6 แบเด้าะ ทดว้ะ อี้ง, อ เว๊ ล ดว้ะ ฆึ โพล้ง เลวี ดี๊ เบงยามีง แบ, เมะเว๊ กจุ้แฆว้ อ ทอางแบเลา อี้ง นอ, เก ทล้าง แช๊เมะ แบ โยอะ นอ ล้อ
ดี๊ ท่อง อะเนอ เฌ๊ไท้ ไท้ ท้อง เว่ง เฮโบรง พ้า เย้า นอ, โยอะ ลี้ฌ้า-อ้ะ ลู่ง เว่ง อ ป้ะตู๊ง พ้า, บี่ซุ้ ม ไคล้ เว๊ ดี๊-อ้ะ คี๊ง แฌ้ เฆาะ, แบเด้าะ, โยอะ นอ ชิ้ อะเนอ อ ฌู่โพ๊ง, ดี๊ อ เท่อ ซี๊ง เว๊, โยอะ แม้แกไท้ อ พื่ง อาซาเฮง อ ซวีง อ กย้อง นอ ล้อ
แบเด้าะ กแช่แยว้ ล แบ อ ซ้ะ ดี๊ ท ล ไฌ่ อี้ง แบ, กแช่แยว้ แม้เตา โพล้ง อีซลาเอง
น่าง เซรูยา อ พู เมะเว๊ โยอะ นอ ดว้ะทาง เว๊, แบเด้าะ ล ชิ้เทา แบ, ทึเมะ บี่นอ ฌี้, กแช่แยว้ อ ทซ้ะทาง ล้างแบ อีซลาเอง ลู่ง ท ล ไฌ่ อี้ง อ กย้อง ดี๊ อ แอ อ แซย้ นอ ล นี่ กวิ้ล้าง เว๊ ลู่ง กจุ้แฆว้ ดาเว อ ไละ กวิ้ไน พ้า นอ แบ
