26 เท่อ ลู่ง ก ล้อง ก ย่าง อี้ง เม้ง ฌี้ เม้ง ฌี้ เมะ แบ น้ะ แบ โน๊ง นอ, อ แฌ้แพ ม แบ น้ะ แบ โน๊ง ปะ ล้อ, เท่อ ลู่ง ก ล้อง ก ย่าง เม้ง ฌี้ เม้ง ฌี้ เมะ นี่ ท, อางปฆ้า นอ อ แฌ้แพ ม เซิง ฆวี๊ง ซ้ะ มึ ฆึ ปะ
ซ้ะอวีง ซ้ะโทะ ฆึ ดี๊ โพล้ง พี่ อ โอ ดี๊ ท ซ้ะอวีง ซ้ะโทะ, ฌาง ฆึ ดี๊ โพล้ง พี่ อ ฌาง
แบ แม้ช้า โละ ซ้ะ ลู่ง ท แก ท เฌ้ ล แฌ้ แบ ล แฌ้ อ ฌ่าง, เมะ แม้ บี่ นอ น ม แม้ โพะ กแช่ เยซู คริ้ อ ทอางแม้เลา อ ไค๊
นาง แบ โพล้ง พี่ อ โอ ลู่ง พ้อง พ้า ล แพ นอ ไช้ะ, ช๊องมอง-อ้ะ บี่ ซุ้ น ซื๊ง แบซุ้ ฆึ ดี๊-อ้ะ ปะ, นาง แบ โพล้ง พี่ อ แบ ท แม้ น้ะ แม้ โน๊ง-อ้ะ ล แพ นอ ไช้ะ, ช๊องมอง-อ้ะ บี่ ซุ้ น ซื๊ง แบ น้ะ แบ โน๊ง ฆึ ดี๊-อ้ะ ปะ
ลู่ง อ ไค๊ ทึ อี้ง, น ซื๊ง ซีง แบ แม้ ซ้ะ ล โพลง ฆ่าง, เอ โละ กวี้ง โละ ซ้ะ บี่ ซุ้ ด๊างพื่งวี่, ย๊างเซิง ย๊างซ้ะ โละ ซ้ะ, ดี๊ โอ ดี๊ ท ชาง ล้าง เซิง ชาง ล้าง ซ้ะ คี๊ง โค๊ เลา
แบ เด้าะ กแช่ เยซู ไคล้ ช๊า โยฮาง ไจ้ะ เว๊ แด, “ล พ๊า แย๊ อี้ง ญ่อง แด เทา, อ ไฌ่ บี่ อี้ง, เกิ้ง ดี๊ เฆ้อ ก แม้ กุ้ อ เม้ง, พี่ อ แบ กแช่ แยว้ อ ซ้ะ”, ฌ้อง นอ, โยฮาง ญ่อง แม้ เอะ เว๊ ล้อ
น เมะคลี๊ง เมะ ดึ้ เกม๊า น แม้ ท เด้บ้ะ นอ, โอ้ง ทาง ญ๊อง ไฆวะ-อ้ะ บะจือ ล โค๊, น ไพ้ะ น แย เฌ๊ฌ้อง ไฆวะ ล เม้ง นอ, ฌี้ นี่ น กแช่ ด๊าง แฌ้, ม แบ ท จึ้ ล้าง ลู่ง มแนโฮะ พ้า ได้ะ
บี่ ซุ้ ม เกม๊า ก ล้อง ก ย่าง ล ล้างมื่ง ล้างพ้ะ โละ อ ซ้ะ แบ, แบเด้าะ, ม เกม๊า เท่อ ลู่ง ก ล้อง ก ย่าง กุ้ อ เม้ง ยู่ เทว๊ แคว่ เทว๊ โละ อ ซ้ะ บี่ ซุ้ๆ, ล้อ
น ซื๊ง กุ้ อ แฌ้ เก กแช่ เยซู คริ้ อ ล้อง อ ย่าง, ดี๊ น ซื๊ง ล แฌ้ๆ, นอ เก ท ล เม้งๆ, ลู่ง กแช่ เยซู คริ้ อ ล้อง อ ย่าง นอ
