15 โอเบะเอโดง เว๊ นอ, ล้างเทะแบ แคว่ เท่อ ลู่ง ละโค๊ แพ้, เมะ ทล่างอางกีซยอง ทฆ้าทโฆ่ นอ, ล้างเทะแบ อ ซื๊งเว๊ อ พู แบ แคว่ เว๊
ไละพู ลู่ง มื่งทาง ล โค๊ นอ ล เบง นอ, ล้างเทะแบ เชเลมียา, อ ซื๊ง เว๊ พองไละ เอะ อ พู เมะเว๊ เซคารียา นอ ปะ, อ เว๊ นอ เก โพล้งเนฌ้าโล้ฌ้าเท่อ พี่ อไพ่อแซย๊ เต้ๆ, ดี๊ อ เว๊ อ ไละพู นอ ล้างเทะแบ แคว่ เท่อ ลู่ง ท้ะโค๊ แพ้
เมะ ชุ้ปีง ดี๊ โฮซา นอ, ล้างเทะแบ แคว่ เท่อ ลู่ง มื่งนึ ล โค๊ ลู่ง ป้ะตู๊ง ชางเลเคะ, ลู่ง เกล้ ลี้ทาง ล โค๊ นอ, โพล้งคุ้แคว่เท่อมู๊ง ล แฌ้ ชี๊เทิง เท่งโละซ้ะ ดี๊ ล แฌ้ เด้าะ
ลู่ง มื่งทาง ล โค๊ นอ, โพล้ง เลวี โอ ฆู๊ง แฌ้, ลู่ง ท้ะโค๊ แพ้ นอ โอ เว๊ ล นี้ง ลี่ง แฌ้, ละโค๊ แพ้ ล นี้ง ลี่ง แฌ้, ดี๊ โอ เว๊ คี๊ง กู่ง ลู่ง ทล่างอางกีซยอง ทฆ้าทโฆ่ นอ
ดี๊ อ เว๊ ลู่นี่ก้ะ ท๊อง ดี๊ จี้, ดี๊ ทฆ้าทโฆ่ เลาพะ, พี่ แด เว๊ ลู่ง กแช่แยว้อล่างโอ พ้า, พี่ อ โอ ดี๊ โอเบะเอโดง, ดี๊ พี่ อ แด เว๊ ลู่ง บลาง อ ทล่างอางกีซยองเท่อ นอ อ พ้า, ดี๊ พองนี่ โพล้ง เก ทอางเล๊ โละ ปะ, ฌ้อง อ เว๊ ไท้ ลู่ง เว่ง ซมาเรีย พ้า
ม้ะทานียา, บะบูคียา, โอบาดี, เมชูลาง, ทางโมง ดี๊ อะคุ้ นอ, เก โพล้งคุ้แคว่เกล้ป้ะตู๊ง, ชี๊เทิง โอคุ้ทะ เท่อ ลู่ง ป้ะตู๊ง อ ทล่าง อางกี ทฆ้าทโฆ่
