1 Yoane 5:6 - Wapongte Mic-Yowa Gbolicne

⁶ Ye misawa nga sacka kwesiwec, yogo Yesu Kristo hocne. Ye misawa sugu mi kwesiwec, miyac. Ye misawa nga sacka momochac kwesiwec. Aime Asu ye yowa noinele Asu. Ilec ailu yedi Yesule mime yegengkegac.

1 Yoane 5:6 교차 참조

Mataio 26:28

Nale sac yogodi dodofic gbolicne, yogo ngic-ngigac bocyac yengele bikic miyac aime madickeningte ailu sotingkeicne.

Mataio 3:16

Aime Yesu ye misa lowalu misawacni ofeemewa honocmeng angkewec. Angkeme Wapongte Asudi tudiling nangole silic ingucne ailu yela wame nganiwec.

Mareko 14:24

Nobong yanguc edocebawec, “Nale sac yogodi dodofic gbolicne, yogo ngic-ngigac bocyac baficebanale ailu sotingkeicne.

Luka 22:20

Nosing nobong motome, silicine ingucnehac ye kap balu yanguc miwec, “Kap yago sacnele dodofic gbolicne, yogo ngengele ailu sotingkeicne.

Yoane 14:17

Ailu ye yowa noinele Asu. Aime himongtowale ngic-ngigac yenge ye mi nganicaigaing. Ailu ye mi ngagegaingte nalic mi badaingte. Nga ngengibac ye ngagegaing, ye ngengele hewacka gacaigac, ailu kwelenginang hocne gadaicte.

Yoane 14:6

Uwacnome Yesudi yanguc miwec, “Na hocne yefe nga yowa noine ailu gaga. Monicti na mikacka Mamacta hikedaicte yogolec yefe monic mi fagac.

Yoane 15:26

“Ngic-hewacngineng kwesidaicte, ye Mamactacni salengelebe kwesidaicte. Ailu yedi hocne yowa noinele Asu. Aime yedi kwesilu nale mime yegengkedaicte.

Yoane 16:13

Yowa noinele Asu wadaicte, yedibac bacngebalu yowa noina mengocngebame hikedaingte. Ailu ye yeicne kweleinele yowa mi midaicte. Ye Wapongtacni yowa ngagecaigac, yogo midaicte ailu pasi lobewa fikedaicte, yogolec momoc edocngebadaicte.

Yoane 3:5

Aime Yesudi bafaliyelu yanguc edowec, “Foinac, monic ye misa Asuholecka gbolicne mi fikedaicte, ye Wapongte ngani-damongka nalic mi fedaicte, yogo noinebenang edocgugabac.

Yoane 4:10

Inguc mime Yesudi yanguc edowec, “Ga Wapongti wiyac gelenogale aigac, nga madi misale uwagelegac, ga yele fungine ngage-motolu uwacnodengka, ibac yedi misa gagaineholec geledec.”

Yoane 4:14

Aime monic ye nani misa lacnobe nodaicte, ye misale hatacmac mi aicnodaicte. Aime misa lacnodacte, yogodi yela misa dongeine ingucne fikelu gaga-sanang bafuwacnodaicte.”

Salecebaicne 8:36

Inguc ailu hikecgu misa monicka hike sulumelu ngic sugucnedi yanguc miwec, “Nganic, misa yago fagac. Aime omadi yefene hedickeme misa mi lowagabac? Ga nalic misa lowaneledeng, me?”

Roma 3:25

Wapong yeicne kwelewa ngagelu Yesule sac ngani-motolu ngic-ngigac nongileng Yesu ngagesingkebeng, bikicnonggengte ameine badu-badule fuli yedi aiwec. Yefe iwa Wapong ye yeicne dondonne, yogo edalicnubanale ngageme madickewec. I yangucte, ye esecne ngic-ngigac pasi ulucne aiyelelu bikicnginengte ameine biyac mi baduyelewec,

Efesas 1:7

Wapongte kwele-madic yogo wakelu fagacte Kristole sacti fuli bacnubalu bikicte muckacni lukecnubalu bikicnonggeng hegilewec.

Kolosi 1:4

I yangucte, ye wiyac honocmengka lome wangecngineng fagac, yogo lobewa banogale ngagesilu gacaigaing. Ilec ailu ngenge Kristo Yesuholec wetackelu ye ngagesingkelu gagaing. Ailu Wapongte bingec sasawa yenge kweledi angac ngageyelecaigaing, ngic yengi yogo biyachac edocnupabong ngageibec. Aime yowa noine, yogo Siduc Madicne, yogo ngengela biyachac kwesime ngageibong. Yowa yogo kwelina wiyac honocmengka wangecngineng fagac, yogo ngageibong.

1 Timoti 3:16

Wapongte ngage-ngage fungine yogo sangke-sangke fawec, yogo sugucnehac ailu feicnebenang. I yangucte, Ye socka fikelu yegengkewec. Aime Asudi fungineine dondonne yogo yegena bame angolewec. Aime angelo yenge ye nganiibong. Ngic-ngigac yenge yele siduc Israel yengele alingkacni miyac, yenge edocebalu weduyelebong Himongtowa neboc nga nebocka hikeme ngagesingkeibong. Ye Wapongti tapili nga hibi-angocka hatacmac bame fewec iwa gagac.

Titus 3:5

Dameng iwa yedi suwecnubame Tili Asudi bole bame fike-fike gbolicne fikeibeng. Ye nongilengti bole dondonne baibengte ailu mi bamadicnubawec. Ye nongileng kwele-sowac ngagelu bamadicnubame wasecne aiibeng.

Hibru 10:29

Aime dodoficte sacti ngic monic biyachac suweme gbagbacne aiwec, ye lobewa sac yogo ngageme wiyac omane aiwec. Aime Wapongte Madecte feiwa nolac edelu kwele-madicte Asu misowaledaictewa, yela ameine efecne mi fikecnodaicte, yogo ngagegaing.

Hibru 12:24

Aime ngenge Yesula kwesibong yedi dodofic gbolicnele ngic hewacine aigac hocne. Aime ye sacine wickewec, yogodi Abelle sacti yowa miwec, yogo ewalilu tapiliineholecbenang midaicte.

Hibru 13:20

Sugucnenonggeng Yesu ye lama-damongtowa ingucne damongnubagac. Aime Kwele-mogungte Wapongti Yesu homackacni bagboliyeme fangkewecte Yesule sacka dodofic sanangne fafeginowagac.

Hibru 9:14

Kristo ye gaga-sanangte Tili Asuholec domalu yeicne dondonne ailu gagaine depec ingucne Wapongta loyackewec. Yele sacti bulumaka nga sic sacngineng sasawa ewaligac. Yogodi kwele ngage-ngagenonggeng suweyackeme homacte aibabanonggeng sowacne miyac aime Wapong gagaineholec afeelu kwelec kwecnodabelengte.

Hibru 9:7

Aime depec-baba ngic yengele damong sugucne yedi sugu mac kweline monic iwa hifasoc alecine moniyang sugu felu gawec. Ailu ye moc mi felu gawec, miyac. Ye damengsoc sac balu felu yeicne bikic nga ngic-ngigac yenge bikic fungine mi ngagelu moc kosa balu gaibong. Yogolec ailu ibu lonogale bafelu gaibong.

1 Pita 1:2

Wapong Mamacti biyachac ngageme fawecte, yedi bawosaecngebalu yanguc mimoctowec, Tili Asudi ngengela bole bame ngenge sugule-sanangkelu Wapongte bingec aidaingte. Inguc ailu ngenge Yesu Kristole yowa balaibebong, yele sacti wickeme suwecngebawec gagaing. Yele kwele-madic nga kwele-mogungtowadi ngengela sawelu fadaic.

1 Pita 3:21

Misa yogodi Misa-lowacti umackacni bamoctocngebagac, yogolec ilucine aigac. Misa-lowac yogo socte wonong monic mi suweyackedaicte, miyac. I yangucte, Yesu Kristodi homackacni gboliyelu fangkewecte ailu, kwele ngage-ngagengineng madicne aigacte, misa-lowac yogodi Wapongte haicka inguc yegengkedaicte.

1 Yoane 1:7

Ye angocka gagac. Aime nongileng ingucnehac angocka gagabelengka, gaga walec moniyang gagabeleng. Inguc gaebengka madecine Yesule sacti bikicnonggeng sasawa suwenoleyackegac.

1 Yoane 4:10

Nongilengti molickelu Wapongte kwelenonggengti angac ngagelu mi aiibeng, miyac. Yedi nongileng ailu kweleinedi angackeme Madecine yogo nongileng bikicte ailu yeuctihac bikicte ameine badu-badule fuli banale saleme wawec. Yogodi kwele-angacte fungine aigac.

Miyegengkeicne 1:5

Aime Yesu Kristo yelacni inguchac fadaic. Ye yowa balaibe-balaibele widec ngic noine. Ye molickenolelu homackacni gboliyelu fangkelu fikewec. Ailu himongte ngictau yengele damongngineng. Ailu ye nongileng kweleinedi angac ngagelu sacinedi bikickacni bamoctocnubawec.

Miyegengkeicne 5:9

Aime yenge gee monic gbolicne yanguc holeibong. “Gagi hibi kpadidiweicne yogo nalic balu aka bakatackeicne yogo baickedamecte. I yangucte, ngic yengi wecgubong gagi sacgonedi ngic-ngigacfocgone fuli bacebaing. Ailu ga himong fengnginang fengnginangsoc ngic-ngigac, nga yowane yowane, ailu soc haicine monic-monic, nga himongne himongne ngic-ngigac sasawa, yengelacni moniyang moniyang fuli bacebang Wapongte aling ailu gagaing.

Miyegengkeicne 7:14

Uwaneleme ameine yanguc edoiba, “Sugucnene, gageuc ngagegic.” Inguc mibe yedi yanguc edocnuwec, “Ngic-ngigac yago yenge doic sugucnebenang yogowacni kwesilu ngakpingineng dalicne Lama madecinele sacti suwebong kwalac-kwalac aigac.