย้องบี่นอ, โพล้ง แคว๊ ม ไจแดไฆวะ อมู่ อแพ่, ลี้ โอฆึช๊องฆึก้ะ ดี๊ อ แม๊, ดี๊ อ เว๊ คี๊ง แฌ้ นอ, ม เก ไพ้ะแย ล เม้ง ฆ่าง
แบเด้าะ อ ซื๊งเว๊ ไคล้ช๊า อ แพ่ ไจ้ะเว๊, “อ ซื๊งเว๊ ม แม้ เอะ ก พื่ง มืงน้าง บี่ซุ้ดี๊ เค๊เซ๊มืง ซี ชี่ โบ่?”
ท่อง ยูดา แด น่าง ทามา นอ, ช๊องมอง เว๊ อ เก เค๊เซ๊มืง, เป๊งนี่ อ เว๊ แม้นี่ ตไก้ยะ คลึไบ้ะล้างทะ อ เมะ
โอก้ะ ลู่ง ไค๊ ซ๊า แล้ นอ, โพล้ง เฌ๊ โล้ เอะ ยูดา ไจ้ะเว๊, “น เด น่าง ทามา นอ, กแม แคว๊, แอเละ อ นอ ได้ะ, อ เว๊ ด้าทาง, ลู่ง ท กแม แคว๊ อกย้อง เย้า”, ยูดา อางแบเลา เท่อ ไจ้ะเว๊, “ไจทางฌ้า-อ้ะ ลู่ง อี้ง, เช้าซี๊งไฆวะ-อ้ะ เฆาะ”
อซื๊งเว๊ คี๊ง แฌ้ นอ ม เก ทาง ก้ะ ท ล แฌ้ ฆ่าง ล้อ’, อซื๊งเว๊ ล เก โพล้ง คี๊ง แฌ้ ล้า แบ, เก ท ล แฌ้ ฆ่าง ล้อ
น ซื๊ง ล ซีงแฌ๊ แบ-อ้า, เฆ้อ ก ม ต้ะเซ๊ง ท มุ้คู พู เมะ บี่ นอ เกิ้ง ก ม ซีงแฌ๊, เท่อ แอ ล ปี๊ ลู่ง ม ต้ะเซ๊ง ท ไฌ่ ล ปี๊ ล คี่, พี่ อ โอ กุ้ มื่ง นี้ง
บี่ ซุ้ ไละ ฌี้ ไละ แอว้ โล้ เว๊ บี่ อี้ง, “อ กย้อง บี่ นอ, กแคว๊ แบ ไจ แด อ มู่ อ แพ่ ลี้ โอ ฆึ ก้ะ ดี๊ อ แม๊ บี่ นอ ล้อ, อซื๊งเว๊ คี๊ง แฌ้ นอ ม เก ทาง ก้ะ ท ล แฌ้ ฆ่าง ล้อ”
ลู่ง ท ชู่ง ท นะ อ กย้อง นอ, เค๊เซ๊มืง น่าง ราฮ้ะ ล แบ ท แม้ ซี๊ง ฆึ ดี๊ โพล้ง เยรีโค อ แฌ้แพ แบ, พี่ ล ชู่ง ล นะ กแช่ แยว้ แบ ล แพ นอ, อ ไฌ่ บี่ อี้ง, อ เว๊ ตองช้า ฮะช้า โพล้ง อีซลาเอง ลี้ แซย เท่อ นอ ดี๊ ท มึ ท พ้า
เซงซาง ลี้ ลู่ง เว่ง กาซา พ้า, อ เว๊ แด เค๊เซ๊มืง ล แฌ้, ลี้ มี๊ง เว๊ ดี๊-อ้ะ เฆาะ
