2 Timoti 2:9 - Wapongte Mic-Yowa Gbolicne

⁹ Na yogo milu edocebalu gagabac. Ilec ailu doic ngagelu balu gabe, ngic yengi kindololo ngic muc-macka locebalu hefecaigaing, silicine yogo ingucnehac muc-macka locnulu hefecnuibong. Aime sifu Wapongte yowa yogo muc-macka nalic mi hefedaingte, miyac.

2 Timoti 2:9 교차 참조

Luka 23:32

Aime kindololo ngic yaeckang yeke Yesuholec momochac wecepaningte bacepalu hikeibong.

Salecebaicne 21:33

Aime hudu-baba ngic yengele damong sugucnedi kwesilu mime hudu-baba ngicfocine yenge Pol balu sen yaeckangti hefeibong. Hefebong ngic-ngigac uwayelewec, “Pol ye ma ngic, ailu ye oma wiyac aiwec?” Yogolec uuwa bole bawec.

Salecebaicne 28:31

Locebalu hangoc mikacbenang galu Wapongte ngani-damongte edocebalu weduyelewec. Ye Sugucne Yesu Kristole fungine weduyelelu game monicti boleine monic mi welockecnowec. Salecebaicne yengele siduc yogo sugu motogac.

Salecebaicne 9:16

Aime nale wacte ailu ye doic nga umac haicine monicte feina gadaicte, yogo edalilu weducnodacte.”

Efesas 3:1

Ilec ailu na Poldi hocne ngengele ailu Israel yengele alingkacni miyac, ngengela Kristo Yesule bole babe muc-macka locnubong ngiyegabac.

Filipai 1:7

Na ngengele inguc ngagelu kwelenedi angacnume gabe dondongkegac. Na muc-macka gagabac, me Siduc Madicnele fungine mibe yegengkegac, me Siduc Madicne basanangkegabac, iwa ngenge sasawadi naholec Wapongte kwele-madicka aling moniyang gagabeleng.

Kolosi 4:18

Aime Pol nani wenac-madic yago neicne moledi kwelengkegabac. Aime muc-macka ngiyeebewa nale ngagesidaing. Sugucnele kwele-madicti ngengela fadaic. Yogo foinac.

Kolosi 4:3

Ngenge nongele ngagelu inguchac yanguc milockedaing, Wapongti yowale yefe banoleme Kristole ngage-ngage sangkeicne fagac, yogo mibeng yegengkenale ngagedaing. Yowa yogolec hocne muc-macka ngiyegabac.

1 Tesalonika 1:8

Sugucnele yowadi ngengelacni molickelu Masedonia nga Akaia himongka mibong sawelu hikeme ngageibong. Aime ngenge Wapong ngagesingkeibong, yowa-siduc yogodi inguchac himong neboc nga nebocka sawelu hikewec. Inguc aime nongi bole yengela taockelu balu hike-hikeine yogo ngengi baefeweibong.

2 Tesalonika 3:1

Ngic hae-gbafocnonggeng, yanguc taockelu mibeng ngagening. Ngenge nongele ailu yanguc milockedaing, nonge Sugucnele yowa mibeng sawelu biyac sugulelu hikeyackedaic. Aime ngic-ngigac aling gocne yenge yowa yogo ngagelu Sugucne bafelu gadaing. Ngengela fikewec, silicine ingucnehac ngic-ngigac gocne yengela fikelu hikedaic.

2 Timoti 1:12

Yogolec ailu doic feina gagabac. I yangucte, na ye ngagesingkelu gagabac, ye ngagegabacte nalic mi gamenudaicte. Aime ngage-ngagesingne sanangne yanguc fagac, ye tapiliineholecte gagane yela lobe fagac, yedi yogo damongkelu gaemewa damengngine kwesidaicte.

2 Timoti 1:16

Aime sifu muc-macka ngiyeebewa Onesiforus ye Roma taonka kwesilu sanangne basacnulu gacgu bafuwacnuwec. Ailu senti hefecnuibong, yogolec mi gameeme dameng bocyac basanangnume madicne gaiba. Ilec Sugucnedi Onesiforus golowacfocine kwele-sowac aiyeledaic.

2 Timoti 1:8

Ilec ga game mikac galu Sugucnele yowa-siduc miyengka yegengkeme suguledaic. Aime na yele ailu muc-macka ngiyeibale nale ngageengka gameineholec mi aidaic. Ga inguchac Wapongte tapiliwa Siduc Madicnele ailu na ingucnehac doic ngagedamec.

2 Timoti 2:3

Aime Kristo Yesule hudu-baba ngic madicne ailu naholec doicka galu mi takicgudaic.

2 Timoti 4:17

Na Siduc Madicne Israel yengele alingkacni miyac, yengela mibe yegengkenale Sugucnedi sifu naholec domalu tapili nelewec. Ailu nale agong holelu nale homac yogo laionte mickacni ingucne baicnuwec.

1 Pita 2:12

Ngenge ngic-ngigac Wapong mi ngagegaing, yengele hewacka aibabangineng madicne ailu gadaing. Yengi ngenge yanguc misowalecngebagaing, “Ngenge yefe-yowa hegilecaigaing.” Inguc milubac aibabangineng madicne nganibong Wapongti yengela kwesidaicte, dameng iwa yenge wacine bafedaingte.

1 Pita 2:14

aime yele bagewa gawana sasawa gagaing. Ngictaudi bole-yowa yeleme yenge ngic-ngigac aibabangineng sowacne aicaigaing, yenge ameine baduyelecaigac. Nga aibaba madicne aicaigaing, yenge mitengebacaigac.

1 Pita 4:15

Aime monic ye wacine, “Kristole aling,” inguc miningte doic ngagedaictewa, ye yogolec mi gameedaic. Ye wac yogolec ailu Wapong wacine bafedaic. Aime ngengelacni monicti ngic-wewe, me woc-wiyac hise-baba, me kindololo ngic gacaigac, me ngic-ngigac gocne yengele wiyacte andac ailu kwelina haucaigac, ye aibabaine ingucnele ailu doic ngagelu gameedaicte. Ilec ngenge aibaba ingucne mi ailu gadaing.