Yoane 6:64 - Wapongte Mic-Yowa Gbolicne

⁶⁴ Aime ngengele hewackacni gocne yengibac yowane mi ngagesingkegaing.” I yangucte, ngic-ngigac weni yenge ye mi ngagesingkegaing. Aime ma ngicti Yesu mudockelu balu ngaba yengele molewa lodaicte, Yesu ye yogo biyachac ngagewec.

Yoane 6:64 교차 참조

Mataio 10:4

Saimon, ye ngic-habu gocne wacngineng Selot wackeibong. Ailu Yudas Iskariot, yedi gacgu Yesu mudockeme badaingte.

Yoane 10:26

Aime ngenge nale lama habufocne, yengelacni miyac. Ilec ailu na mi ngagesingnugaing.

Yoane 18:4

Aime Yesu ye pasi fikecnodaicte, yogo biyac ngageyackewecte ailu, yengele emewa lelu yanguc uwayelewec, “Ngenge ma basackegaing?”

Yoane 5:42

Aime ngenge Wapongte angac yogo kwelenginang mi fagac, yogo ngagegabac.

Yoane 6:36

Na yanguc biyachac edocngebaiba, ngenge na biyachac nganicnuibong, ailu sifu mi ngagesingnucaigaing.

Yoane 6:60

Inguc mime ngagelu mic-tengtengfocine yengelacni bocyacti yanguc miibong, “Yowa edocnubalu wedunolegac, yogo umacnebenang, monicti yogo ngagelu nalic mi balaibedaicte.”

Yoane 6:61

Inguc mibong Yesudi edocebalu weduyeleme, mic-tengteng yenge yowa kwekwe aiibongte ailu, yeuctihac kweleina ngageyelelu yanguc edocebawec, “Yowa yogodi heesicne aingelegac, me?

Yoane 6:66

Inguc mime mic-tengtengfocine bocyacti Yesu hegilelu macnginang hikeibong, ailu yeholec hatacmac mi lolickeibong.

Yoane 8:23

Inguc mibong yanguc edocebawec, “Ngenge dumeng himongkacni, nga nabac himongkacni miyac, na wilengkacni.

Yoane 8:55

Aime ngenge ye mi ngagegaing, naneuc ye ngagegabac. Na ye mi ngagegabac, yogo midacte, ibac ngic kwesacine ailu ngenge ingucne aidaba. Na ngagegabacte ailu yowaine balaibelu gagabac.

Salecebaicne 15:18

Sugucne ye esecnebenang yowaine inguc miwec.’ (Amo 9:11-12)

Roma 8:29

I yangucte, Wapongti ngic-ngigac ye ngagesingkedaingte, yenge biyachac ngageyelewec. Ngageyelelu bawosaecebame sugulelu sanangkebong yeicne Madecine ingucne ainingte mimoctocebawec. Madecinedi kwa-gbafocine bocyac yengele molic-molic haengineng ainale inguc alingkewec.

2 Timoti 2:19

Aime sifu Wapongti bosing sanangne lome hauwec domagac, yogo ululung nalic mi aidaicte. Yogowa yowa yanguc kwelengkeicne fagac, “Sugucnedi ngic-ngigacfocine ngagecebagac.” (Him 16:5) Ailu monic yanguc, “Ngic-ngigac Sugucnele wac wackecaigaing, yenge aibabangineng sowacne, yogo sasawa hegilelu lobe holecnolu gadabiyeng.”

Hibru 4:13

Aime Wapongti wiyac sasawa mime fikeyackewec, yogolec wiyac monicti yele haicka sangke-sangke mi fagac. Wiyac sasawa yogo yegena fikelu yele donge feina fayackegac. Ailu yela hocne gaganonggengte siduc babeng yogo wosaeyackedaicte.