Tayitùs 3:8 - Meta’

⁸ Ɨnû mbɔ̂ jìm nɨ mə̀ fə gha ɨ nən yɨ ɨnû rəsìʼ. Mə kə̀b ni à gha ɨnû mbɔ̂ kòmbɨ̀, ɨmbə̀ʼ bə̂d mbe nɨ ben ə Ŋwìə̀ we əwən bə̀ ghɨ̀ ɨnû chɔ̀m. Ɨnû mbɔ̂ yɨ ɨnû chɔ̀m. Mbɨ bɨrɨ bɨ wèèrɨ̀ wə̀d jìm.

Ikan feg

⁸ Aŋa ya ajiʼi anug ne tì beri ni niŋ. Mə kə̀b gha àghò gha inug mbo̰ abə bəd ywìrì kɔ̀mbì ni ghì gha bəd mbe ne bḛ Ŋwiye mbe we awɔb bə̀ ya ghìyə̀ inug chɔm. Inug mbo̰ ya inug chɔm bə̀ yaʼ inug ne biri weti bəd məjìm.

Tayitùs 3:8 교차 참조

Matìyò 20:4

Əne wɨ̀ ghà əmbɨ mɨ̀mə̌d ni, 'Mbə̀ bə wò fàʼ ɨŋga mɨ mbeŋ vaìn. Mə bɨrɨ naʼ əghɨ ze nɨ kuʼnɨ ɨ nən.'

Jn 12:44

Yeso nyaʼa ghàm rɨ̀kǎ ghà ni, “Wə̀d mɔʼɔ we nɨ ben əmɨ, kaʼi wɨ̀ ben àmei əmɨ. Wɨ̀ fə bə̀ ben yeʼ məd we nɨ nyaʼa tom əmɨ.

Jn 5:24

“Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Ɨ̀fàʼì 12:15

Mbɨ nyaʼa ghà ɨ bɔ ni, “À wɨə beə!” Àyɨə wɨ̀ nyaʼa nyèŋ ni à yɨ rəsìʼ. Əne mbɨ nyaʼa ghà ni, “À yɨ aŋgɨrə̀ məd!”

Rm 4:5

Ŋwìə̀ wɨə nɨŋ ə wə̀d we nɨ chəi wɨə fàʼ ɨ bɔ ɨghabɨ ni wɨ̀ fə təm kùʼnɨ̀, ɨmbə̀ʼ ɨghəm nɨ wə̀d we ə nuŋ i fîŋ ɨgun ə Ŋwiə̀ we nɨə nɨŋə ni bə̂d mbe nɨ chəi mbɨə wumnɨ əməd fə təm kùʼnɨ̀.

2 Kɔrèn 4:13

Tɨ̀ berɨ ɨkwɨ ɨbenɨ mɔʼ mbɨ məd we nɨ nyaʼa ŋwaʼnɨ ni, “Mə nyaʼa benɨ, əne mə fə ghàm.” Mba bə̂ tɨ bə̀ benɨ, əne tɨ̀ wɨə ghàmə̀.

Efesùs 4:28

Tɨ wə̀d we nɨə jɨə rəbə jɨ i. Wɨ̀ kɔ faʼ ənɨ mbi ɨbɔ, berɨ ɨghɨ ɨchî nɨ kuʼnɨ, ɨmbə̀ʼ bɨ weerɨ bə̂d ɨkwaŋ.

1 Timotì 1:15

Ɨŋgam wɔ̂ yɨ wɨ rəsìʼ nɨ kuʼ ni tɨ̀ ben ənɨ ta fîŋ rɨjìm. Ɨŋgam rəŋgu yɨ ni Kristo Yeso nyaʼa yeʼe ɨŋga ɨsɨg ɨmbə̀ʼ chɨ bə̂d mbe nɨə ghɨ̀ ɨnû rɨbɔ̀ŋ rəŋgəʼ. Mɔ̌ yɨə kàŋ ə wə̀d ɨnû rɨbɔ̀ŋ we nɨ bə̌ chè bə̂d mɨjìm mbe nɨə ghɨ̀ ɨnû rɨbɔ̀ŋ.

1 Timotì 2:8

Mə kə̀b ni ɨsɨ jìm mbe nɨ bə̂d fetɨ əŋgu ɨ wumnɨ ə Ŋwiə̀, mbaŋə̀ te nɨ zeŋɨ nɔɔrɨ ɨbɔ kɔŋgɨ ə Ŋwiə̀. Mbɨ berɨ ghɨ əne nɨ chəi mbɨə sə ɨtəm bə̀ fɔrɨ ənɨ chəi mbɨə tàŋə̀.

1 Timotì 5:10

Bə̂d berɨ kyerɨ əməd ɨmbə̀ʼ ɨnû chɔ̀m mbe nɨ wɨə ghɨ̀ə̀, ɨghabɨ ɨchî nɨ wɨə nìə̀ bɔn ɨchî chɔ̀m, ɨchî nɨ wɨə nɨŋə bə̂d əkwɨ ni, ɨchî nɨ wɨə sò ɨwu bə̂d Ŋwiə̀ ɨchî nɨ wɨə weerɨ bə̂d mbe nɨ yeʼ ə ŋgəʼ mbɨ ɨchî nɨ wɨə nàʼ i ɨnyod nɨ ghɨ ɨnû chɔ̀m ənɨ tɨkwɨrɨ ɨnə̂njɨ̀ jìm.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

Tayitùs 1:9

Wɨ̀ berɨ yim ɨŋgam Ŋwiə̀ we nɨ mbɨ chwi ɨ bɔ, ɨmbə̀ʼ məd ziə we tɨ̀ wɨ̀ chwi rəsìʼ ɨmbə̀ʼ ənû ə Ŋwiə̀ ɨchî nɨ kuʼnɨ, fɔrɨ ni məd we tɨ̀ wɨ̀ bə̀ chwi əmbɨ ə bə̂d mbe nɨə taŋ ɨnû ə Ŋwiə̀ ni ɨnû mbe nɨ mbɨə tàŋə̀ yɨ ɨnû rəsìʼ.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Tayitùs 2:7

Chwi ənɨ ɨnû jìm ni àwɔ̀ yɨ əmɨg ɨchî nɨ àwɔ̀ ə ghɨ̀ ɨnû chɔ̀m. Chwi ɨnû ɨchî chɔ̀m ənɨ e fîŋ jìm.

Tayitùs 3:1

Nɔɔrɨ ətu bə̂d Kristo mbe rɨ ə Kret ni mbɨ zuunɨ bə̂d mbe nɨə tùmbɨ̀ mɨ̀mə̌d bə̀ zuunɨ mbe nɨ berɨ ɨka ɨgwɨ mɨ̀mə̌d. Tɨ mbɨ ghɨ ə rɨ̀zuə̀ əmbɨ mɨ̀mə̌d. Mbɨ tekɨ ɨnyod nɨ kɨə ghɨ̀ ɨ̀chɔ̀m.

Tayitùs 3:14

Bə zə ni mba bə̂d kwembɨ ənû nɨ ghɨ ɨ̀chɔ̀m, ɨmbə̀ʼ mbɨ weerɨ mbe nɨ kwaŋ ɨghɨ. Tɨ mbɨ yeʼ ə bə̂d nɨ chəi mbɨə ghɨ̀ ɨ̀chɔ̀m.

Filemɔ̀n 1:11

À nyaʼa rɨmbì, chəi wɨ̀ nyaʼa berɨ ə̀fàʼì ɨ ne, àyɨə tɨ̀nîn wɨ̀ fə berɨ ə̀fàʼì ɨ ne bə̀ berɨ ɨ num.

Mə̀Hibrù 10:24

Tɨ̀ kɔndɨ ɨchî nɨ timbɨ əwa mbǎ mbǎ, ɨmbə̀ʼ tɨ̀ ghaʼ a ɨnyod bə̀ sɨə ghɨ̀ ɨnû chɔ̀m.

1 Pità 1:21

Mbə̀ fə chè ənjìm məd ben ə Ŋwiə̀ nɨ nyaʼa zwemnɨ əməd bə̀ naʼ ɨwumnɨ ɨ bɔ. À yɨ əton nɨ mbə berɨ nuŋ tə fîŋ bə̀ nùŋ tə rɨkɔndɨ àmei ɨgun ə Ŋwiə̀.