21 “Ngampafocnonggeng edocebame ngenge yanguc ngageibong, ‘Ga ngic-ngigac mi wehomacebadamec.’ (Wah 20:13) Aime ‘monic ye ngic wehomadaicte, ye yowawa domadaicte.’
“Aime yowa yanguc biyac edocebaicne ngageibong, ‘Ga selo-boic aibaba mi aidamec.’ (Wah 20:14)
“Aime ngampafocnonggeng inguchac edocebame ngenge yanguc ngageibong, ‘Ga dodofic yowa hefeicne yogo mi baickedamec. Ailu yowagone Sugucnele haicka miyengka sanangkewec, yogo balaibedamec.’
“Ngenge yowa monic yanguc biyac ngageibong, ‘Monicti monicte donge hucine basowaleme, yele donge ingucnehac basowalenoga. Nga monicti monicte sofi hedume, yele sofi ingucnehac hedunoga.’ (Wah 21:24; Dep 24:20; Yef 19:21)
“Yowa monic yanguc fagac, ngenge yogo esecne biyachac ngageibong, ‘Ngic-ngigac gale emewa gagaing, yengele kwelegonedi ago aiyelelu angac ngageyelelu gadamec.’ (Dep 19:18) Ailu ‘ga ngabagone kweledi wickedamec.’ Ngage-ngage ingucne mi ngagedaing.
Aime ngic-ngigac ngic hae-gbafocngineng yengele kweledi wicebacaigaing, yenge sasawadi ngic-wewe ailu gagaing. Aime ngic-ngigac ingucne yengele kwelewa gaga-sanang mi fagac, yogo ngagegaing.
