1ทกวิ้ไน 22:15
10 교차 참조
แบเด้าะ โพล้ง เล้ พี่ ม ไต้ทาง เอะ กแช่แยว้อล่างโอ ซี? พี่ ท มุ้คู ฌี้, ทึเมะ ทมุ้คู พี่ อ โท๊ ทึ ฌี้ นอ, โอค๊าทะ กแช่แยว้ ล ซี ได้ะ แบ, ดี๊ แย้ นอ จ เก เด้าะ ชี่ โพล้ง เล้, พี่ ม ไต้ทางนี่ เอะ กแช่แยว้อล่างโอ, แม้ ซี ฆวี๊ เกม๊า อ เก ทล่าง เช้า ทน๊าม๊า, เทว๊-อ้ะ ลู่ง กแช่แยว้ อ เมะแซ พ้า นอ ล เม้ง ล้อ
ทบี่นอ, ค๊องเนงอี้ง, เกม๊า น โซ๊ง เอะ แย้ กแคว๊ ล แฌ้, พี่ อ จูงซี เมะโชะ แบฆ้ะ ดี๊ ทแม้ ท๊อง, จี้, ท่องบ้าง, ดี๊ ท้ะ, ดี๊ อ จูงซี แม้ เท่อ แบฆ้ะ ดี๊ ตไก้ยะ ลึ้, ตไก้ยะ โฌ้ จีลี, ตไก้ยะ ฮี๊, เลา ดี๊ ซี ทแพล้กีงแพล้ไว้ เท่อ, บี่ซุ้ ม แม้ ฆึ เท่อ ดี๊ กเย่ โพล้ง จูงซีเมะโชะ, พี่ อ โอ ดี๊ แย้ ลู่ง ยูดา พ้า, ดี๊ เยรูซเลง พ้า, พี่ จ แพ่ ดาเว อางฆื๊งนี่ เว้ เว๊ ลแพ นอ
โพล้ง คี๊ง แฌ้ อี้ง นอ, กแช่แยว้ เกล๊าง เอะ อ ทโกงซีมองแบ ลู่ง ทแม้ กุ้เม้ง อ ฌ่าง, เมะเว๊ ทแม้ แบฆ้ะ ดี๊ ทจูงซีเมะโชะ, ท ช๊องมองทางนี่ ทอด้อง, ดี๊ ทช้ะกีงนี่ ตไก้ยะ, ดี๊ ลูง เปย้า, ลูง ลึ้, ลูง โฌ้จีลี, ดี๊ ตไก้ยะ ลู่ง อ แย ฌี้, ดี๊ ทบึ้ ทท้ะ, เมะเว๊ แม้ เท่อ แบฆ้ะ ดี๊ ทจูงซีเมะโชะ กุ้ อ เม้ง, ดี๊ เก โพล้ง พี่ อ ช๊องมองทางนี่ ทอด้อง ซี เมาน่าง นอ ล้อ
광고