Yoane 18:37 - Wapongte Mic-Yowa Gbolicne

³⁷ Inguc mime Pailatdi miwec, “Foinac, ga ngictau monic, me?” Inguc mime Yesudi ameine bafaliyelu yanguc miwec, “Gagi nale ngictau monic migic. Oc, na fikelu yowa noinele bole balu yogolec mibasanang aiyelelu mibe yegengkenale himongtowa yagowa waiba. Aime ngic-ngigac monic ye yowa noine balaibelu gagac, yedi nale yowa ngagedaicte.”

Yoane 18:37 교차 참조

Yoane 8:47

Wapongte alingfocine yenge yowaine ngagecaigaing. Nga ngengebac Wapongte alingfocine miyac. Ilec ailu yele yowa mi ngagecaigaing.”

1 Yoane 4:6

Nongileng Wapongtacni. Ilec ngic-ngigac Wapong ngagegaing, yenge nongileng yowa hedec kwelu ngagecaigaing. Aime monic ye Wapongtacni miyac, yedibac nongileng yowa mi ngagecaigac. Aibaba iwa hocne nongileng yowa noinele Asu nga asu kwesacine ngani-motodabelengte.

Yoane 8:14

Aime Yesudi bafaliyelu yanguc edocebawec, “Naneuctihac funginene mibe yegengkegacka, yogo noine aigac. Na wenuwacni kwesiiba, ailu wenuwa hikedacte, yogo naneuc ngagegabac. Ngenge na wenuwacni kwesiiba nga wenuwa hikedacte, yogo mi ngagegaing.

1 Yoane 3:19

Inguc ailu yowa noinele alingka gagabeleng, yogo ngagedabelengte. Aime kwelenonggengti wiyac monicte yowawa locnubame, Wapongte haicka kwele-mogung gadabelengte. I yangucte, Wapong ye feicnetowanonggeng ailu ye nongileng kwelewa wiyac sasawa fagac, yogo ngageyackegac. Ailu Wapongti nongileng kwelewa ngage-ngage fagac yogo ewaligac.

Yoane 14:6

Uwacnome Yesudi yanguc miwec, “Na hocne yefe nga yowa noine ailu gaga. Monicti na mikacka Mamacta hikedaicte yogolec yefe monic mi fagac.

Yoane 7:17

Na yowa wedungelegabac, yogo Wapongtacni me na neicnacni migabac, yogo monicti Wapongte yowa balaibenogale ngagegac, yedi sugu ngage-motodaicte.

1 Pita 1:22

Ngenge yowa noine balaibebong yogodi kwelenginang suweme, kwelenginengti angac sugucnehac ngagelu aigabiyeng. Ilec ngenge ngic hae-gbafocngineng yengele kwelengineng gbagbacnedi angac kwesac mikac ngagelu damengsoc aiyeledabiyeng.

1 Timoti 6:13

Aime Wapongti wiyac sasawa gaganginengkolec lowec. Ailu Kristo Yesu yedi Pontius Pailatle haicka fungine madicne mime yegengkewec. Na Wapong nga Yesu yekele haicka yanguc sanangne edocgugabac.

Luka 23:3

Inguc mibong Pailatdi uwacnolu miwec, “Ga Yuda ngic-ngigac yengele ngictau, me?” Mime bafaliyelu miwec, “Yogo hocne gageuc migic.”

Mareko 15:2

Balu hikebong Pailatdi Yesu yanguc uwacnowec, “Ga Yuda ngic-ngigac yengele ngictau, me?” Inguc mime bafaliyelu yanguc edowec, “Yogo hocne gageuc migic.”

1 Yoane 5:20

Aime nongileng yowa noinele Fileine ngagenangte, Madecinedi walu ngage-ngage-motoc nolewec, yogo ngagegabeleng. Aime Wapong yowa noinele fileine, yele kwele kwelina nga Madecine Yesu Kristo, yele kwele kwelina momochac gagabeleng. Yesudi hocne Wapong noine ailu gaga-sanang.

Yoane 3:32

Ailu ye wiyac wilini fagac, yogo ngani-ngagec ailu gawec, yogolec mime yegengkeme, monicti yele yowa mi sebilelu gagac.

Mataio 26:64

Inguc mime yedi bafaliyelu yanguc edowec, “I hocne gageuc migic. Aime yanguc edocngebabe, yakumac nga galu fenowagaing iwa, Ngenge Ngicte Madec ye Tapilitowa fileine, yele foleinapec ngiyelu honocmengte kaguwa kwelina kwesime nganidaingte.” (Mige 110:1; Dan 7:13-14)

Mataio 27:11

Aime yenge Yesu bahikelu gawanale haicka lobong domame yedi yanguc uwacnowec, “Ga Yuda ngic-ngigac yengele ngictau, me?” Inguc mime Yesudi bafaliyelu yanguc edowec, “Yogo hocne gageuc migic.”

Miyegengkeicne 3:14

“Ga Yesule habu Laodisea iwa gagaing, yengele angelola yowa yago kwelengkec.” “Ngic wacine Noine, ye Wapongte yowa balaibecaigac. Ailu yowa noine yogolec widec aigac. Ye Wapongti wiyac sasawa mime fikeibong, yogolec fungine gagac, yedi hocne yowa yago Laodisea iwa ngengele yanguc migac,

Miyegengkeicne 1:4

Na Yoanedi Asia prowins kwelina Yesule habu 7 gagaing, ngengele hibi yago kwelengkegabac. Wapong gawec nga gagac ailu gacgu kwesinowagac, ye ngictaule ngiye-ngiyewa ngiyegac. Nga asu 7 yenge yele emewa gagaing, yengelacni kwele-madic nga kwele-mogungtowadi ngengeholec fadaic.

1 Yoane 3:14

Nongileng ngic hae-gbafocnonggeng yengele kweledi angac ngageyelelu aiyelecaigabelengte ailu homac hegilelu gagawa felu gagabeleng, yogo ngagegabeleng. Aime monic ye kweleinedi yengele angac mi ngageyelelu aiyelecaigac, ye homacka gacaigac.

Luka 22:70

Mime yengi miibong, “Inguc aime ga Wapongte Madec, me?” Mibong yedi miwec, “Yowa migaing, yogo noine. Na gagabachac.”

Mareko 14:62

Inguc mime Yesudi yanguc miwec, “Na gagabachac.Aime ngenge Ngicte Madec ye Tapilitowa fileine, yele mole-foleinapec ngiyelu honocmengte kaguwa kwelina kwesime nganidaingte.”

Yoane 1:14

Aime Yowadi ngic soc-biuckolec ailu hewacnonggang gawec. Madec moniyang yedi hocne galu Mamactacni wac feicne balu gawec, wac feicne yogo hocne nganiibeng. Yogo kwele-madicte wiyac nga yowa noine wakeyackeicne fagac.

Yoane 8:45

Aime na yowa noine edocngebagabacte, ngenge nale yowa mi ngagesingkegaing.

Yoane 8:46

Ngengelacni madi nale bikicte umac monic ngagewecka mifickena? Ailu na yowa noine migabac, aime ngenge omale mi ngagesingnugaing?

1 Yoane 2:21

Ngenge yowa noine mi ngagegaing milu ngengele hibi yago mi kwelengkegabac, miyac. Ngenge yowa noine ngagegaing. Aime yowa noinacni kwesac monic mi kwesicaigac, yogo ngage-motogaingte ailu hibi yago kwelengkengelegabac.