22 เมะ ทซ้ะอวีง แท๊ นอ, เคนานิ้ยา พี่ เก โพล้ง เลวี อคูอแน่ แบฆ้ะ ดี๊ ทอูง เซ๊ เด้ง เซ๊ นอ, เก โพล้ง ซอง ทซ้ะอวีง, เมะเว๊ อ เว๊ ซีงแฌ๊ เว๊ ฌี้ มะ
ดาเว อางแบเลา โพล้ง เลวี อคูอแน่, เกม๊า ต๊างทาง อ น๊างพื่งวี่, เก โพล้ง ซ้ะอวีง แท๊ ดี๊ โละกวี้ ทโพะเซ๊เด้งเซ๊, อ นอ โอ เว๊ แด ทแน่ พ้ะดู, ทแน่พี่โอดี๊อโน้ง, ดี๊ แชว, บี่ซุ้ ซ้ะอวีงแท๊ อ ลู่ง เซ๊ พ้ะดู ดี๊ ทเซิงฆวี๊งซ้ะโย้
ดี๊ ม้ะทีทิ้ยา, เอลีเฟเลฮุ้, มิ้เนยา, โอเบะเอโดง, เยอีเอง, ดี๊ อาซาซิ้ยา นอ, เก โพล้ง แม้ฌ้า วี่ง เท่อ ดี๊ ทแน่พี่โอดี๊อโน้ง, โพะ เชมิ้นิ้ อ ทเซ๊ อ ไค๊ นอ ล้อ
เบเรคียา ดี๊ เองคานา นอ, เก โพล้งคุ้แคว่เกล้ป้ะตู๊ง แคว่ทะ ไฮะ
ดาเว นอ ซุ้ ไช๊ช้าง ลูง ไว้ะไก้ ลู่ง อ แย ฌี้, เลา ดี๊ โพล้ง เลวี เลาพะ พี่ อ ยุ้ ไฮะ, ดี๊ กเย่ โพล้ง ซ้ะอวีงแท๊, ดี๊ เคนานิ้ยา เก ทอคู ซ้ะอวีง แท๊, ดี๊ ดาเว นอ ซุ้ ไช๊อเบงคูลท๊า พี่ เก ทไกย้ะลูง ไว้ะไก้