Roma 10:9 - Wapongte Mic-Yowa Gbolicne

⁹ I yangucte, ga micgonedi Yesu ye Sugucne, yogo miyengka yegengkedaictewa, nga Wapongti Yesu homackacni bagboliyewec, yogo kwelewa ngagesingkedamectewa, Wapongti bikicte ameine bame wasecne aidamecte.

Roma 10:9 교차 참조

Luka 12:8

“Monicti ngic-ngigac yengele haicka nale mime yegengkedaicte, ‘Na yele aling.’ Aime Ngicte Madecti Wapongte angelofocine yengele haicka yele inguchac yanguc mime yegengkedaicte, ‘ye nale ngic.’

Yoane 9:22

Yeke Yuda ngic-ngigac micnefocngineng yengele hangocepame inguc miiboc. Yuda ngic-ngigac micnefocngineng yenge yowa monic biyachac yanguc milu hefeibong, “Monicti ‘Yesu ye Mesia hocne’, inguc mime yegengkedaictewa, ye kpakpaduc macka nalic mi fedaicte.”

Salecebaicne 16:31

Inguc mime yeki yanguc edoiboc, “Ga nga golowacfocgone ngenge Sugucne Yesu Kristo ngagesingkebong yedi bikicte ameine bame wasecne aidaingte.”

Salecebaicne 2:24

Aime homacte tapilidi ye nalic mi bawecte Wapongti homacte doickacni baickelu homackacni bagboliyeme fangkewec.

Salecebaicne 2:32

Aime Yesu ye hocne Wapongti homackacni yeuckeme fangkeme nonge dongenonggengti noine nganiibeng.

Salecebaicne 8:36

Inguc ailu hikecgu misa monicka hike sulumelu ngic sugucnedi yanguc miwec, “Nganic, misa yago fagac. Aime omadi yefene hedickeme misa mi lowagabac? Ga nalic misa lowaneledeng, me?”

Roma 10:10

Nongileng kwelenonggengti ye ngagesingkebeng, yedi dondonne wacnubadaicte. Ailu micnonggengti yele mibeng yegengkeme, yedi bikicte ameine bame wasecne aidabelengte.

Roma 14:11

Wapongte hibiwa yowa yanguc biyachac kwelengkeicne fagac, “Sugucnedi yanguc migac, ‘Na gaga fileine. Ilec ngic-ngigac sasawa yenge nale haicka ketadi holeneledaingte. Ailu sasawadi Wapong gagac, yogo micti mibong yegengkedaicte.’ ” (Yes 45:23)

Roma 14:9

Kristo ye gbolicne gagabeleng nga homaibong, sasawa nongileng Sugucne ganogale ailu homalu hatacmac gboliyelu gaga bawec.

Roma 4:24

Yogo nongilengte momochac kwelengkeicne fagac. Wapongti Sugucnenonggeng Yesu homackacni bagboliyewec, yogo nongilengte ailu bole yogo bawec. Ye ngagesingkebeng yedi inguchac dondonne wacnubadaicte.

Roma 8:34

Aime bawosaecnubawec, nongileng madi bikicnonggengkolec midaicte? Yogo monicti mi midaicte. Kristo Yesu ye hocne homawec. Homame Wapongti ye homackacni inguchac bagboliyeme fangkewec. Fangkelu Wapongta fewec foleinapec ngiyelu nongilengte ailu milockelu gagac.

1 Korin 12:3

Ilec ailu yanguc mibe ngagedaing, Wapongte Asudi ngic monic bame ye yanguc monic mi midaicte, “Yesu ye Wapongte aalicte bagewa gadaic.” Aime Tili Asudi ngic monic bame yedi “Yesu ye Sugucne” inguc nalic midaicte. Nga Tili Asudi yela bole mi badaictewa, ye inguc minogale kpungkedaicte.

Filipai 2:11

Ailu ngic-ngigac sasawadi Yesu Kristo ye Sugucne, inguc mibong yegengkedaic. Inguc aibong wac feicne yogodi Wapong Mamacte ainowagac.

1 Pita 1:21

Fikelu yefe bafuwangeleme, yanguctihac Wapong ngagesingkelu gagabiyeng. Ye Madecine homackacni bagboliyeme fangkeme wac feicne lacnowec gagac. Ilec ailu ngengileng Wapong ngagesingkelu yela ngage-ngagengineng lolu wangec gagabiyeng.

1 Yoane 4:15

Monic ye yanguc mime yegengkedaicte, “Yesu ye Wapongte Madec,” Wapongti yele kwelewa game, yedi Wapongte kwelewa gagac.

2 Yoane 1:7

Aime kwele basifuc ngic bocyacti himongtowa yagowa lolickelu gacaigaing. Yenge Yesu Kristo ye ngic soc-biuckolec fikelu gagac, yogo mi ngagesingkelu ye bisockelu gagaing. Ngic ingucne yenge Kristole ngababenang ailu kwele basifuc ngic.