1​ทกวิ้ไน 23:30 - Northern Pwo Karen Thai Bible

³⁰ ดี๊ กุ้ อ โฌ้ นอ, อ เว๊ แบ ชี๊เทิง ไจ้ะบลึ้ ดี๊ อางปฆ้าทาง กแช่ยาเว, ดี๊ มแฌล้าง โค๊ แบ แม้ บี่นอ ปะ

1​ทกวิ้ไน 23:30 교차 참조

1​ทกวิ้ไน 9:33

อ อี้ง นอ เก โพล้ง ซ้ะอวีง แท๊ ซีง นอ, เมะเว๊ โพล้ง เลวี อ ชื้อ ล ดองๆ, นอ อคูอแน่, พี่ อ โอ ลู่ง เว่งฮ๊าง พ้า, อ ซื๊งเว๊ ล แบ แม้ เท่อ อ แฌ้แพ แบ, เมะเว๊ อ ซื๊ง โอแคว่ เท่อ เลา มแน้ เลา มแช๊

ท​เน​โพล​ทาง 14:3

โพล้ง ล แพ นอ ชี๊เทิง ลู่ง ท ล่าง ชี๊น้าง ยู่แคว่ เท่อ ดี๊ เครุ้ ลี่ง ดื้ง ดี๊ โพล้ง เม้ง โพล้ง แซย่ ล แพ นอ อ เมะแซ พ้า, อซื๊งเว๊ ซ้ะอวีง ทาง แท๊ อ ซ๊าง พี่ โพล้ง อ แฌ้แพ ซ้ะอวีง เว๊ ล ซี น่าง แฌ้ แบ, โพล้ง ล ล้าง ลี่ง ไซ ลี่ง ม๊า แฌ้ พี่ อ แบ ท ฆวี้ นี่ ไท้-อ้ะ ลู่ง ฌางคู โคล๊ง คู เย้า ล แพ นอ ล้อ ซ้ะอวีง เว๊ ซี

2ทกวิ้ไน 31:2

เฮเซคียา อางน้าง โพล้งลื่งเท่ออคู ดี๊ โพล้ง เลวี เก ล มู๊งๆ, โอ ด้องซุ้ ล แฌ้ๆ, อ ทแม้ แด เว๊, ทึเมะ ม เก โพล้งลื่งเท่ออคู ฌี้, โพล้ง เลวี ฌี้, บี่ซุ้ เกม๊า เว๊ อ เทว๊ ทลื่งทาง เช้า ทพูแฆ่ น๊างดื้ง, ดี๊ ทลื่งทาง แม้ฆู๊งแม้พุ้ เท่อ, เกม๊า เว๊ แม้ แยว้ อ เท่อ, เกม๊า เว๊ เทว๊ ทไจ้ะบลึ้ ดี๊ ม๊า เว๊ อางปฆ้างทาง เท่อ, ลู่ง เว่งฮ๊าง อ ป้ะตู๊ง ไท้ะ

1​ทกวิ้ไน 9:27

ดี๊ อ ซื๊งเว๊ โอ วะ เว่งฮ๊าง นอ อ ฆ้อง, เมะเว๊ ทแม้ คุ้แคว่ เท่อ นอ, ล้างเทะแบ อ ซื๊งเว๊ แด ล้อ, ดี๊ อ ซื๊ง เว๊ แบ อุ้พ้ะทาง เกล้ ป้ะตู๊ง กุ้ อ โฌ้ ล้อ

1​ทกวิ้ไน 23:29

ดี๊ แม้ช้า เท่อ แบฆ้ะ ดี๊ กู ช๊างล้าง เทว๊-อ้ะ, กูมีง ลู่ง อ ฌี้ ลู่ง ทลื่งทาง เทว๊ ทซูงทแซ อ ฌ่าง, กู ล แบ ดี๊ อ ซีง แบ, ดี๊ เท่อ พี่ อางแก-อ้ะ ลู่ง ท้ะ คู, ทเทว๊ แกย้ ฆึ ดี๊ ทซู, ดี๊ ทเค๊งดุ้ ตองดุ้ ทูดุ้ กุ้ อ เม้ง

1​ทกวิ้ไน 23:31

ดี๊ กุ้ อ พ๊า พี่ โอ ดี๊ ทลื่งทาง เช้า ทพูแฆ่ น๊างดื้ง เทว๊ เอะ กแช่ยาเว ลู่ง มื่งดืงเท่อ, พี่ มื่งทาง ซ๊าง ลแฌ, ลู่ง มื่ง นี้ง ทแม้มึอางอวีง ลื่งอาง เท่อ, บี่ซุ้ดี๊ อ แอ อ แซย้ ท๊อง ทอางกีล้าง เว๊, ม๊า เทว๊-อ้ะ ลู่ง กแช่ยาเว อ เมะแซ พ้า ตเราน๊างบ้อง นอ

1​ทกวิ้ไน 23:5

ลี่ง ม๊า แฌ้ นอ เก โพล้งคุ้แคว่เกล้ป้ะตู๊ง, ดี๊ ลี่ง ม๊า แฌ้ เด้าะ นอ, อางปฆ้าทาง กแช่ยาเว เจ่ ทอูง ทเด้ง, พี่ จ แม้ เว้-อ้ะ ม๊า เจ่ ลู่ง ทอางปฆ้าทาง เท่อ”