Roma 1:12 - Wapongte Mic-Yowa Gbolicne

¹² Na yanguc ngagelu yogo migabac, na ngengela fube nongileng ngage-ngagesingnonggeng sanangnehac domame nongileng momochac basanang-nagudabeleng.

Roma 1:12 교차 참조

Salecebaicne 11:23

Hikelu nganime Wapongti moc bamadicebawec, ye yogo nganilu beliyelu kwelenginengti Sugucne ngagesingkeningte kwelengineng kwefangkewec.

Roma 1:11

Fudacte dameng iwa ngengeholec momoc galu asule kwele-madicte wiyac yogo ngengi sanangkeningte ngengela bayackedacte, yogolec homacne ainelegac.

Roma 1:13

Ngic hae-gbafocne, yanguc ngageningte ainelegac. Na Wapongte bolele noine yogo Israel yengele alingkacni miyac, yengele hewackacni bacebacaigabac. Silicine ingucnehac ngengela fudacte, iwa Wapongte bolele noine gocne bacebadacte. Ailu yogolec dameng homacne funogale aibe wiyac gocnedi hefecnulu gagac.

Roma 15:24

Ilec Sepein himongka hikenogale fudacte, dameng iwa nganicngebanogale ngagesilu gagabac. Ailu ngenge nganicngebalu ngengeholec iwa angacka gadabelengte. Motome iwacni Sepein himongka hikenogale mibe, ngengi na baficnuningte ngagelu gagabac.

Roma 15:32

Inguc aibong Wapongti ngageme madickeme ngengela kwesi sulumelu belic-belicka ngiye-ngagelu nongileng momochac basanang-nagudabelengte.

2 Korin 7:13

Yogodi basanangnubame gagabeleng. Galu taockelu yanguc ngageibeng, ngenge sasawadi Titusle kwele nga asuine yogo bamogungkelu tapili gbolicne bafuwacnoibong. Nonge yogo ngagelu belic-belic sugucnehac ngagebeng yogodi basanangnubawec.

Efesas 4:5

Sugucne ye moniyang. Nga ngage-ngagesing yogo moniyang. Ailu misa-lowac yogo moniyang.

2 Timoti 1:4

Donge-misagone wame nganiiba, yogo ngagesibe kwelenedi gale aineleme hatacmac nganicgunogale ainelegac. Ailu nganicgulu belic-belic sugucnehac bafuwanogale ngagesigabac.

Titus 1:4

Titus, ga naholec ngage-ngagesing moniyang ngagesingkelu madecnebenang aigic, na hibi yago gala logabac. Wapong Mamac nga Asa-baba ngicnonggeng Kristo Yesu, yekele kwele-madic nga kwele-mogungtowadi gaholec fadaic.

2 Pita 1:1

Na Saimon Pita, Yesu Kristole kwelec kwekwe ngic nga salecebaicnedi hibi yago kwelengkengelegabac. Yesu Kristo ye Wapong nga Asa-baba ngicnonggeng, ye dondonne. Ilec ailu nongileng ngage-ngagesingte fengngine moniyang bafuwanolewec. Yogo wiyac feicnebenang. Ngic-ngigac inguc ngagesingkegaing, ngengele kwelengkengelegabac.

2 Yoane 1:4

Adu-madecfocgone gocne yenge yowa noine Mamacti mime ngageibeng, ung-yowa yogo balaibelu gagaing, na yowa yogo ngagelu beliyegabac.

Yude 1:3

Agofocne kwelenedi ngengele angac ngagegabac, Wapongti nongileng momoc wasecne ainangte bamadicnubawec, yogolec hibiwa yowa kwelengkengelenogale efeckebenangkeiba. Aime yowa yogo hegilelu ngic gocne hewacnginang sangke-sangke biyac ofeibong gagainghac, yengele ailu yowa monic kwelengkenogale ngagegabac. Yowa yogo yanguc, ngenge yefe wenucka Wapong ngagesingkenangte yedi esecne yeicne bingec nongileng ngage-ngagesing noleyackeme damongkeibeng, yogolec hudu sanangnehac wedabelengte. Ailu ngenge yogo mi hegileningte sanangne migabac. Wapongte hibiwa ngic yogo yengele ngagelu esecnehac yowa yanguc kwelengkeicne fagac, “Wapong ye aibabangineng wosaelu mimoctome bikicte ameine fikeyeledaicte.” Ngic yogo yenge himongte aibaba balaibebong Wapongnonggengti kwele-madicte pasi bame yenge bafaliyelu mibong socnginengte gagale angac ngagelu sowacnele aka monic mi holecaigaing. Ailu yenge Filenonggeng nga Sugucnenonggeng Yesu Kristole ngagebong ngic waicne aime bisockecaigaing.