1 Pita 1:22 - Wapongte Mic-Yowa Gbolicne

²² Ngenge yowa noine balaibebong yogodi kwelenginang suweme, kwelenginengti angac sugucnehac ngagelu aigabiyeng. Ilec ngenge ngic hae-gbafocngineng yengele kwelengineng gbagbacnedi angac kwesac mikac ngagelu damengsoc aiyeledabiyeng.

1 Pita 1:22 교차 참조

Yoane 15:17

Aime na ung-yowa yanguc ngelegabac, ngenge ngengileng ago ainagulu kwele-angacka gadabiyeng.

Yoane 15:3

Na mic-yowa edocngebacaigabacte ngenge biyac gbagbacne aiibong gagabiyeng.

Yoane 17:17

Gale yowa yogo noine, aime yowa yogodi bacebame gale bingec aidaing.

Yoane 17:19

Yenge yowa noine iwa galu gale bingec ainingte naneuctihac yengele ailu gale bingec aigabac.

Salecebaicne 15:9

Nongileng ngagesingkeibeng, ingucnehac yenge ngagesingkeibongte Wapongti kwelengineng suweyackewec.

Salecebaicne 6:7

Aime Wapongte yowadi Yerusalem iwa sugulelu sawelu hikeme mic-tengtengfocine yengela damengsoc taockelu hikeme sugulewec. Suguleme depec-baba ngic, yengelacni homacnedi Siduc Madicne ngagesingkelu balaibeibong.

Roma 1:5

Wapongti kwele-madic moc ainolelu salecebaicne bole nolewec. Noleme nonge Kristole wac sugulenale Israel yengele alingkacni miyac, yengele hewacka yowaine mibeng yegengkewec. Aime yenge yele yowa ngagesingkelu balaibedaingte. Ilec nonge bole yogo balu gagabeleng.

Roma 2:8

Aimebac monic ye yeicnele sugu ngagelu yowa noine mi balaibecaigac. Ailu yefe dondonne hegilelu sowacne balaibecaigac, Wapongti yele aalickeme bikicte ameine lacnodaicte.

Roma 8:13

Ngenge kwele esecnele angac nga ngage-ngage balaibelu gadaingtewa, homadaingte. Nga Asule tapiliwa kwele esecnele aibaba wehomadaingtewabac, gaga-sanang gadaingte.

2 Korin 6:6

Nonge gbagbacne domalu ngage-ngage-motockolec galu, ulucne ailu ngic-ngigac baficebagabeleng. Ailu Tili Asuholec wetackebeng kwelenonggengti angac kwesacine mikac ngagelu gagabeleng.

Galata 3:1

Galata ngic-ngigac, ngenge ngage-ngage-motocngineng mikacbenang. Yesu Kristo malicpongka webong domawec, ngenge yogo ngage-motoningte haicnginang yowa andoine wedungeleibeng. Aime ma ngicti kwesacngebalu ngage-ngagengineng basifuweme ngenge inguchac gagaing?

Galata 5:5

Aime Asudi bacnubame nongileng ngage-ngagesingka gabeng Wapongti dondonne wacnubadaicte, yogolec wangec gagabeleng.

Galata 5:7

Ailu ngenge Yesule ngage-ngagesingte yefewa gasackebong ma ngicti yefengineng hedickeme yowa noine hegilelu gagaing?

Efesas 4:3

Aime kwele-mogungti muc ingucne dodocngebame Asule kwele-moniyang aiibong. Aime ngenge yogo helockedaingkale, sanangke-benangkelu gadabiyeng.

Filipai 1:9

Aime aibaba weni yogodi madicne aigac, ngenge yogo nalic wosaeningte yanguc milockecaigabac, ngenge kwele-angacka damongnagulu gadabiyeng. Aime angac yogodi sugulelu ngengele ngage-ngagewa bafickelu kweme haulu gbolongne aime, Wapongte yefe ngage-motodaingte, inguc milockecaigabac. Ngenge inguc ngage-motolu Kristole damengtowa kwesime, gbagbacne nga bikicngineng mikac domadaingte.

1 Tesalonika 3:12

Aime kwelenonggengti angac ngagengelecaigabeleng, silicine yogolecsoc Sugucne Yesu yeuctihac kwele-angacngineng hatacmac taockelu bame sugulengeledaic. Aime kwelenginengti angac ngagenagulu ngic-ngigac nebocine momoc kwelenginengti angac ngageyelelu gadabiyeng.

2 Tesalonika 1:3

Ngic hae-gbafocnonggeng, ngenge sasawadi ngic hae-gbafocngineng yenge kweledi filesoc angac ngageyelelu gagaing, aibaba yogodi ngengele hewacka sugulelu sanangkegac. Ailu ngenge ngage-ngagesingngineng sugulegac. Ilec ailu nonge ngengele ailu damengsoc Wapong kwele-madic edodabeleng. Aime mimiloc yogodi madickegac.

2 Tesalonika 2:13

Sugucnele kwele-angac alingfocine nga ngic hae-gbafocnonggeng, Tili Asuinedi gbagbacne gagawa basugulecngebame, ngenge yowa noine ngagesingkeibong. Yefe yogowa Wapongti bamadicngebame wasecne ainingte wiyac sasawa mi fikeemewa biyac bawosaecngebawec. Ilec ailu nonge ngengele ailu damengsoc Wapong kwele-madic edodabeleng.

1 Timoti 1:3

Na Masedonia prowins iwa hikenogale ailu yowa sanangne miiba, yogo hatacmac edocgugabac, ga Efesas mi hegiledamec. I yangucte, ngic gocne yenge Yesule habu kwelina kwesac-yowa gocne silicine monic weduyelecaigaing. Ailu yenge siduc esecne nga ngesa-ngambo esecne gaofeibong, yengele fikesawecte fung kwenogale ailu yowanginengti fec-wac aicaigac. Inguc aime Wapongte yowa gocne balaibeningte ailu ngage-ngagesingnginengte yefe hegilecaigaing. Ilec yenge sanangnehac edocebalu kpatalayeledamec.

1 Timoti 1:5

Gagi yowa milockelu edocebaengka noine fikedaicte, yogo kweledi angac ngagenagudaingte. Fagung-fagung aiyeleme Wapongte haicka kwelengineng gbagbacne ailu game mikac ngage-ngagesing noine kwesac mikac kwelenginang wakeme iwacni kwele-angac fikeyeledaicte.

1 Timoti 4:12

Ga ngic soc-gboli gagicte gocne yengi gale ngagebong waicne mi aidaic. Aime yowa mimigone nga aibabagone, ailu ngic-ngigac kwelegonedi yengele angacgucaigac, nga ngage-ngagesinggone ailu aibabagone gbagbacne, ngic-ngigac ngage-ngagesingkolec yenge aibabagone yogo nganilu balaibedabiyeng.

1 Timoti 5:2

Ailu nenggacgone aicnocaigic, silicine ingucnehac ngigac sugucne yenge aiyeledamec. Nga sengfocgone yengele aicaigic, silicine ingucnehac ngigac soc-gboli yengele kwelegone gbagbacne faemewa aiyeledamec.

2 Timoti 1:14

Tili Asu nongileng kwelewa gagac, yedi nenggac ngiyegeleme Wapongti wiyac madicne balu gelewec, yogo damongkeengka fadaic.

Hibru 11:8

Wapongti Abraham wackeme yele yowa ngagesingkewecte ye balaibelu yeicne himongngine hegilelu himong monicka hikenogale ngageme mi kpungkewec. Himong Wapongti lacnonale miwec, yogodi mole-damocine aiwec.

Hibru 13:1

Ngic hae-gbafocne, ngenge ngengungtihac kwelenginengti angac ngagenagulu ago ainagulu gadabiyeng.

Hibru 5:9

Ailu ye doic ngagewecte madickewec. Yedi inguc aime ngic-ngigac yenge Yesule yowa ngagelu balaibeibongte ailu Yesudi aiyeleme wasecne ailu gaga moto-motoine mikac gaginowagaing.

Hibru 6:10

Wapongti yefe dondonna yowa nga aibabangineng wosaedaicte. Ngenge bole bacaigaing ailu kweledi yele wacte angacngebacaigac, ye yogo nalic mi ngigeckedaicte. Ailu ngic-ngigac Wapongte bingec yogo ngengi ngani-bafic aiyeleibong. Ailu taockelu aiyelelu gagainghac, ye yogo ingucnehac nalic mi ngigeckedaicte.

Hibru 9:14

Kristo ye gaga-sanangte Tili Asuholec domalu yeicne dondonne ailu gagaine depec ingucne Wapongta loyackewec. Yele sacti bulumaka nga sic sacngineng sasawa ewaligac. Yogodi kwele ngage-ngagenonggeng suweyackeme homacte aibabanonggeng sowacne miyac aime Wapong gagaineholec afeelu kwelec kwecnodabelengte.

Yakobos 1:21

Ilec ailu ngenge aibaba wonongkolec nga sisipilic aibaba ingucne bocyac fagac, yogo sasawa baickeyackedaing. Ailu ngenge ulucne gacgubong yowa kwelenginang duweicne, yogolec tapilidi kwele-asungineng bikicte ameine bame wasecne aidaingte. Yowa yogo hefoledaing.

Yakobos 4:8

Ailu ngenge Wapongte emewa ledaing. Inguc leebongka ye inguchac ngengele emewa weledaicte. Bikic-baba ngic, ngenge molengineng suwedaing. Nga ngic-ngigac kwele-yaeckolec gagaing, ngenge kwelengineng suwe-bamadic aibong gbagbacne aina.

1 Pita 1:2

Wapong Mamacti biyachac ngageme fawecte, yedi bawosaecngebalu yanguc mimoctowec, Tili Asudi ngengela bole bame ngenge sugule-sanangkelu Wapongte bingec aidaingte. Inguc ailu ngenge Yesu Kristole yowa balaibebong, yele sacti wickeme suwecngebawec gagaing. Yele kwele-madic nga kwele-mogungtowadi ngengela sawelu fadaic.

1 Pita 2:17

Ailu ngenge ngic-ngigac sasawa alang bayelelu ngage-ngagesingkolec ngic hae-gbafocngineng kwelenginengti angac ngageyelelu aidabiyeng. Ailu Wapongte hangocngebame alang bacnolu ngictau alang bacnodabiyeng.

1 Pita 3:1

Aime ngigac, ga kwelec kwekwe aicaigaing, yefe yogohac ngawegone yele bagewa galu yowaine ngagelu gadamec. Aime ngic monicti Wapongte yowa mi ngagesingkedaictewa, ngigacine, ga yowa mikac aibabagonedi madicne aicaigic. Aime ngawegone ye aibaba yogo nganime aibabagonedi Sugucnele yefewa nalic fuluckeme hikedaicte.

1 Pita 3:20

Noa ye wageine baemewa aleng yenge Wapongte yowa hegileibong, yogo yengela hikewec. Noale damengka Wapongti ngic-ngigac yengele tatakic mikac wangecngineng gawec. Aime Noa ye wageine badickeme, dameng iwa Wapongti ngic-ngigac efecnemac, 8 sugu misawacni baicebame wasecne aiibong.

1 Pita 3:8

Yowa kpatulelu mibe, ngenge sasawadi kwele ngage-ngagengineng moniyang fadaic. Ngenge kwele-sowac aiyelelu kweledi angac ngagelu aiyelelu kwele-sowacka baficebalu ngengileng bawacnagulu gadabiyeng.

1 Pita 4:17

I yangucte, Wapong ye molickelu yeicne golowacfocine yengela aibabangineng wosaelu mimoctonale damengngine bangkalegac. Aime ye nongilang boleine yogo molickelu badaictewa, aling gocne yenge Siduc Madicnele yowa kwecaigaing, yogo yengela boleine ingucnehac taockelu aibabanginengte ameine umacnehac yeledaicte.

1 Pita 4:8

Kweledi angac ngagelu ainagulu gaga yogodi yengele bikic haicine monic-monic bocyac someckeyackegac. Ilec ngenge mamang hidulu kweledi angac ngagelu ainagulu gadabiyeng, yogodi wiyac feicne aigac.

2 Pita 1:7

Wapongte yowa balaibe-balaibedi ngic hae-gba kweledi angac ngagenagulu gaga bafuwadaing, yogodi ago aiyelelu kweledi angac ngagelu aiyelebong gaga bafuwadaing.

1 Yoane 3:11

Ngenge esecne molickelu yowa yanguc ngageibong, nongileng ago ainagulu kwelenonggengti angac ngagelu ainagudabeleng.

1 Yoane 3:23

Aime ung-yowaine yanguc fagac, nongileng Madecine Yesu Kristo ngagesingkedabeleng. Ailu kweledi angac ngagenagulu ainagudabeleng. Yedi ung-yowa yogo hocne nolewec.

1 Yoane 4:12

Monicti Wapong mi nganiwec. Aime nongileng kwelenonggengti angac ngagenagulu ainagugabelengka, Wapongti nongileng kwelewa game yele kwele-angacka gaga yogodi nongilang suguleme nganigaing.

1 Yoane 4:20

Aime monic ye “Wapongte kwelenedi angacnume aigabac” milubac ngic hae-gbaine ye kweledi wickedaicte, ye kwesac-ngic. Monic ye ngic hae-gbaine dongedi nganicaigac, yele kweleinedi mi angackeme aidaictewa, ye Wapong dongedi mi nganiicne, yele kweleinedi nalic mi angackeme aidaicte.

1 Yoane 4:7

Agofocne ngengele angac ngagegabac, kwele-angacte aibaba, yogo Wapongtacni. Ilec nongileng ago ainagulu kwelenonggengti angac ngagelu ainagudabeleng. Aime ngic-ngigac kweledi angac ngagelu aicaigaing, yenge Wapongtacni fikeibong. Ailu yenge Wapong ngagegaing.

Miyegengkeicne 2:4

“Aime molickelu kwele-angacnginengte aibaba yogo hegileibong, yogolec ngagebe mi madickegac.