11 คี๊ง แฌ้ ล แฌ้ นอ ฮีงคียา, ซ๊า แฌ้ ล แฌ้ นอ เทบาลิ้ยา, ลี่ง แฌ้ ล แฌ้ เซคารียา, อ เว๊ อ พูแคว๊, ดี๊ โฮซา อ น๊างพื่งวี่ เลาพะ นอ โอ ชี๊ง ซ๊า แฌ้
ดี๊ ท่อง อ ซื๊งเว๊ อางฆื๊ง กุ้ กจุ้แฆว้ นอ, เอลียาคีง เฮงคียา อ พู, พี่ อ เก ทอดู แคว่เท่อ กจุ้แฆว้ อ เด้า, ดี๊ เชนา ทอดูกวิ้ไนเท่อ, ดี๊ อาซ้ะ อ พู โยอา, พี่ อ เก โพล้ง นางแบไท้ ทกวิ้ไน เท่อ กุ้ อ เม้ง นอ, ไจทาง ต้องนอง อ ซื๊งเว๊ ล้อ
ดี๊ เมรารี อ พู โฮซา นอ อ พู เมะเว๊ ชีงรี เก ทอคูอแน่, (เมะเว๊ ทึเมะ อ เว๊ อ พู วี่แซย่ ล โอ แบ ฌี้ นอ, อ แพ่ ต๊างทาง-อ้ะ ม๊า เก ทอคูอแน่ ล้อ)
โพล้งคุ้แคว่เกล้ป้ะตู๊ง ต๊าง กเย่ อ ซื๊งเว๊ อคูอแน่, ลู่ง โอ ดี๊ ทซีทแบ เซิงน้าซ้ะน้า ลแพ อี้ง นอ, โอ ดี๊ อ ทแม้ บี่ซุ้ดี๊ อ ซื๊งเว๊ อ พื่ง อ วี่, พี่ อ แม้ เท่อ ลู่ง กแช่ยาเวอล่างโอ พ้า นอ ล เม้ง ฆ่าง ล้อ
