18 ลู่ง ท้องคู อ เมะแซ พ้า มื่งนึ ล โค๊ นอ, โอ ลี่ง แฌ้ โอ ลู่ง เกล้, ดี๊ คี๊ง แฌ้ ลู่ง ท้องคูไท้ะ นอ
ดี๊ แม้ซี๊งไฆวะ กซี, พี่ กเย่ กจุ้แฆว้ ค่าง ยูดา เทว๊ เอะ มื่ง, ลู่ง เกล้ นึฆ้าง กแช่ยาเวอล่างโอ พ้า นาทางเมเล, พี่ อ เก โพล้ง แม้ เท่อ บลาง พ้า, พี่ อ โอ ลู่ง ทล่าง โอ ว้าง พ้า นอ, ดี๊ อ เว๊ เช้าไฆวะ มื่ง อ เลาะ ดึ้ซึ้ เท่อ นอ ดี๊ มี เฆาะ
เมะ ชุ้ปีง ดี๊ โฮซา นอ, ล้างเทะแบ แคว่ เท่อ ลู่ง มื่งนึ ล โค๊ ลู่ง ป้ะตู๊ง ชางเลเคะ, ลู่ง เกล้ ลี้ทาง ล โค๊ นอ, โพล้งคุ้แคว่เท่อมู๊ง ล แฌ้ ชี๊เทิง เท่งโละซ้ะ ดี๊ ล แฌ้ เด้าะ
ลู่ง มื่งทาง ล โค๊ นอ, โพล้ง เลวี โอ ฆู๊ง แฌ้, ลู่ง ท้ะโค๊ แพ้ นอ โอ เว๊ ล นี้ง ลี่ง แฌ้, ละโค๊ แพ้ ล นี้ง ลี่ง แฌ้, ดี๊ โอ เว๊ คี๊ง กู่ง ลู่ง ทล่างอางกีซยอง ทฆ้าทโฆ่ นอ
โพล้ง ลแพ อี้ง นอ, เก โพล้งคุ้แคว่เกล้ป้ะตู๊ง, โอนี่ ลู่ง โครา ดี๊ เมรารี อ พู ลแพ นอ อ แกล้
