Yakobos 2:23 - Wapongte Mic-Yowa Gbolicne

²³ Aime yogodi noine aigac. Nga Wapongte hibidi edalicnubalu yanguc migac, “Abraham ye Wapong ngagesingkewecte ailu, ye ngic dondonne wackewec.” (Fike 15:6) Ailu yele yanguc migac, “Ye Wapong agoine.”

Yakobos 2:23 교차 참조

Mareko 12:10

“Wapongte hibiwa yowa yanguc kwelengkeicne fagac, ‘Mac-baba ngic yengi posa monic sowacne milu wickeibong. Aime posa yogodi macte posa-bosing sanangne ailu domadaicte.

Mareko 15:27

Ailu yenge kindololo ngic yaeckang, monic foleinapec nga monic kanainapec yeholec malicpongka momoc wecepaibong.

Luka 4:21

Nganibong yedi yanguc edocebawec, “Wapongte hibiwa wafebe ngagegaing, yogolec noine yakumac fikengelegac.”

Salecebaicne 1:16

“Ngic hae-gbafocne, ngenge ngagening. Yudasdi ngic mengocebame hikecgu Yesu baibong. Ngic yele hocne Tili Asudi biyachac Dawidile micka yowa lome Wapongte hibiwa kwelengkewec, yogo noine fikewec, yogolec inguc aiwec.

Roma 11:2

Wapong ye ngic-ngigacfocine biyachac bawosaecebalu mi hegilecebawec, miyac. Aime Elaiya ye Israel ngic-ngigac amengineng badunale Wapongte haicka yanguc milu milockewec, yogo Wapongte hibiwa kwelengkeicne fagac,

Roma 9:17

Wapongte hibiwa yowa yanguc kwelengkeicne fagac, yowa yogodi Isip yengele ngictau Farao yanguc edowec, “Na tapiline gala lobe himongne himongne ngic-ngigac yenge nale tapili nganidaingte. Ailu wacne mibong yegengkelu hikeme ngageyackeningte ailu, ga ngictau locgube nganicgudaingte.” (Wah 9:16)

Galata 3:22

Ngic-ngigac Yesu Kristo ngagesingkebong Abrahamte yowa mipangkewec, yogo yeledaicte. Inguc fikenale Wapongte yefe-yowale hibidi yanguc edalicnubawec, ngic-ngigac sasawa nongileng bikicti witicnubame bageina gaibeng.

Galata 3:6

Yogo yanguc fikewec, “Abraham ye Wapong ngagesingkewecte ailu, ye ngic dondonne wackewec.” (Fike 15:6)

2 Timoti 3:16

Aime yowa Wapongte hibiwa kwelengkeicne fagac, yogo sasawa Wapongti asuine fitome ngicte ngage-ngagewa haume kwelengkeibong. Hibi yogodi yanguc baficnubagac, Wapongte mic-yowadi ngelengnubalu wedunolegac. Ailu bamadicnubalu yefe dondonne balaibenangte damongnubagac.

Yakobos 2:24

Ilec ailu Wapongti ngic monic aibabainele ailu ye ngic dondonne wackedaicte, yogo ngage-ngagesingka sugu miyac, ngenge yogo ngani-motogaing.

1 Pita 2:6

Ilec Wapongte hibiwa yowa yanguc kwelengkeicne fagac, “Ngagegaing, na posa-bosing silicine monic feicne yogo bawosaelu Sion iwa gunungkegabac. Monicti ye ngagesingkedaictewa, ye nalic mi gameedaicte.” (Yes 28:16)