19 ดาเว ลี้ทาง เว๊ บี่ซุ้ดี๊ ก้ะดา โล้ เอะ-อ้ะ, พี่ อ อางจ้ะนี่ เว๊ ลู่ง กแช่ยาเว อ เม้ง นอ
ฌ้อง กแช่ยาเว อ ทมุ้คูพู อางแบเลา ก้ะดา, เกม๊า โล้ เอะ ดาเว ไจ้ะเว๊, เกม๊า ดาเว ลี้ทาง ไต้ทางนี่ ทลื่งล่าง, เทว๊ เอะ กแช่ยาเว ลู่ง โอระนาง, โพล้ง เยบุ้ ล แฌ้ นอ อ ทล่าง เพา บืง พ้า นอ
โอระนาง แกยฆ้าง อ ซ้ะ แด ทมุ้คูพู, อ พูแคว๊ ลี่ง แฌ้ พี่ โอ ดี๊-อ้ะ นอ โอคุ้ซูงไฆวะ เฆาะ, เมะ โอระนาง นอ ไย่ล้างนี่ บืง ซาลี ได้ะ
ท่อง อ ช๊าง นอ กแช่ เยซู อ มู่ โล้ แบ โพล้ง อ เพล่ อ บาง ล มู๊ง นอ ไจ้ะ เว๊, “อ เว๊ เมะ อางแม้เลา น ซื๊ง แม้ ล เม้งๆ, นอ แม้-อ้ะ แด เทา”
ค๊องเนง อี้ง เฌ้เทิง ทาง, ลี้ นึ ลู่ง เว่ง พ้า ไวะ, น แบ แม้ ท เล้ นอ โพล้ง ม โล้ แบ แน้ ล้อ”
