1​ทกวิ้ไน 12:40 - Northern Pwo Karen Thai Bible

⁴⁰ แอเละ อ นอ ได้ะ, โพล้ง พี่ อ โอ เบ้า ดี๊ อ ซื๊งเว๊ซีง, ท้อง ลู่ง อีซาคา ดี๊ เซบูลู, ดี๊ นาทาลี เตะ เว้ ทอาง ต้างทาง เว๊ แลว้ คู, เอ้า คู, ดี๊ แนว้ ล มู๊ง นอ อ คู, ดี๊ งู้ คู, ทอาง แอฌ้อง พี่ อ เฌ๊ โชะ เว๊, เก ฌื๊งไน้ะ, กู กูงเย้ แซ, ซไบ้ะ แซ ไฆ๊, ไซ้ะ ซไบ้ะ แซ ที๊ง, ทซู, งู้, ดี๊ แกะ, เมะเว๊ อ ซื๊ง เว๊ โอ ดี๊ ทเซิงฆวี๊งซ้ะโย้, ลู่ง อีซลาเอง พ้า นอ ล้อ

1​ทกวิ้ไน 12:40 교차 참조

2​ซามูเอง 16:1

พี่ ดาเว ลี้ พะไฆวะ ทลู่ง อ จ้อง คู ล ปี๊ นอ, แคว่เซ้อ, เมฟีโบเช อ เพล่ดู เมะเว๊, ซีบา เฌ๊ฆ้าง โอ-อ้ะ โอ ดี๊ อ แลว้ ล กู่ง จ้าทาง เว๊ ดี๊ อ ตาง เมาน่าง, ต้าง ดี๊ กู คี๊ง แย้ ลอง, ซไบ้ะ แซ ไฆ๊ อ เชา ล แย้, ดี๊ ทแซ ทคู่ แค๊ อ เชา ล แย้, ดี๊ ไซ้ะ ซไบ้ะ แซ ที๊ง ฆวี้ โทง ทไพ้ะ ล โพลง

1​กจุ้แฆว้ 1:40

ฌ้อง โพล้งเฌงพูฆ๊างพู เลาพะ นอ, ลี้ทาง โพะ เว๊ อ ไค๊, ต้ะ อูง ดี๊ ปี้ง, ดี๊ ซ้ะอวีงซ้ะโทะ ฌี้ มะ, อ ซื๊งเว๊ เซ๊ อึๆ, ฌางคู เทาทื้ง โย๊ เฆาะ

2​กจุ้แฆว้ 11:20

โพล้งเฌงพูฆ๊างพู เลาพะ เฆ้ง ที๊งล่างค่างพ้า นอ, ซ้ะอวีงซ้ะโทะ, ดี๊ เฌงฆ๊าง โอซยืงโอบ้ะ, ท่อง อ แม้ซี๊งไฆวะ น่าง อาทาลียา ดี๊ น้ะ ลู่ง บลางไท้ะ นอ

1​ทกวิ้ไน 12:39

อ ซื๊งเว๊ซีงลแพ นอ, โอ ดี๊ ดาเว พี่ นอ ซ๊า นี้ง, อาง เท่อ โอ้ เท่อ, เมะเว๊ อ น๊างพื่งน๊างวี่ ซีง นอ แด้เว้ เอะ-อ้ะ

1​ทกวิ้ไน 13:1

ดาเว ก้างแก้ โละอซ้ะ ดี๊ ซึ้คู พี่ อ ยู่แคว่ ซึ้พู อ แฌ้ ล ม๊า, ดี๊ อ แฌ้ ล แย้, ดี๊ ทอคูอแน่ กุ้ แฌ้

1​ทกวิ้ไน 29:22

ดี๊ อ ซื๊งเว๊ซีง อาง เท่อ โอ้ เท่อ, ลู่ง กแช่ยาเว อ เมะแซ พ้า ล นี้ง แย๊ นอ, ดี๊ ทเซิงมึซ้ะมึ ดู มะ ดี๊ อ ซื๊งเว๊ซีง, ต๊างทาง ดาเว อ พูแคว๊ ซาโลโม, เก กจุ้แฆว้ คี๊ง พ๊า ล พ๊า, ดี๊ เท้าไน เว๊ เก ทอคูดู ลู่ง กแช่ยาเว อ ฌ่าง, ดี๊ ซาโด นอ เก โพล้งลื่งเท่ออคู

ทอางด้อง 11:10

พี่ โพล้งแบกแช่แยว้อซ้ะ โอซยืงโอบ้ะ นอ, เฌงพ้าฆ๊างพ้า ม ซ้ะอวีงซ้ะโทะ ดี๊ พี่ โพล้งอ้าโพล้งซ๊าง เซงทื่งเฌ๊ฌ้อง ไฆวะนอ, โอ ดี๊ ท อ ลู่ง กุ้ซย้ะ ซองลี้ ดี๊ ท เซิงมึซ้ะมึ

ทอางด้อง 29:2

พี่ โพล้งแบกแช่แยว้อซ้ะ แอทางโฌ่ทาง นอ, โพล้งเฌงพูฆ๊างพู ซ้ะอวีงซ้ะโทะ เท่อ แบเด้าะ ท่อง โพล้งอ้าโพล้งซ๊าง โพะคอง เท่อ นอ, โพล้งเฌงพูฆ๊างพู ฌางล้างย้าล้าง ล้อ

โฮเชยา 3:1

ดี๊ กแช่ยาเว ไคล้ ดี๊ แย้ ไจ้ะเว๊, “เกม๊า น ลี้ ล พ๊า เด้าะ, ลี้ เอ โละซ้ะ ดี๊ กมืง ล แฌ้, พี่ อ ด้าง กแม เอ เว๊, ดี๊ เก กมืง เอโบ้งเอพะ เท่อ, บี่ซุ้ดี๊ พี่ กแช่ยาเว เอ อีซลาเอง อชื้ออชะ บี่ นอ ล้อ, ทึเมะ อ ซื๊งเว๊ ม แกยไฆวะ อ ซ้ะ ลี้ฌูง ท กโช้งกแช่ อ แฌ้แพ, ดี๊ ท แบ อ ซ้ะ ดี๊ กู ซไบ้ะแซ ไฆ๊>>

1ซามูเอง 25:18

ฌ้อง น่าง อาบีกายี, ปชื่ง แม้นี่ กู คี๊ง แย้ ลอง, ดี๊ ไซ้ะ ซไบ้ะ แซ ที๊ง โทง ทไพ้ะ พ้า คี๊ง โทง, ดี๊ แกะ พี่ อางแก ฌ้อง เย้า เย่ ดื้ง, ดี๊ เกิง ล ชี๊ง เนว๊ กีโล, ซไบ้ะ แซ ไฆ๊ อ เชา ล แย้, ดี๊ กู กูงเย้ แซ คี๊ง แย้ เบง, ต้างทาง เว๊ แลว้ คู