Mataio 16:24 - Wapongte Mic-Yowa Gbolicne

²⁴ Inguc milu mic-tengtengfocine yanguc edocebawec, “Monic ye na balaibecnunogale ngagegacka, ye yeicne soc-kweleinele angac bawalu umacte malicpongine bafangke tengkelu balaibecnudaic.

Mataio 16:24 교차 참조

Mataio 10:38

Monic ye malicpongine tengkelu na mi balaibecnudaicte, ye nale alingka gagalesoc mi aidaicte.

Mataio 27:32

Bahikelu yefewa ngic monic bafuwaibong, wacine Saimon, ye Sairini taonkacni, yedi Yesule malicpong tengkenale dogbac aicnobong tengkeme hikeibong.

Mareko 10:21

Inguc mime Yesudi yela donge hilalu kweledi yele angac ngagelu yanguc edowec, “Ga wiyac moniyangte sugu aibibiyegic. Ga hikelu woc-wiyacgone sasawa fagac, yogo salelu moneng balu ngic-ngigac waweweine gagaing, yogo yeledamec. Inguc aiyengka wiyac madicne honocmengka fikegeledaicte. Aime welelu na balaibecnudamec!”

Mareko 15:21

Aime Sairini taonkacni ngic monic wacine Saimon, ye Aleksanda nga Rufus yekele mamacnginec, ye nosing-bolewacni yefewa welewec. Weleemewa hudu-baba ngic yengi Yesule malicpong tengkenale dogbac aicnobong tengkeme hikeibong.

Mareko 8:34

Yesudi habu nga mic-tengtengfocine wacebame welebong yanguc edocebawec, “Monic ye na balaibecnunogale ngagegacka, ye yeicne soc-kweleinele angac bawalu umacte malicpongine bafangke tengkelu balaibecnudaic.

Luka 14:27

Ailu monic ye malicpongine tengkelu na mi balaibecnudaicte, ye nale mic-tengteng nalic mi aidaicte.

Luka 23:26

Hegileme hudu-baba ngic yengi Yesu bahikelu nganibong ngic monic Sairini taonkacni, wacine Saimon, ye nosing-bolewacni yefewa welewec. Weleemewa bafuwalu yedi Yesule malicpong tengkenale dogbac aicnobong tengkelu Yesu balaibewec.

Yoane 19:17

Babong Yesu yeuctihac malicpongngine tengkeme himong bulilicine monic, wacine Hodoc-luwe wackeicne, nga Hibru yowawa Goligata, iwa balu hikeibong.

Yoane 21:19

Pita ye homacina silic wenuc homalu Wapong wacine bafedaicte, Yesudi yogolec ngagelu miwec. Ailu edolu miwec, “Ga wele na balaibecnuc.”

Yoane 21:22

Inguc mime Yesudi yanguc edowec, “Na angacnume ngama ye gaemewa hatacmac hefaliye kwesidacte, yogo gale wiyac miyac. Ga moc welelu balaibecnuc.”

Salecebaicne 14:22

Hikelu iwa macsoc mic-tengtengfocine kpaducebalu ngage-ngagesingkolec ganingte mibasanang aiyeleiboc. Aiyelelu yanguc sanangne edocebaiboc, “Nongileng Wapongte ngani-damongka fenogale aibeng, doic haicine monic-monic fikenoleme ilec kwelina gadabelengte.”

Kolosi 1:24

Nani Wapongte yowa sasawa ngengela mibe yegengkenale bole aling yogo na nelewec. Neleme yowa yogolec mole-bafic ngic aiiba. Aime ngengibac Kristo yeicne habule noi-hewacine. Ngenge yele ailu doic ngageibong. Aime nani baficngebalu ngengele ailu neicne socnedi doic ngagelu Kristo ingucne gagabac. Inguc ngagelu beliyegabac.

1 Tesalonika 3:3

Umac haicine monic-monic ingucnedi ngengela fikeme, ngic-ngigac gocne kwelenginengti wawedaickale ailu, Wapongti umac ingucne tengkenangte ngagenolewec, ngenge yogo ngagegaing.

2 Timoti 3:12

Aime ngic-ngigac sasawa Kristo Yesuholec wetackelu Wapong alang bacnolu ganingte ngagegaing, yenge inguchac weyebic aiyeledaingte.

1 Pita 2:21

Ngenge inguc ainingte Wapongti wacngebawec. Ailu ngenge Kristole hige-yefe balaibeningte ye ngengele ailu doic ngagelu yefe yogo edalicngebawec.