32 ลู่ง โพล้ง อีซาคา อ แกล้, พี่ อ ซีงแฌ๊แน่ฌ๊า เท่อ, ดี๊ ซีงแฌ๊ เว๊ อีซลาเอง เกิ้ง ม แม้ ทเม้งเล้, โอ ดี๊ ทอคูอแน่ คี๊ง แย้ แฌ้, ดี๊ อ น๊างเบ้าน๊างเท่ง เลาพะ, พี่ โอ ลู่ง อ ซื๊งเว๊ซีง ทอางแบเลา พ๊างละ
“อีซาคา เก แลว้ พี่ โอ ดี๊ อไฌ่อแบ้ แอ โคะฌืงล้าง ลู่ง อ แค่ เบ้าช้า พ้า
ลู่ง โพล้ง มานาเซ พุ้พ๊าง ชื้อ อ แกล้ นอ, โอ ล ไซ โฆะ ม๊า แฌ้, พี่ แบ ทเฆว้งทาง อ เม้ง เกม๊า อ เฌ๊ฌูง ดาเว, บี่ซุ้ ม ต๊างทาง ดาเว เก กจุ้แฆว้
เลา ดี๊ โพล้ง ลแพ อี้ง, ต๊าง อ แพ่ อ ชื้อ ล ดองๆ, ลี้ ล ฆ๊าง ๆ, นอ, โอ ดี๊ ซึ้พู ซ๊า ไซ ฆู๊ง ม๊า แฌ้, พี่ ม ดึ้ซรอง เท่อ ซี กุ้ อ พ๊า, เมะเว๊ อ ซื๊ง อ แม๊ ดี๊ อ พู โอ แอ เต้ๆ
ฌ้อง นอ กจุ้แฆว้ อางโล๊ไท้ กางแก้ โละซ้ะ, ดี๊ โพล้ง ซีงแฌ๊แน่ฌ๊า เท่อ ลแพ นอ พี่ ซีงแฌ๊ ทอางกีล้าง อเค้อะอต้าง (เมะเว๊ อ อี้ง เก กจุ้แฆว้ อ ทแม้ ลี้ง, ดี๊ กเย่ โพล้ง ซีงแฌ๊ ล้างที๊ง ทอางกีล้าง ดี๊ ทต้ะเซ๊ง อ ไฌ่
โพล้ง พี่ อรู้งอแซย๊ อ ทโกงซีมองแบ นอ, เมะเว๊ ทแน อ กแช่ อ เกล้ ซี แบเด้าะ โพล้ง ลไพ่ลแซย๊ แบ อ ท เซ๊กูเฌ๊ฌ้อง นอ, เมะเว๊ ท อางโล๊ไละ
โพล้ง โอ ดี๊ ทโกงซีมองแบ นอ, โอ ดี๊ อดู้งอยาง แอ ดี๊ โพล้ง โอ ดี๊ ทซีงแฌ๊ นอ, อไฌ่อแบ้ โอ แอทาง
ทโกงซีมองแบ เกม๊า ไฌ่ เกม๊า แบ้ เอะ โพล้ง, พี่ โอ ดี๊ ทโกงซีมองแบ, แอเละ โพล้ง โพะคอง โพล้ง อ แฌ้ ล ชี๊ง, พี่ โอ เว่ง พ้า นอ ได้ะ
ทโกงซีมองแบ นอ, ฌี้เละ นางดึ้นางชาง ได้ะ แบเด้าะ โพล้ง ทเด้บ้ะ ล แฌ้ นอ, แม้ เฌ๊ฌ้อง ท อ ฌี้ แอฌ้อง ซี
ดี๊ กแช่แยว้ ม เก เอะ น ทเฌิ่งทค๊า ลู่ง น ทช๊าทโท่ อ แค๊ เก ทพ้องทพลิ้, ทโกงซีมองแบ ดี๊ ทซีงแฌ๊ พี่ อกู้งอล๊า ท ดู้งแบยางแบ กแช่ยาเว เก ซีโยง อคองอแซย้
กแช่ยาเว อ ลู่ง โล้ล้าง เอะ เว่ง นอ (พี่ ม ดู้งแบยางแบ กแช่แยว้ อเม้งอแซ นอ, เก ท โกงซีมองแบ ล้อ) “โอ้, โพล้ง ตบลึ้ ชื้อ, ดี๊ โพล้ง น๊างมู๊ง ลู่ง เว่ง นอ-เอ้อ, เกม๊า คุ้ช๊องแน แดเทา
เมะ มโฌ้ โค๊ นอ น ซื๊ง ไจ้ะ, ‘ท มุ้คู โฌ้ ทาง ดี๊ ไค้ะ ซ๊า, เมะๆ, บี่ นอ, ท ม แม้ อ้า อ ซ้ะ ล นี้ง แย๊ อี้ง’, น ซื๊ง แคว่ ท มุ้คู นอ น พ้ะ-อ้ะ แบ, แบ เด้าะ ท แม้ไน พี่ อ ปล้ะ ล้าง อ ซ้ะ ล ว๊าง แย๊ อี้ง, น ซื๊ง พ้ะ-อ้ะ ล ซี แบ เฆาะ
ท บี่ นอ, เก โพล้ง ล กลุ้ ล จ้ะ แบ ล ฌี้, แบเด้าะ เฌา อางฆื๊ง แคว่ แฆว่ กแช่ เยซู คริ้ แบ อ ซ้ะ เกม๊า น ซื๊ง แม้ ท เม้ง เล้
อ งู้ พู วี่แซย่ นอ, เก อ เว๊ อฆี๊งอแล้ ล้อ อ เว๊ อ โน้ง นอ, บี่ซุ้ดี๊ ทดู โฌ้ อ โน้ง ดี๊ อ โน้ง นอ, อ เว๊ ชวี่ง ชางไฆวะ โพล้ง กุ้ ชื้อ ลแพ นอ, ไจทางไฆวะ ท่อง อ ท้อง มุ้คูทึฌางคูทึ ล้อ เมะเว๊ โพล้ง เอฟาอีง อ แฌ้ ลู่ง อ ไซ พ้า, ดี๊ โพล้ง มานาเซ อ แฌ้ ลู่ง อ ม๊า พ้า”
