Hibru 1:8 - Wapongte Mic-Yowa Gbolicne

⁸ Ailu Madecinele ngagelu yanguc miwec, “Wapong, gale ngictau bole yogo moto-motoine mikac fafeginowagac. Ailu ngictau tapiligonele wacine yogo pasi dondonne.

Hibru 1:8 교차 참조

Mataio 1:23

“Ngagegaing, ngigac-neleweng ngickolec mi faicnedi madec monic gobeelu bame yele wacine Emanuel midaingte.” (Yes 7:14) Wac yogolec fungine yanguc: Wapongti nongilengkolec gagac.

Yoane 10:30

Na nga Mamac noke moniyang.”

Yoane 10:33

Inguc mime Yuda ngic-ngigac yengi yanguc edoibong, “Bole madicnele ailu posadi holecgunogale mi aigabeleng. Ga himong ngicti geicnele Wapong milu Wapong fecnogic. Yogolec ailubac posadi holecgunogale aigabeleng.”

Yoane 20:28

Inguc mime Tomasdi miwec, “Ga Sugucnene ailu Wapongne.”

Roma 9:5

Aime yenge ngambofocngineng ngagecebagaing. Aime Kristo ye soctepecka yengele fikesaweckacni ngic silic ailu fikewec. Kristo yedi Wapong hocne, wiyac sasawale feicne. Yela mimitengti mimiteng fagidaic, yogo foinac.

1 Korin 15:25

Sugucne ye ngictau gaemewa Wapongti ngabafocine sasawa yele higeinele bagewa locebadaic.

1 Timoti 3:16

Wapongte ngage-ngage fungine yogo sangke-sangke fawec, yogo sugucnehac ailu feicnebenang. I yangucte, Ye socka fikelu yegengkewec. Aime Asudi fungineine dondonne yogo yegena bame angolewec. Aime angelo yenge ye nganiibong. Ngic-ngigac yenge yele siduc Israel yengele alingkacni miyac, yenge edocebalu weduyelebong Himongtowa neboc nga nebocka hikeme ngagesingkeibong. Ye Wapongti tapili nga hibi-angocka hatacmac bame fewec iwa gagac.

2 Pita 1:11

Inguc aibong yedi kwele-madictowa aingelelu, Sugucne nga Asa-baba ngicnonggeng Yesu Kristo yele gaga-sanangte ngani-damongka bacngebalu fedaicte.

1 Yoane 5:20

Aime nongileng yowa noinele Fileine ngagenangte, Madecinedi walu ngage-ngage-motoc nolewec, yogo ngagegabeleng. Aime Wapong yowa noinele fileine, yele kwele kwelina nga Madecine Yesu Kristo, yele kwele kwelina momochac gagabeleng. Yesudi hocne Wapong noine ailu gaga-sanang.