1​ทกวิ้ไน 23:1 - Northern Pwo Karen Thai Bible

¹ พี่ ดาเว อ ซ้ะแซย่ ดี๊ ซ้ะแซย่ น้ะ เย้า อ แค๊ นอ, อ เว๊ ต๊างทาง อ พูแคว๊ ซาโลโม เก โพล้ง อีซลาเอง อ กจุ้แฆว้

1​ทกวิ้ไน 23:1 교차 참조

ทอคางไท้ะ 25:8

อาบราฮาง ซี๊ง พี่ อ ซ้ะแซย่ น้ะ เย้า, อ เว๊ เก โพล้ง ซ้ะแซย่กิ้, อ โญะ โอ แอมะ, ดี๊ แบ ท อางกีซยอง ลี้ โอ ดี๊ อพี๊งอพู๊ง ลู่ง แย๊ อู้ง นอ ล้อ

ทอคางไท้ะ 35:29

ท้อง อ มื่งนี้ง ลู่ง ไค๊ ทึ, อ เว๊ ซี๊ง พี่ อ ซ้ะแซย่, ดี๊ ซ้ะแซย่กิ้ น้ะ, ดี๊ แบ ท อางกีซยอง ลี้ โอ ดี๊ อ พี๊ง อ พู๊ง ลู่ง แย๊, อ พูแคว๊, เมะเว๊ เอโซ ดี๊ ยาคุ้ นอ, ลี้ เคิงล้างบ้า-อ้ะ ล้อ

1​กจุ้แฆว้ 1:1

กจุ้แฆว้ ดาเว อ โญะ แอ ดี๊ อ ซ้ะแซย่ น้ะ เย้า, ทึเมะ โพล้ง ดึ้ มี๊งลึ้ เอะ อ แบย แอ เบง ฌี้ๆ, ล ล้าทาง-อ้ะ น่าง เม้ง แบ

1​กจุ้แฆว้ 1:27

ทกึทาง อ ซ้ะ บี่อี้ง นอ เฌ๊นี่ ดี๊ แน้, เมะเว๊ จ เซงคู กจุ้แฆว้ นอ-อ้า, ดี๊ น ล นี่ ไคล้ ดี๊ น เพล่ แบ พี่ ม ไจ้ะ, ม เกม๊า โพล้ง พี่ แฌ้ เล้, ชี๊น้าง ลู่ง จ เซงคู กจุ้แฆว้ อ ล่าง ชี๊น้าง คู เท่งก้ะ น ล่าง”

1​กจุ้แฆว้ 1:30

ล นี้ง แย๊ อี้ง, จ ม แม้ บี่ซุ้ดี๊ จ อืงล้าง เว้ เท่อ ดี๊ แน้, ลู่ง กแช่ยาเว โพล้ง อีซลาเอง อ กแช่แยว้ อ เม้ง บี่นอ ล้อ, เมะเว๊, ‘น พูแคว๊ ซาโลโม ม เก กจุ้แฆว้ เท่งก้ะ แ ย้ โฆะ เต้ๆ, ล้อ, ดี๊ ม ชี๊น้าง ลู่ง จ ล่าง ชี๊น้าง คู เท่งก้ะ แย้’, จ ม แม้ บี่นอ ล นี้ง แย๊ อี้ง”

1​กจุ้แฆว้ 2:12

บี่ซุ้ดี๊ นอ, ซาโลโม ชี๊น้าง แบก้ะ อ แพ่ ดาเว อ ล่าง ชี๊น้าง โพะคอง เท่อ อ คู ดี๊ อมื่งอบ้าง โอเฌิ่งโอค๊า ฌี้ มะ

1​ทกวิ้ไน 23:2

ดาเว กุ้ แพโซง โพล้ง อีซลาเอง อคูอแน่ นอ เลาพะ, เลา ดี๊ กเย่ โพล้งลื่งเท่ออคู ดี๊ โพล้ง เลวี

1​ทกวิ้ไน 28:5

ดี๊ ลู่ง จ พูแคว๊ เลาพะ อี้ง อ แกล้, (เมะเว๊ กแช่ยาเว เกล๊าง เอะ จ พูแคว๊ ตบลึ้ แฌ้), อ เว๊ อางลึนี่ จ พูแคว๊ ซาโลโม เอะ โพล้ง อีซลาเอง, เกม๊า เว๊ อ ชี๊น้าง ลู่ง กแช่ยาเว อมื่งอบ้าง อ ล่าง ชี๊น้าง คู

1​ทกวิ้ไน 29:28

ดี๊ อ เว๊ ซี๊ง ลู่ง อ ซ้ะแซย่ ดี๊ อ ซ้ะแซย่ น้ะ เย้า อ แค๊ นอ, ดาเว โอเฌิ่งโอค๊า ดี๊ โอ ดี๊ อฆี๊งอแล้, ดี๊ อ พูแคว๊ ซาโลโม โพะคอง เท่อ เท่งก้ะ อ ล่าง

โยบา 5:26

น ม เฌ๊ ท้อง น แซวคู พ้า, ลู่ง น ซ้ะแซย่กิ้ อ แค๊ โฆะ ด้องซุ้ บืงโด พี่ เฌ๊โชะ ลู่ง อ ล่าง, บี่ซุ้ดี๊ อ ว๊าง อ แค๊