1​ทกวิ้ไน 21:16 - Northern Pwo Karen Thai Bible

¹⁶ ดาเว แคว่ทาง เท่อ, แด เว๊ กแช่ยาเว อ ทมุ้คูพู, ชี๊เทิง ลู่ง ฌางคูโคล๊งคู ดี๊ ทมุ้คู อ เบ้าช้า พ้า, ดี๊ อ จูง พ้า นอ โชะ ดี๊ น้ะ, พี่ อ ทึ้ทาง เว๊ ต้องฆ้าง เว๊ ลู่ง เยรูซเลง อ คูด้าง, ฌ้อง ดาเว ดี๊ โพล้งเม้งโพล้งแซย่ ซีงลแพ นอ, ซุ้ทาง ตไก้ยะ กเซ้าะ ซย๊องล้าง อ เมะ

1​ทกวิ้ไน 21:16 교차 참조

ทอคางไท้ะ 3:24

กแช่แยว้ โฌ๊ไจทางไฆวะ โพล้ง แคว๊ นอ, ดี๊ ต๊างทาง เครุ้ ลแพ นอ ลู่ง โซ๊ง เอเดง อ มื่งทาง ล โค๊, ช๊างล้าง น้ะ มี ล เบง, พี่ อ ไร้ะ ซี, โอคุ้ทะ เกล้ พี่ ม ลี้ ฆ้าง ฌูง เซง ทม๊า นอ ล้อ

1​กจุ้แฆว้ 21:27

ดี๊ ลู่ง ไค๊ พี่ อาฮะ แน่ฌ๊า กแช่แยว้ อลู่งอแท๊ ลแพ อี้ง นอ, อ เว๊ ซย๊างยะล้าง อ ไช๊, ซุ้ทางก้ะ ตไก้ยะ กเซ้าะ, ดืง อาง เท่อ, มี๊ง ลู่ง ตไก้ยะ กเซ้าะ พ้า, ดี๊ ไจ ลี้ ไจ ไท้ ดี๊ นางแบล้างไท้ ซ้ะ, แม้ เท่อ ไพ้ะ

2​กจุ้แฆว้ 19:1

ท่อง กจุ้แฆว้ เฮเซคียา แน่ฌ๊า เว๊ บี่นอ, อ เว๊ ซย๊างยะ อ ไช๊ อ ช้าง, ดี๊ แม้นี่ ตไก้ยะ กเซ้าะ คลึไบ้ะล้าง อ ซ้ะ, ดี๊ ลี้ นึฆ้าง ลู่ง กแช่ยาเวอล่างโอ พ้า

2​กจุ้แฆว้ 6:17

ฌ้อง เอลีชา ชูแพ อางท่าง เท่อ ไจ้ะเว๊, “กแช่ยาเว-เอ้อ, แม้ พ้างทาง เอะ อ เมะ, บี่ซุ้ อ เว๊ ม แด เท่อ”, ดี๊ กแช่ยาเว แม้ พ้างทาง น่างบางซ้ะบาง แคว๊ ล แฌ้ นอ อ เมะ, ฌ้อง อ เว๊ แคว่ เท่อ แด เว๊ ลู่ง ทลู่ง คู นอ กซี โอ ฆวี้ทะ, ดี๊ เลาะ ดึ้ซึ้ เท่อ พี่ เก มี นอ โอ วะ เอลีชา อ ฆ้อง

เอเซเคียง 30:25

ก ม แม้ชองทาง กจุ้แฆว้ ลู่ง บาบีโลง อ จูง, แบเด้าะ ฟาโร อ จูง นอ ม ล้างเช้, ฌ้อง อ ซื๊งเว๊ ซีง ลแพ, ม ซีงแฌ๊ เว๊ บี่อี้ง, เฆ้อ เมะเว๊ ยาเว, พี่ ก แม้นี่ ก น้ะ ชวี๊งล้าง กจุ้แฆว้ ลู่ง บาบีโลง อ จูง พ้า นอ, อ เว๊ ม เยาฆ้าง เว๊ ดึ้ซึ้ ค่าง อีไย้ะ

เอเซเคียง 9:8

พี่ อ ซื๊งเว๊ ซีง ลแพ เป้ กล้าง เท่อ อ แค๊ นอ, จ โอ ยื่งเย้ง ล แฌ้ เฆาะ, จ ซย๊องล้าง เมะ ท้อง ฌางคูคู กุ้ซย้ะ เท่อ บี่อี้ง, “ทอดูทึโท๊ทึกแช่ยาเว-เอ้อ, น ม แม้ เฌ๊ฌ้อง โพล้ง อีซลาเอง พี่ โอ ล้างลื๊อก้ะ นอ ท่อง อ เลา, บี่ซุ้ แม้ ไจทาง น ท ซ้ะทาง ลู่ง เยรูซเลง อ คูด้าง-อ้า?,”

เกล้​ท​ซ้ะวี่ง 14:5

โมเซ ดี๊ อาโรง นอ ซย๊องเท่งล้าง อ เมะ ลู่ง โพล้ง อีซลาเอง น๊างมู๊ง อทแพโซง ล่าง อ เมะแซ พ้า

เกล้​ท​ซ้ะวี่ง 16:22

อ เว๊ คี๊ง แฌ้ นอ ซย๊องล้าง อ เมะ ดี๊ ไจ้ะเว๊, “กแช่แยว้ พี่ อ เก กโพล้ง กุ้ แฌ้ อ วีง อ แล้-เอ้อ, พี่ โพล้ง แม้ ไพ้ะ แบ เท่อ ล แฌ้ ล้อ นอ, น ม ซ้ะทาง ดี๊ โพล้ง น๊างมู๊ง เลาพะ โบ่?”

เกล้​ท​ซ้ะวี่ง 22:23

ท่อง แลว้ แด กแช่ยาเว อ ทมุ้คูพู โชะ น้ะ, ชี๊เทิง โอทะ เกล้ นอ, แลว้ ลี้ก้ะ ลู่ง เกล้ ฆ้อง ลี้ล้าง ลู่ง ไชะ พ้า, บาลาอาง ท่าง อ แลว้ เกม๊า เว๊ อ ไท้ โพะ ไท้ เกล้ ลู่ง อ ล่าง

เกล้​ท​ซ้ะวี่ง 22:31

ฌ้อง กแช่ยาเว แม้ พ้างทาง บาลาอาง อ เมะ, อ เว๊ แด กแช่ยาเว อ ทมุ้คูพู ชี๊เทิง โอทะ เกล้, โชะ ดี๊ น้ะ ลู่ง อ จูง พ้า, บาลาอาง ซย๊องล้าง อ คู แบ้ทาง เว๊

โพล้งต้ะเซ๊งเท่อ 13:20

ดี๊ โอ ท่อง มีแล ลู่ง ทลื่งล่าง ดี้งทาง ลู่ง ทมุ้คู นอ, กแช่ยาเว อ ทมุ้คูพู นอ ลี้ทาง โพะ มีแล ลู่ง ทลื่งล่าง คู อ ไค๊ พี่ มาโนอา ดี๊ อ แม๊ คุ้แคว่ดุ้ เว๊ แค๊, ดี๊ อ ซื๊งเว๊ ซย๊องเท่งล้าง อ เมะ ฌางคู คู นอ ล้อ