23 Ngenge ngic yengele bikic hegilebong yengele bikic miyac aidaicte. Nga ngenge bikicngineng mi hegiledaingtewa, yengele bikic fadaictehac.”
“Na honocmengte ngani-damongte tapili yogo ki ingucne gelebe gagi himongka wiyac sasawa hefedamecte, yogo honocmengka inguchac hefeicne fadaicte. Nga ga wiyac himongka lukedamecte, yogo honocmengka inguchac lukedaicte.”
“Foinac, ngenge himongka wiyac sasawa hefedaingte, yogo honocmengka inguchac hefeicne fadaicte. Nga ngenge himongka wiyac lukeyackedaingte, yogo honocmengka inguchac lukedaingte, yogo noine edocngebagabac.
Ye inguc milu mic asuine fitoyelelu yanguc miwec, “Ngenge Tili Asu kweledi baning.
Aime Wapongte siduc-mimi ngic sasawa yenge yowa yanguc mibong yegengkewec, ‘Ye ngagesingkebong, yele wacka bikicnginengte ameine hegiledaicte.’ ”
Inguc mibong Pitadi yanguc edocebawec, “Bikicngineng hegilenale ngenge filesoc filesoc Yesu Kristole wacka kwelengineng hefaliyeme misa lowaning. Inguc aibong Wapongti kwele-madicte Tili Asu ngeledaicte.
Ngenge nga na, nongileng asuwa Sugucnenonggeng Yesule wacka kpaduckelu gaebengka, Sugucnenonggeng Yesule tapilidi nongilengkolec fame,
Ngenge nongeholec Wapongte mac bacngebaicne. Kristo Yesu yeuctihac posa-bosing sanangne aigac. Aime salecebaicne nga Wapongte siduc-mimi ngic yenge mac yogo bosing ingucne kwesingkelu Yesuholec domagaing.
Aime yengelacni Himenaus nga Aleksanda, yeke Satangte molewa locepaiba. Inguc locepabe yeke Wapongte wac hatacmac misulec mi ainicte umacka felu ngage-motodabiyecte.
