Kolosi 4:6 - Wapongte Mic-Yowa Gbolicne

⁶ Ailu ngenge damengsoc ngic-ngigac yengele yowa ameine filesoc filesoc wenuc bafaliyebeng ngageningte ailu, yowanginengti kwele-madicineholec kiwecti angacine aicaigac, ingucnehac aidaic.

Kolosi 4:6 교차 참조

Mataio 5:13

“Ngenge kiwec nosingka haume angacineholec aicaigac, ngenge himongka ngic-ngigac kiwec ingucnehac aigaing. Aime kiwec yogodi angacine miyac aidaictewa, ngenge wenuc aibong hatacmac angacineholec nalic aidaicte? Kiwec ingucne, yogo boleine mikac aigac. Yogo moc himongka wickebeng ngic yengi higedi edesocebadaingte.

Mareko 9:50

Kiwec yogo wiyac madicne. Aime yogodi angacine miyac aidaictewa, ngenge wenuc aibong hatacmac angacineholec nalic aidaicte? Yogo nalic mi aidaicte. Ngenge kiwec angacine ingucne ngage-ngage madicne kwelenginang fame kwele-moniyang ainagudabiyeng.”

Luka 4:22

Aime yele mickacni yowa miwec, yogodi kwele-efec nga yowa tapiliineholec aiwecte ailu, ngic-ngigac sasawadi yele ngage-madickelu mimedec ailu yele uwanaguibong, “Ngic yago ye Yosefele madecti inguc migac!”

Efesas 4:29

Ngenge micnginangkocni yowa sowacne monic mi ofedaic, miyac. Yowa madicne micnginangkocni ofeme ngic-ngigac yenge yowangineng ngagelu umacnginengsoc baficebame sugulelu sanangkeningte basanangebadabiyeng.

Kolosi 3:16

Kristole yowadi kwelenginang wakedaic. I yangucte, ngage-ngage-motockolec edonagulu wedunagulu sawang-yowa midabiyeng. Ailu Miti geewa gee fagac, nga malac fuluna gee, ailu Tili Asudi gee bafuwangelelu gagac, ngenge yogo kwelenginang kwele-madicka Wapong holecnodaing.

1 Pita 3:15

Aimebac ngenge Kristo kwelenginang lobong Sugucnengineng aime balu gadaing. Ailu madicnengineng yogolec wangec gabong lobewa kwesidaicte, yogolec fungine sasawadi uwangelebong ameine bafaliyelu edocebaningte damengsoc efeckelu gadabiyeng. Ngenge ameine uwanogale ngageboc mikac, ulucne nga alang babaineholec ailu kwele ngage-ngagengineng gbagbacne galu ameine bafaliyelu edocebadaing. Ngenge inguc aidaingtewa, Kristole ailu aibabangineng madicne aicaigaing. Yogolec ailu ngic mimi-soling aingelecaigaing, yenge gameebadaicte.