Kolosi 1:18 - Wapongte Mic-Yowa Gbolicne

¹⁸ Madec ye yeicne habule hodocine, nga habudi yele noi-hewacine. Ailu ye wiyac sasawale feicne ainale molickenolelu homackacni gboliye fangkelu fikewec. Fikelu habu molickenolelu gagac.

Kolosi 1:18 교차 참조

Mataio 23:8

“Aime ngenge wewedungineng moniyangti sugu gagac. Ailu ngenge sasawa ngic hae-gba aigaing. Ilec ngengele ngagelu monicti ‘Wewedu,’ inguc mi wacngebadaic.

Mataio 28:18

Aime Yesudi haicnginang welelu yanguc edocebawec, “Ngagegaing, himong nga honocmengte bole-yowa tapiliineholec sasawa na biyachac neleyackewec.

Yoane 1:1

Esecne fungina molickelu, monic wacine Yowadi gawec. Nga Yowa ye Wapongkolec gawec. Ailu Yowa yeuctihac Wapong.

Yoane 1:16

Yefe-yowadi Mosesla kwesime baibeng. Nga kwele-madic ailu yowa noine yogobac Yesu Kristoholec kwesiwec. Ailu ye kwele-madic bucbuchac facnogac, yogodi nongilang moto-motoine mikac kwesinolecaigac.

Yoane 1:27

Ye nale lobewa kwesilu gagac, ye feicne aigacte na waweweine ingucnedi yele hige-ebecte mucine lukebe nalic mi madickedaicte.”

Salecebaicne 26:23

Mesia ye doic sugucne ngagegacgu homadaicte. Ailu homaicne yenge molickeyelelu gboliyelu fangkedaicte. Fangkelu Yuda ngic-ngigac nga Israel yengele alingkacni miyac yenge momochac angocte yowa mime yegengkedaicte. Yowa yogo hocne Moses nga Wapongte siduc-mimi ngic yengi kwelengkeibong.”

Roma 8:29

I yangucte, Wapongti ngic-ngigac ye ngagesingkedaingte, yenge biyachac ngageyelewec. Ngageyelelu bawosaecebame sugulelu sanangkebong yeicne Madecine ingucne ainingte mimoctocebawec. Madecinedi kwa-gbafocine bocyac yengele molic-molic haengineng ainale inguc alingkewec.

1 Korin 11:3

Ngic moniyang moniyang sasawa yengele hodocngineng yogo Kristodi aigac. Nga ngigac moniyang moniyang yengele hodocngineng yogo ngicti aigac. Aime Kristole hodoc yogo Wapongti aigac, ngenge yogo ngage-motoningte ngagegabac.

1 Korin 12:27

Aime ngengibac yanguctihac Kristole soc ailu filesoc filesoc soc nebocine aigaing.

1 Korin 15:25

Sugucne ye ngictau gaemewa Wapongti ngabafocine sasawa yele higeinele bagewa locebadaic.

Efesas 1:10

“Na Kristo salebe himongka walu wiyac sasawa himongka nga honocmengka fagaing, yogo kpatulecebalu yogo damongebadaicte. Ailu ngage-ngage bole balu alingkeiba ailu damengtowaine ngageiba, iwa noine fikedaicte.”

Efesas 5:23

I yangucte, Kristodi habule hodocine aigac, ingucnehac ngawedi ngigacinele hodocine aigac. Kristodi habu nongileng hodoc aigac, aime nongilengti yele hige-moleine nga noi-hewacine aigabeleng. Ailu yedi Asa-baba ngicnonggeng aigacte ailu yedi bikicte ameine bagac.

Kolosi 1:24

Nani Wapongte yowa sasawa ngengela mibe yegengkenale bole aling yogo na nelewec. Neleme yowa yogolec mole-bafic ngic aiiba. Aime ngengibac Kristo yeicne habule noi-hewacine. Ngenge yele ailu doic ngageibong. Aime nani baficngebalu ngengele ailu neicne socnedi doic ngagelu Kristo ingucne gagabac. Inguc ngagelu beliyegabac.

Kolosi 2:19

Aling ingucne yenge Kristo hegilelu gacaigaing. Kristo ye yeicne habule hodocine. Ailu yelacni luwe nga ginong wabong ye socine kpatulecnubame domacaigabeleng. Inguc aime Wapongti basugulecnubame gagabeleng.

1 Yoane 1:1

Ngic esecnebenang molickelu gawec, yele siduc kwelengkengelegabeleng. Nonge ye hedecnonggengti ngagelu, dongenonggengti ngani-nganiine nga aibabaine nganilu, molenonggengti bauwaibeng. Yowadi gagaholec aigac, ngic yele hocne mibeng yegengkegac.

Miyegengkeicne 1:18

Nganigic, na gaganeholec gagabac. Na homaiba ailu hatacmac gbolicne gagabac. Ailu ngagegic, na moto-motoine mikac gaibadi gagabachac, homac nga Wangec-mac yekele ki balu gagabac.

Miyegengkeicne 1:5

Aime Yesu Kristo yelacni inguchac fadaic. Ye yowa balaibe-balaibele widec ngic noine. Ye molickenolelu homackacni gboliyelu fangkelu fikewec. Ailu himongte ngictau yengele damongngineng. Ailu ye nongileng kweleinedi angac ngagelu sacinedi bikickacni bamoctocnubawec.

Miyegengkeicne 1:8

Sugucne Wapongti yanguc migac, “Ye gawec nga gagac ailu gacgu kwesinowagac, yogo naneuctihac. Na Tapilitowa Fileine, na ‘A’ nga ‘Y’, yogo molic-molicine iwacni moto-motoine.”

Miyegengkeicne 11:15

Aime angelo 7 yedi kpeng fitome honocmengkacni yowa-malac sugucne yanguc miibong, “Yakumac Sugucnenonggeng nga Kristo bawosaeicne, yeki himongtowale ngani-damong yogo balu damongkelu gagaic. Ailu Sugucnenonggengti ngictau gagac ailu gaginowagac.”

Miyegengkeicne 21:6

Milu hatacmac yanguc edocnuwec, “Yogo biyac motogac. Na ‘A’ nga ‘Y’, yogo molic-molicine iwacni moto-motoine. Ngic-ngigac monicti misale aicnome, ye misa dongeinacni gagale misa moc nonale lacnodacte.

Miyegengkeicne 3:14

“Ga Yesule habu Laodisea iwa gagaing, yengele angelola yowa yago kwelengkec.” “Ngic wacine Noine, ye Wapongte yowa balaibecaigac. Ailu yowa noine yogolec widec aigac. Ye Wapongti wiyac sasawa mime fikeibong, yogolec fungine gagac, yedi hocne yowa yago Laodisea iwa ngengele yanguc migac,