Miyegengkeicne 6:2 - Wapongte Mic-Yowa Gbolicne

² Hei, inguc mime na hilalu becosic kwalac-kwalac monic nganiiba. Aime yele feiwa wiyac monicti lebeineholec ngiyewec. Monicti ngictaule duu monic lacnowec. Aime ye holelu becosicka hikelu huduwa ewalicebalu gbelong ainogale aiwec.

Miyegengkeicne 6:2 교차 참조

Miyegengkeicne 3:21

“Na hudu welu gbelong ailu febe Mamacneholec yele ngictaule ngiye-ngiyewa ngiyecaigabelec. Silicine ingucnehac monicti hudu welu gbelong aidaicte, ye nani ngictaule ngiye-ngiyene lacnobe noke momoc ngiyedabelecte.

Miyegengkeicne 14:14

Hei, na kaguwa monic kwalac-kwalac nganiiba. Nganibe yogolec feina ngic monic silicine ngicte madec ingucne ngiyewec. Ye hodocina ngictaule duu monic goldi baicne holelu moleina noine-wewele fitec monic micineholec balu ngiyewec.

Miyegengkeicne 11:15

Aime angelo 7 yedi kpeng fitome honocmengkacni yowa-malac sugucne yanguc miibong, “Yakumac Sugucnenonggeng nga Kristo bawosaeicne, yeki himongtowale ngani-damong yogo balu damongkelu gagaic. Ailu Sugucnenonggengti ngictau gagac ailu gaginowagac.”

Miyegengkeicne 17:14

Aime yenge Lama madecineholec wenagulu yedi huduwa ewalicebalu gbelong aidaicte. I yangucte, Lama madecine ye sugucne yengele Sugucne, nga ngictau yengele Ngictau. Aime ngic-ngigac biyachac bawosaecebalu wacebawec, yenge Lama madecinele yowa balaibecaigaing, yenge yeholec gadaingte.”

Miyegengkeicne 15:2

Na wiyac monic kiwec ingucne galasdi baicne dackolec lalickeicne ingucne nganiiba. Nganibe ngic-ngigac yenge hudu-baba-sic nga ilucine ailu dzalewa wacine alang mi bacnolu huduwa ewalicebalu gbelong aiibong, yenge nganicebaiba. Yenge Wapongti gita mucine homacne biyachac yelewec, yogo kiwec feina balu domaibong.

Miyegengkeicne 11:18

Ngic-ngigac himongne himongne gagaing, yenge aalic ngagebong, gale aalicte ameinele damengtibac yanguctihac kwesilu gagac. Gagi ngic-ngigac homaibong yenge wosaecebalu mimoctocebadamecte. Ailu kwelec kwekwefocgone yenge gale siduc-mimi ngic, gageicne bingec ngic-ngigacfocgone, sugucne nga kpisicnedi gale wacgone alang bagelecaigaing, yenge aibabanginengte ameine yeledamecte. Aime ngic-ngigac gocne yengi himongtowale ngic-ngigac nga wiyac sasawa basowalecaigaing, gagi yenge basowalecebadamecte.”

1 Korin 15:25

Sugucne ye ngictau gaemewa Wapongti ngabafocine sasawa yele higeinele bagewa locebadaic.

Miyegengkeicne 19:14

Aime honocmengte hudu-baba ngic aling yenge ye balaibeibong, yengele becosicngineng yogo lalacne. Ailu ngakpingineng ngani-nganiine madicnebenangti lalacne nga gbagbacne.

Mataio 28:18

Aime Yesudi haicnginang welelu yanguc edocebawec, “Ngagegaing, himong nga honocmengte bole-yowa tapiliineholec sasawa na biyachac neleyackewec.

Miyegengkeicne 9:7

Aime ipowa yenge ngani-nganingineng hudu-babale becosic yenge ingucne. Hodocnginang duu goldi baicne ingucne ngiyewec. Nga haic-mesungineng yogo ngic-ngigac yengele haic-mesu ingucne.