1​ทกวิ้ไน 21:13 - Northern Pwo Karen Thai Bible

¹³ ฌ้อง ดาเว ไคล้ช๊า ก้ะดา ไจ้ะเว๊, “ทน้ะ แบ จ ซ้ะ เต้ๆ, เกม๊า จ ล้างเทะแบ โอ กแช่ยาเว อ จูง พ้า, เมะเว๊ กแช่แยว้ อ ทย๊างซ้ะ นอ พ้ะดู เต้ๆ, แบเด้าะ เกม๊า จ ล้างเทะแบ โอ ลู่ง กโพล้ง อ จูง พ้า ล ฌี้”

1​ทกวิ้ไน 21:13 교차 참조

2​กจุ้แฆว้ 6:15

พี่ โพล้ง กแช่แยว้ เว๊ อ เพล่ นางทาง อ ซ้ะ ลู่ง โฌ้ ล คึ, ดี๊ ไจทาง นอ, แคว่เซ้อ, ซึ้พูมู๊ง ดี๊ กซี ดี๊ เลาะ ดึ้ซึ้ เท่อ พ้องวะ เว่ง, ดี๊ อ เพล่ โล้ เอะ-อ้ะ ไจ้ะเว๊, “ล กลุ้ ล้าแบ จ เซงคู-เอ้อ, ก ม แม้ก้ะ บี่จะเล้?”

2​กจุ้แฆว้ 7:4

ก เมะ ไจ้ะ, ‘เกม๊า ก ลี้ฆ้าง ลู่ง เว่ง พ้า’, ทซ้ะวี่งล้างดุ้ เดอะ โอ พี่ เว่ง พ้า, ดี๊ ก ม ซี๊ง พี่ นอ, ดี๊ ก เมะ ชี๊น้าง พี่ อี้ง ก ม ซี๊ง ปะ, ทบี่นอ, ม๊า ก เฌ๊ แดเทา, ม๊า ก ลี้ฆ้าง ลู่ง โพล้ง ซีเรีย อ ทล่างโอซยอง พ้า, อ เว๊ เมะ อางกี ม๊า เฆ้อ นอ, ก ม พ้องไฆวะ ดี๊ ทซี๊ง, อ เว๊ เมะ แม้ซี๊ง เฆ้อ นอ, ก ม ซี๊ง ฆวี๊ นอ ล้อ”

2ทกวิ้ไน 28:9

แบเด้าะ กแช่ยาเว อ โม โอ พี่ นอ ล แฌ้ อ เม้ง โอเดะ, อ เว๊ ลี้ ต้องนอง ซึ้พูมู๊ง พี่ อ เฌ๊ ลู่ง ซมาเรีย พ้า, ไคล้ ดี๊ อ ซื๊งเว๊ซีง นอ ไจ้ะเว๊, “แคว่เซ้อ, กแช่ยาเว น ซื๊ง พี๊ง พู๊ง ลู่ง แย๊ อ กแช่แยว้ นอ, อ ซ้ะทาง ดี๊ โพล้ง ยูดา, อ เว๊ อางกีล้าง โพล้ง ลแพ นอ ลู่ง น จูง พ้า, แบเด้าะ น ซื๊ง แม้ซี๊ง-อ้ะ ดี๊ ทเซิงทางซ้ะไฌ๊ อ กย้อง, อ นอ เซ๊ทาง ท้อง ลู่ง ทมุ้คู

เอซเทอ 4:11

“กเย่ กจุ้แฆว้ อ กดูกแซย่ เลาพะ, ดี๊ โพล้งเฌงพูฆ๊างพู ลู่ง กจุ้แฆว้ อ เว่งดูคล้องโท๊ พ้า, ซีงแฌ๊ เว๊ เย้า บี่อี้ง, กแคว๊ ฌี้, กมืง ฌี้, พี่ แฌ้ เล้ เมะ ลี้ฆ้าง โอ กจุ้แฆว้ ลู่ง อ ทล่าง คว้าง พ้า, พี่ ล นี่ กุ้นี่ เว๊ แบ นอ, ทอางกีล้าง โอ เว๊ ล เม้ง ฆ่าง บี่ซุ้ โละซ้ะ เลาพะ, เมะเว๊ เกม๊า แม้เตาแม้แต๊-อ้ะ ท้อง อ ซี๊ง, โอ เว๊ ที่ โพล้ง พี่ กจุ้แฆว้ เยาฆ้าง นางทุ้บ้อง ท๊อง ฮะนี่-อ้ะ นอ, โพล้ง ล แฌ้ นอ ล้อ ม โอม๊า ซี, เมะ ยี๊แด นอ กจุ้แฆว้ ล นี่ กุ้ แย้, เกม๊า ลี้ฆ้าง โอ-อ้ะ แบ ซ๊าชี๊ง นี้ง เย้า”

เอซเทอ 4:16

“ลี้ แดเทา, เกม๊า กุ้ซยอง นี่ โพล้ง ยู เลาพะ, พี่ อางฆื๊ง แด-อ้ะ ลู่ง ซูซา พ้า, ดี๊ ดืงอาง ทอางทโอ้ ลู่ง จ ฌ่าง, เกม๊า อาง เท่อ ดี๊ โอ้ เท่อ ล ฌี้ ซ๊านี้ง, เลา มแน้ เลา มแช๊, แย้ ดี๊ จ เพล่ มืง ม ดืงอาง ทอางทโอ้ บี่ซุ้ดี๊ แน้ ปะ, ฌ้อง นอ จ ม ลี้ฆ้าง โอ กจุ้แฆว้, ทึเมะ อ เก ทลือค๊างพะ ทอางกีล้าง ฌี้ๆ, จ เมะ แบ ซี๊ง ฌี้ นอ, จ ม ซี๊ง ล้อ”

ทอางปฆ้า 103:8

กแช่ยาเว โอ ดี๊ อ ทย๊างเซิงย๊างซ้ะ, ดี๊ อบลึ้อบลาง ซ้ะทาง เท่อ โกย้, ดี๊ โอล๊าโอฆวี้ ดี๊ ทเอทกวี้ง, พี่ อเฌิ่งอค๊า

ทอางปฆ้า 106:7

พี่ เฆ้อ ก พี๊งพู๊งลู่งแย๊ อู้ง โอ อีไย้ะ พ้า นอ อเว๊ ล ควี๊งคูแกยแน่ ดี๊ กแช่แยว้ อ ทล้ะทเล่ แบ อเว๊ ล นี่ นางแบทางไท้ กแช่แยว้ อ ทเอทกวี้ง ลู่ง อเฌิ่งอค๊า, พี่ อกู้งอล๊า นอ แบ แบเด้าะ นี่ กไบล้ะกแบล ลู่ง ปางเล, ลู่ง ปางเลโฌ้

ทอางปฆ้า 119:156

จ กแช่ยาเว-เอ้อ, น ท ย๊างซ้ะ นอ โอ แอ เต้ๆ เกม๊าเต้ แฌแซกต้าง ทะ จ ทโอม๊า, บี่ซุ้ดี๊ น ท อางกีล้าง นอ

ทอางปฆ้า 130:4

แบเด้าะ กแช่แยว้ โอ ดี๊ ท แพล่ไฆวะ บี่ซุ้ โพล้ง ม ดู้งแบยางแบ กแช่แยว้

ทอางปฆ้า 130:7

โพล้ง อีซลาเอง-เอ้อ, เกม๊า มื้งแล่ เท่อ ดี๊ กแช่ยาเว เมะเว๊ กแช่ยาเว โอ ดี๊ ทเอทกวี้ง พี่ อเฌิ่งอค๊า ดี๊ กแช่แยว้ นอ, โอ ดี๊ ท เทะนี่ไท้ พี่ อล๊าอฆวี้

ทอางปฆ้า 5:7

แบเด้าะ ลู่ง กแช่แยว้ อ ทเอทกวี้ง ลู่ง อเฌิ่งอค๊า, พี่ อล๊าอฆวี้ อกย้อง นอ จ ม ลี้ นึฆ้าง ลู่ง กแช่แยว้อล่างโอ พ้า จ ม แบ้ล้าง เท่อ, ฆ้าง ดี๊ กแช่แยว้ อ เว่งฮ๊าง, พี่ อฌี้อแอว้ ดี๊ ทดู้งแบยางแบ

ทอางปฆ้า 69:13

จ กแช่ยาเว-เอ้อ, เมะ ยี๊แด นอ, จ ชูแพ อางท่าง เท่อ ดี๊ แน้ จ กแช่แยว้-เอ้อ, ลู่ง อช๊าอโท่ พี่ อเกิ้งอด้าง ลู่ง กแช่แยว้ อ ทเอทกวี้ง พี่ อเฌิ่งอค๊า, ล๊าๆ, ฆวี้ๆ, นอ เกม๊าเต้ ไคล้ช๊า แย้, ดี๊ น ทแม้พ้องพลิ้ พี่ ล้างเท่งล้างเม๊ง นอ

ทอางปฆ้า 69:16

จ กแช่ยาเว-เอ้อ, เกม๊าเต้ ไคล้ช๊า แย้, เมะเว๊ น ทเอทกวี้ง พี่ อเฌิ่งอค๊า นอ, ฌี้ทึแอว้ทึ เกม๊าเต้ แกยไท้ซ้ะ, แคว่ แย้ บี่ซุ้ดี๊ น ทเอทกวี้ง พี่ อกู้งอล๊า นอ

ทอางปฆ้า 86:15

ทอดูทึโท๊ทึ จ กแช่แยว้-เอ้อ, แบเด้าะ น เก กแช่แยว้ ลู่ง โอ ดี๊ ทย๊างเซิงย๊างซ้ะ, ดี๊ ทอบลึ้อบลาง ล้อ น ซ้ะทาง โกย้, ดี๊ โอล๊าโอฆวี๊ ดี๊ ทเอทกวี้ง, ลู่ง อเฌิ่งอค๊า, ดี๊ ทโต้ทล้อง

ทอางปฆ้า 86:5

ทอดูทึโท๊ทึ จ กแช่แยว้-เอ้อ, เมะเว๊ น เก ฌี้ทึแอว้ทึ, ดี๊ ล ทื๊งนี่นะนี่ เท่อ แบ โอล๊าโอฆวี้ ดี๊ ทเอทกวี้ง, ลู่ง อเฌิ่งอค๊า เอะ โพล้ง กุ้แฌ้, พี่ กุ้ทาง เท่อ โล้แบ กแช่แยว้

ทอางด้อง 12:10

โพล้งแบกแช่แยว้อซ้ะ นอ, ซ้ะอึ้ อ ทพูแฆ่ อ ทโอม๊า แบเด้าะ โพล้งอ้าโพล้งซ๊าง อ ท ย๊างซ้ะ นอ, เมะเว๊ ทดู้งทลู่

อีซยา 46:7

อ ซื๊งเว๊ ลแพ นอ, โชะทาง ทเค่งทฌ้าง นอ ลู่ง จื๊งแป คู, ฌ้อง ไท้ ยุ้ เว๊ อ ซื๊งเว๊ ช๊างล้าง เว๊ ลู่ง อ ล่าง โอ ลี้ง คระ, ดี๊ อ โอ เว๊ พี่ นอ ล้อ อ ไจแดไฆวะ พี่ นอ ล ซี แบ พี่ โพล้ง เฌ๊ กุ้ซย้ะ อางท่าง เท่อ ดี๊ ทเค่งทฌ้าง นอ, อ แม้ช้าอางช้า เท่อ ล ซี แบ ดี๊ อ เท่อ แม้ช้า-อ้ะ, เกม๊า พ้องไฆวะ ดี๊ อ ทน้ะทโน๊ง ล ซี แบ

อีซยา 47:6

ก ซ้ะทาง ดี๊ โพล้ง เฆ้อ ก ชื้อ ก ดึ้ เกม๊า กคองกแซย้ เก ท แบอ้า ก อางกีล้าง อ ซื๊งเว๊ ลู่ง น จูง พ้า แบเด้าะ น ล นี่ ปล้ะล้าง ท ย๊างซ้ะ ดี๊-อ้ะ แบ น อางกีล้าง แอะ ฆ๊า เยาคละ ลู่ง โพล้ง ซ้ะแซย่ อ จื๊งแป คู

อีซยา 55:7

เกม๊า โพล้งอ้าโพล้งซ๊าง ญ๊องไฆวะ อเกล้อพ้า ดี๊ เกม๊า โพล้ง ลกลุ้ลจ้ะ แบ ญ๊องไฆวะ อ ทช๊องมอง เกม๊า อ เว๊ เฌ๊ไท้ฌูง กแช่ยาเว, ดี๊ กแช่แยว้ ม ย๊างซ้ะ-อ้ะ ดี๊ เฌ๊ไท้ฌูง เฆ้อ ก กแช่แยว้, เมะเว๊ กแช่แยว้ โอ ดี๊ ท แพล่ไฆวะ ลู่ง อล๊าอฆวี้

อีซยา 63:15

อวีงซ้ะชู้ แคว่ล้าง เท่อ ลู่ง ทมุ้คู, ดี๊ แคว่ท๊าง เท่อ โอนี่ ลู่ง น ล่าง ชี๊น้าง อฌี้อแอว้ ดี๊ อ ดู อ โท๊ กแช่แยว้ อ ท เฌาโละ แม้ เท่อ, ดี๊ อดู้งอยาง อชองอไคล๊ โอ พี่จองเล้? กแช่แยว้ อ ซ้ะ ย๊างซ้ะ เท่อ ดี๊ อ ท ย๊างซ้ะ แบ ท เท้าไฆวะ ดี๊ แย้

อีซยา 63:7

จ ม โล้ เท่อ, เกม๊า ช๊องมอง แบ กแช่ยาเว อ ทเอทกวี้ง พี่ อเฌิ่งอค๊า ดี๊ กแช่ยาเว อ ทไพ้ะทแม้ พี่ ล้าง อางปฆ้า ทาง บี่ซุ้ดี๊ ท กุ้เม้ง พี่ กแช่ยาเว เกล๊าง เอะ ก ซื๊งเว๊ ดี๊ บี่ซุ้ดี๊ ท อ ฌี้ ดูทึโท๊ทึ, พี่ โอ ดี๊ อีซลาเอง อชื้ออชะ พี่ กแช่แยว้ เกล๊าง เว๊, บี่ซุ้ดี๊ อ ท ย๊างเซิงย๊างซ้ะ ดี๊ บี่ซุ้ดี๊ กแช่แยว้ อ ทเอทกวี้ง พี่ อล๊าอฆวี้

ท​ฌางล้างย้าล้าง 3:32

ทึเมะ ดึ้ เกม๊า ท เมะมองแน๊อึ้ กึทาง ฌี้ นอ, กแช่แยว้ ม ย๊างซ้ะ เท่อ บี่ซุ้ดี๊ อ ทเอทกวี้ง ลู่ง อเฌิ่งอค๊า พี่ อล๊าอฆวี้

โยนา 3:9

โพล้งเล้ ม ซีงแฌ๊ ซี?, แบซีงลู่ง กแช่แยว้ ม แกยไท้ อ ซ้ะ, ดี๊ เปลงไท้ อ ซ้ะ, แบซีงลู่ง กแช่แยว้ ม แกยไฆวะ อ ซ้ะ ดี๊ ทซ้ะทาง พ้ะดู, บี่ซุ้ ก ล เซงทื่งเฌ๊ฌ้อง แบ”

โยนา 4:2

โยนา ชูแพอางท่าง เท่อ ดี๊ กแช่ยาเว ไจ้ะเว๊, “จ กแช่ยาเว-เอ้อ, พี่ จ โอ ลู่ง จ ที๊งล่างค่างพ้า ได้ะ นอ, จ ไคล้ บี่อี้ง เย้า, ม แม้ อ ซ้ะ บี่อี้ง ล เมะ แบ-อ้า?, อ อี้ง เก อไฌ่อกย้อง เกม๊า จ ปชื่ง ไจคุ้ซูง ลี้ ลู่ง เว่ง ทาราชิ้, เป๊งนี่ จ ซีงแฌ๊ บี่อี้ง, กแช่แยว้ เก กแช่แยว้, พี่ โอล๊าโอฆวี้ ดี๊ ทบลึ้ทบลาง, ดี๊ ทย๊างซ้ะ, ซ้ะทาง โกย้, ดี๊ โอล๊าโอฆวี้ ดี๊ ทเอทกวี้ง ลู่ง อเฌิ่งอค๊า ดี๊ เปลงไท้ ซ้ะ ล แม้เตาแม้แต๊ เท่อ แบ

มีคา 7:18

โพล้งเล้ ม เก กแช่แยว้, บี่ซุ้ดี๊ กแช่แยว้ พี่ แพล่ไฆวะ ทเด้บ้ะ ดี๊ แคว่ ค๊างพะ โพล้ง พี่ โอ ล้างลื๊อ ก้ะ, พี่ เก อคองอแซย้ นอ, อ ท กไบล้ะกแบล? กแช่แยว้ ล ซ้ะทาง ล้างชู้ล้างแกย แบ เมะเว๊ กแช่แยว้ แบ อ ซ้ะ ดี๊ ทเอทกวี้ง ลู่ง อเฌิ่งอค๊า

ฮาบากุ้ 3:2

จ กแช่ยาเว-เอ้อ, จ แน่ฌ๊า แบ นเม้งนแซ จ กแช่ยาเว-เอ้อ, จ ดู้งแบยางแบ น ทไพ้ะทแม้ ลู่ง จ ชู้ แค๊ นอ, อวีงซ้ะชู้ แม้ทางซ๊างไท้ น ทไพ้ะทแม้ นอ ลู่ง จ ชู้ แค๊ นอ, อวีงซ้ะชู้ โล้ล้าง เกม๊า ซีงแฌ๊ เฆ้งพะ พี่ น ซ้ะทาง นอ, อวีงซ้ะชู้ นางแบทางไท้ น ท ย๊างซ้ะ

โยฮาง 12:27

กแช่ เยซู ไจ้ะ เว๊ แด, “ค๊องเนง โย้ จ เซิงคู่ ซ้ะโฌ้ น้ะ มะ ล้อ, เมะ จ แบ ไคล้ บี่ จะ เล้, จ ม ไจ้ะ, ‘แพ่-เอ้อ, แม้ พ้อง ไฆวะ แย้ ดี๊ ท น้ะ ท โน๊ง อ ช๊า อ โท่ อี้ง’, บี่ นอ-อ้า, แบเด้าะ อ จะ จ เฌ๊ ล้าง บี่ ซุ้ จ ม โท่ง ท น้ะ ท โน๊ง อ ช๊า อ โท่ อี้ง ล้อ

ฟีลิ้ปี 1:23

จ ซ้ะ โอ คี๊ง โค๊ คี๊ง แพ้, ล แพ้ จ ล แบ ซ้ะ โอ ลู่ง ฌางคู โคล๊ง คู อี้ง ล้า แบ, จ แบ ซ้ะ ไท้ โอ ดี๊ กแช่ เยซู คริ้ บะจือ

ฮีบรู 10:31

กแช่ แยว้ พี่ อ โอ ม๊า ครึๆ, ล แฌ้ นอ, โพล้ง เมะ ล้าง โอ แบ เว๊ อ ดู้ง อ ยาง อ พ๊างละ นอ, ม ล้าง ซ้ะเม ซ้ะไพล้ เต้ๆ