Luka 13:35 - Wapongte Mic-Yowa Gbolicne

³⁵ Ngagegaing, ngengileng mac fale yogo ngic mikac ailu mac kisi kwedaicte. Na yanguc edocngebabe ngagening, yanguctihac molickelu ngenge hatacmac mi nganicnudaingte. Aime gafecgu yanguc midaingte, ‘Sugucnele wacka ngic welegac, ye mimi-madicineholec.’ (Mige 118:26) Inguc midaingte, dameng iwa ngenge hatacmac nganicnudaingte.”

Luka 13:35 교차 참조

Mataio 21:9

Aime ngic-ngigac habutowadi molickelu hikeibong nga lobeina balaibeibong, yengi aukwelu yanguc miibong, “ ‘Asec, Dawidile fikesaweckacni, Ngic Sugucnele wacka welegac, ye mimi-madicineholec.’ (Mige 118:26) Sawawa wilini wacine feicne mitengkegaing, asec.”

Mataio 23:37

“O, Yerusalem, Yerusalem, ga siduc-mimi ngic wehomacebayackeing. Nga ngic gala salecebaicne, yenge posadi holecebaing. Kokolec nenggacinedi adu-madecfocine kwegecine bageina ekongebacaigac, na dameng homacne adu-madecfocgone ingucnehac kpaducebanogale ngageiba. Aime ngengibac yogolec takicngebawec.

Luka 19:41

Yesu Yerusalem bangkalelu taon yogo nganilu ngic-ngigac yengele hiyalu

Luka 21:24

Aime ngaba yengi hudule fitecti ngic gocne wehomacebalu, gocne witicebalu himongne himongne ngic-ngigac sasawa yengela baceba hikelu locebadaingte. Aime Israel yengele alingkacni miyac yengi kwesilu Yerusalem higenginengti edesockelu gaebongka yengele dameng yogo motome hikedaingte.

Yoane 12:13

yoc monic homu hengngine ingucnedi leso badulu yefewa Yesu fuluckeningte hikeibong. Hikelu yanguc wackeibong, “Asec, ngic Sugucnele wacka welegac, ye mimi-madicineholec. (Mige 118:26) Yedi Israel nongileng Ngictau.”