17 Yefe-yowanginang yowa yanguc kwelengkeicne fagac, ‘Ngic yaeckangti yowa miminginec moniyanghac aime yowanginec noine aigac.’
Nga ye yowagone mi ngagedaictewa, ga ngic moniyang me yaeckang bacepaengka hatac kwesilu ngengilangkac umac yogo mibong madickenale mingagec aidabiyeng. Inguc ailu ngic yaeckang me habackangti yowa sasawa mibong sanangkedaicte.
Inguc mibong Yesudi yanguc miwec, “Yefe-yowanginang yowa yanguc kwelengkeicne fagac, yogo mi ngagegaing, me? Wapong yeuctihac ngic micne bawosaecebawec, yengele yanguc miwec, ‘Na yanguc migabac, ngenge sasawadi wapong.’ (Mige 82:6)
Aime yowa yanguc fagac, ‘Yenge fungine mikacka kwelenginengti mocbenang wicnuibong.’ (Mige 35:19; 69:4) Yogo yefe-yowanginang kwelengkeicne fagac. Aime yogo sasawa noine fikenale inguc aiibong.
Na hatacmac ngengela funogale ngagegabac, iwa fube dameng habackang aidaicte. Yowa yanguc kwelengkeicne fagac, “Ngic yaeckang me habackang yenge yowanginengti moniyang aidaictewa, ngenge bikic-baba ngicte yowa nalic wosaelu noine midaingte.” (Yef 19:15)
Aime yefe-yowadi damongnubalu wedunoleme gacgu Wapongti ngage-ngagesingte ailu dondonne wacnubanale Kristo lome fikewec.
Aime yefe-yowale bagewa ganogale angacngebacaigacte, ailu ngenge hedec lolu yefe-yowa ngagecaigaing, me?
Monicti Wapongte yefe-yowa Mosesdi kwelengkewec, yogo weme, ngic yaeckang me habackang yenge yogo nganilu yowawa lobong, ye kwele-sowac mikac wehomalu gaibong.
Ngic yengi yowa mibong yegengkeme yowangineng ngagesingkecaigabeleng. Inguc aidabelengtewa, yanguc ngagedabeleng, Wapongti yowa mime yegengkedaictewa, yogodi feicne aigac. Ailu ye Madecinele yowa mime yegengkecaigac, yogo ngagesingkedabeleng.
Dameng iwahac na wideckecne tapili yetebe yeki kwele-sowacte ngakpi holelu hadeng 1 taosen 260le kwelina nale siduc-yowa midabiyecte.”
