29 ดี๊ โพล้ง แบ แฌ้ๆ, ลู่ง อ ซื๊งเว๊ อ แกล้ นอ, แบ ทต๊างทาง-อ้ะ, ม๊า อ คุ้แคว่ ทซู๊งทเจ่, ดี๊ คุ้แคว่ ทซู๊งทเจ่ ลู่ง อฌี้อแอว้ นอ เลาพะ, กูมีง ลู่ง อ ฌี้, ไซ้ะ ซไบ้ะ ที๊ง, ทซู, กางยาง, ดี๊ ทน๊าม๊า
ดี๊ แม้ช้า เท่อ แบฆ้ะ ดี๊ กู ช๊างล้าง เทว๊-อ้ะ, กูมีง ลู่ง อ ฌี้ ลู่ง ทลื่งทาง เทว๊ ทซูงทแซ อ ฌ่าง, กู ล แบ ดี๊ อ ซีง แบ, ดี๊ เท่อ พี่ อางแก-อ้ะ ลู่ง ท้ะ คู, ทเทว๊ แกย้ ฆึ ดี๊ ทซู, ดี๊ ทเค๊งดุ้ ตองดุ้ ทูดุ้ กุ้ อ เม้ง
โพล้ง แบ แฌ้ๆ, ลู่ง อ ซื๊งเว๊ อ แกล้ นอ, เก โพล้ง คุ้แคว่ ทซู๊งทเจ่ ลู่ง ทแม้ นอ อ ฌ่าง, เมะเว๊ แบ ดว้ะ เว๊ พี่ โพล้ง แม้นี่ เว๊ ดี๊ เฌ๊ โซ๊ง ไท้ เว๊ นอ
ดี๊ อ ซื๊งเว๊ซีง ล วีงแซยไฆวะ อ ซ้ะ, ดี๊ เท่อ พี่ กจุ้แฆว้ อางแบเลา เอะ โพล้งลื่งเท่ออคู ดี๊ โพล้ง เลวี, พี่ อ แบฆ้ะ ดี๊ ทไฌ่ เม้ง ฌี้ๆ, เลา ดี๊ ทล่างอางกีซยองเท่อ อ ไฌ่ นอ
“เกม๊า น อางแบเลา โพล้ง อีซลาเอง นอ, ม๊า อ เฌ๊ โชะ ไพ ซู ลู่ง อ ฌี้ ทึ, พี่ โพล้ง ไวะนี่ เว้ เว๊ นอ, ชวี๊งล้าง แอทาง มีโด้ง พ้า, เกม๊า มีโด้ง นอ พ้าง พี่ อ โท่
