2 Timoti 4:3 - Wapongte Mic-Yowa Gbolicne

³ Dameng monic kwesidaicte, iwa ngic-ngigac yenge wewedu-yowa dondonne ngagenogale takicebadaicte. Yengebac yengileng angac balaibelu wewedu ngic bocyac kpaducebadaingte. Kpaducebabong yengi ngic-ngigac yengele hedecka yowa angacine aigac, yogo weduyeledaingte.

2 Timoti 4:3 교차 참조

Luka 20:19

Aime Wapongte yefe-yowale wewedu ngic, nga depec-baba ngic micne, yenge Yesudi yengele ngagelu nangeng yowa yogo holelu miwec, yenge yogo biyac ngage-motoibong. Aime yenge ye biyac banogale yefe basackeibong. Ailubac ngic-ngigac yengele hangocebame aibibiyelu hegileibong.

Luka 6:26

Ailu ngic-ngigac yengi ngengele madicne milu gagaing, mee, ngenge medecngebadaic. I yangucte, yengele ngambofocngineng esecne siduc-mimi ngic kwesacine inguchac yengele madicne milu gaibong.

Yoane 8:45

Aime na yowa noine edocngebagabacte, ngenge nale yowa mi ngagesingkegaing.

Salecebaicne 17:21

Atens mac-file ngic-ngigac nga kwilic ngic-ngigac sasawadi, yenge yowa-siduc fulune ngagelu yowa yogo sugu mingagec ailu siduc homacne milu gaibong.

1 Korin 2:1

Ngic hae-gbafocne, naneicne ngengela fulu Wapongte ngage-ngage-motoc sangke-sangke fagac, yogo mibe yegengkengelewec. Inguc milu yowa mimine bafelu me ngage-ngagetowaholecte silicka yowa monic mi edocngebalu wedungeleiba, miyac.

1 Korin 2:4

Ngengele ngage-ngagesing yogo ngic ngage-ngage-motockacni lobong fame mi madickedaicte. Wapongte tapilidi sugu ngage-ngagesingnginang lobong fadaic. Ilec ailu Wapongte yowa mibe yegengkeme yowane angacineholec me ngage-ngage-motockolecti mi ewalicngebawec, miyac. Tili Asule pasile tapilidi yowane basanangkeme ngenge yogo nganilu ngageibong.

Galata 4:16

Na ung-yowa noine edocngebagabacte ngenge ngaba aigaing, me? Na yogolec ngagebe kpungke-kpungkeine aigac.

1 Timoti 1:10

Ailu yenge selo-boic nga ngicti ngickolec selo-boic bole bacaigaing. Yenge ngic-ngigac hise bacebalu hatacmac salecebacaigaing. Ailu yenge yowawa domalu yowa noine mipangkelubac kwesac-yowa micaigaing. Ailu yenge ngic kwesacine gagaing. Aime ngage-ngage dondonne wedungeleibeng, yogo ngic-ngigac gocne yenge hegilecaigaing. Yefe-yowa yogo ngic-ngigac ingucne yengele ngagelu loicne fagac.

2 Timoti 1:13

Na Wapongte yowa ngic-ngigac silicina weduyelecaigabac, gageuc yogo ngagegic. Aime yogolec silicina edocebalu weduyeledamec. Aime Kristo Yesuholec wetackelu ngage-ngagesing nga kwele-angacka galu Wapongte yowa yogo sebilelu balaibedamec.

Yude 1:18

Yowa yanguc edocngebalu gaibong, “Dameng moto-motoina ngic gocnedi misulec aidaingte, yenge himongte wiyac sugu ngagesilu yengileng socnginengte angac balaibedaingte.”