Tayitùs 3:5 - Meta’

⁵ wɨ̀ nyaʼa chɨ̀ əwa rəŋgəʼ. Chəi wɨ̀ nyaʼa ghɨ əne ɨmbə̀ʼ ɨnû chɔ̀m mɔʼɔ mbe nɨ tɨ̀ nyaʼa ghɨ̌. Wɨ̀ nyaʼa chɨ̀ əwa yeʼ ɨmbə̀ʼ ɨghəm nɨ wɨ̀ diirɨ əwa əne che ənjìm Əzwî ə Zeŋɨ sò əwa tɨ̀ zeŋ, bèŋ əwa tɨ̀ sɨ ɨghabɨ ə bɔn bɔd bə̀ nàʼ ɨ̀tènɨ̀ fi ɨ na.

Ikan feg

⁵ chì awa inga ngəʼ. Wì ya chì awa inga ngəʼ imbə̀ʼ icheg ne wì beri àsɔ̀mnəfiŋ igun ina, kayi imbə̀ʼ inug chɔm ne tì ya ghi. Wì ya pumni awa icheg ne Azwighi Ŋwiye ya sò awa tì zen bə̀ bə̀ŋì awa tì si yaʼ icheg bɔn bɔd. Azwighi Ŋwiye ya bə̀ nàʼ ìtḛ̀ feg ina.

Tayitùs 3:5 교차 참조

Matìyò 3:11

“Mə wɨə nàʼ mɨnib ɨ nən ɨ chwi ni mbə fə bèŋ tə fîŋ, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ beʼ ɨtabɨ məd. Məd bɨrɨ cha Əzwî ə Zeŋɨ bə̀ chà ɨwid ɨgwɨ nən.

Lk 1:50

Məd wɨə dììrɨ̀ ə bə̂d mbe nɨə wumnɨ əməd, kɔ rɨ ənɨ ɨghəm bə̂d fibɨ̀ wò pè ənɨ wɨ cherə.

Lk 1:54

Wɨ̀ fə wèèrɨ̀ wə̀d ə̀fàʼì məd, Izre, ɨchî nɨ wɨ̀ nyaʼa kaʼi ni tə bɨrɨ diirɨ bə̂d.

Lk 1:72

Wɨ̀ nyaʼa ghà ni tə bɨrɨ dììrɨ̀ mba mɨ̀mbǎʼ rəŋwe, bə̀ kɔndɨ fɨso zeŋɨ fe nɨ wɨ̀ nyaʼa sanɨ,

Lk 1:78

A Ŋwiə̀ wɨə dììrɨ̀ əwa kwàʼ rɨŋgəʼ. Wɨ̀ bɨrɨ ghɨ̀ ni nyùmə̀ toʼ rɨkaŋ te ɨgwɨ na,

Rm 11:14

ɨmbə̀ʼ mbɨ bɔŋgɔb mɨ̀Jû ghɨ ə̀dìì əne ghɨ̀ mə chɨ mbɨ mɔʼɔ rəŋgəʼ.

Rm 11:6

Wɨ̀ nyaʼa chɔʼ bə̂d mbe ənjìm ɨ̀chɔ̀m məd, kaʼi ɨmbə̀ʼ ɨnû mbe nɨ mbɨ nyaʼa ghɨ̌. À kɨ nɨ wɨ̀ nyaʼa chɔʼ mɨ̀mə̌d ənjìm ɨnû mbe nɨ mbɨ nyaʼa ghɨ̌, njɨ ka ɨ̀chɔ̀m Ŋwiə̀ yɨə wɨrɨ i ɨ̀chɔ̀m Ŋwiə̀.

Rm 12:2

Tɨ mbə̀ beenɨ ə əbɔʼ ɨnû mbe nɨ bə̂d ɨŋga ɨsɨg wɔ̂ ə ghɨ̀ə̀, àyɨə mbə̀ saŋə ni Ŋwìə̀ beŋ əwən ɨchî nɨ wɨə nàʼ rɨkɔndɨ fi ɨ nən, ɨmbə̀ʼ mbə kyerɨ ənû ze nɨ wɨ̀ kə̀bɨ. Əne yɨ ni mbə̀ kyerɨ ɨnû mbe nɨ yeʼ mbɨ chɔ̀m, kyerɨ mbe nɨ wɨ̀ ghaʼi bə̀ kyerɨ mbe nɨ kuʼnɨ.

Rm 3:20

Chəi wə̀d mɔʼɔ əŋgu nɨ təm kùʼnɨ̀ ɨfě Ŋwìə̀ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌. Tɨkə tɨə ghɨ̀ə̀ ni bə̂d kyerɨ ni ɨ mbɨə ghɨ̀ ɨnû rɨbɔ̀ŋ.

Rm 3:28

Tɨ̀ benɨ ni wə̀d ə təm kùʼnɨ̀ ənjìm ɨbenɨ, kaʼi ɨmbə̀ʼ ɨchî nɨ wɨə ghɨ̀ ɨnû mbe nɨ yeʼ ɨŋga rɨ̀kə̌.

Rm 4:5

Ŋwìə̀ wɨə nɨŋ ə wə̀d we nɨ chəi wɨə fàʼ ɨ bɔ ɨghabɨ ni wɨ̀ fə təm kùʼnɨ̀, ɨmbə̀ʼ ɨghəm nɨ wə̀d we ə nuŋ i fîŋ ɨgun ə Ŋwiə̀ we nɨə nɨŋə ni bə̂d mbe nɨ chəi mbɨə wumnɨ əməd fə təm kùʼnɨ̀.

Rm 9:11

Àyɨə bɔŋ Rèbekà nyaʼa sɨə gywɨ mɨ̀mə̌d, kɨ̀ bɔŋ bɔn mbe nyaʼa sɨə ghɨ̀ ənû ə chɔ̀m kɨ̀ ənû rɨbɔ̀ŋ, (əne yɨ ɨmbə̀ʼ ənû ze nɨ Ŋwìə̀ ə chɔʼɔ mbi bə̂d ə wo ɨmbì

Rm 9:16

Əne yɨ ni, ka Ŋwìə̀ wɨə dììrɨ̀ i bə̂d ɨchî nɨ bə̂d mɨ̀sɔŋɨchù kəbɨ, kɨ ɨmbə̀ʼ ɨnû mɔʼɔ mbe nɨ mbɨə ghɨ̀ə̀. Ŋwìə̀ wɨə dììrɨ̀ə̀ bə̂d ɨchî nɨ wɨ̀ ghaʼi.

Rm 9:30

Tɨ̀ kɨə wo gha ni yè? Tɨ̀ bɨrɨ gha ni bə̂d mbe nɨ kaʼi mɨ̀Jû, nɨ chəi mbɨ nyaʼə kə̀b ənû nɨ təm kùʼnɨ̀, fə təm kùʼnɨ̀ ənjìm ɨbenɨ.

1 Kɔrèn 6:11

Bə̂d mɔʼɔ rəbɔʼ nən mbɨə nyaʼə ghɨ̀ ɨnû mbɔ̂. Àyɨə Ə̀nùŋɨ̀sɨg Yeso Kristo mbɨ Əzwî à Ŋwiə̀ fə sò əwən bə̀ zeŋnɨ əwən, ghɨ̀ mbə təm kùʼnɨ̀.

Gàlesìyà 2:16

Ənû nɨ tɨ̀ kyerɨ yɨ ni chəi wə̀d təm kùʼnɨ̀ ɨfě Ŋwiə̀ ɨchî nɨ wɨə nùŋə̀ tɨkə rɨ Mose. Wɨ̀ təm kùʼnɨ̀ àmei ɨchî nɨ wɨ̀ nuŋ fîŋ ɨgun ə Yeso Kristo. Mba bə̂ fə nuŋ fîŋ ɨgun ə Kristo Yeso, əne tɨ̀ fə təm kùʼnɨ̀ ənjìm ɨchî nɨ tɨ̀ nuŋ fîŋ ɨgun ə Kristo, kaʼi ɨmbə̀ʼ ɨchî nɨ tɨ̀ nuŋ tɨkə rɨ Mose. Chəi wə̀d bɨrɨ təm kùʼnɨ̀ ɨchî nɨ wɨə nùŋə̀ rɨkə.

Efesùs 2:4

Àyɨə Ŋwìə̀ we nɨə dììrɨ̀ bə̂d kwàʼ ɨchî chɔ̀m, nɨə bə̀ ghaʼ əwa kwàʼ rɨŋgəʼ ghɨ ni,

Efesùs 4:23

Mbə saŋə ni Ŋwìə̀ ghɨ tə fîŋ bə̀ ghɨ̀ tə rɨkɔndɨ beŋ ənɨ rɨ fi,

Efesùs 5:26

ɨmbə̀ʼ ɨfetɨ we chub ɨzeŋɨ zeŋɨ ɨchî nɨ wɨ̀ nyaʼa so ənɨ mɨnib bə̀ sò ənɨ ɨŋgam Ŋwiə̀.

Kòlosè 3:10

Tɨ̀nîn, mbə fə nɨŋ nyamnyod fi. Ŋwìə̀ wɨə beŋə nyamnyod fi zɔ̂ ni zɨ̀ jeŋgɨ kyerɨ əməd bə̀ chub ɨghabɨ əməd.

2 Timotì 1:9

Ŋwìə̀ nyaʼa chɨ əwa rəŋgəʼ, əne tɔŋ əwa ni tɨ̀ yeʼ mbi bə̂d ɨmbə̀ʼ chub ɨzeŋɨ zeŋɨ. Chəi tɨ̀ nyaʼa ghɨ ənû ə mɔʼɔ bɔŋ wɨ̀ nyaʼa sɨə tɔŋ əwa. Wɨ̀ nyaʼa tɔŋ əwa ɨmbə̀ʼ ɨghəm nɨ wɨ̀ nyaʼa fə nuŋ əne. Wɨ̀ nyaʼa bə̀ tɔŋ ɨmbə̀ʼ ɨ̀chɔ̀m məd we nɨ wɨ̀ nyaʼa fə ghɨ ənɨ ə na rəŋwe rəŋwe ənjìm ə Kristo Yeso.

Tayitùs 3:4

Àyɨə ənɨ Ŋwìə̀ we nɨə chɨ̀ əwa rəŋgəʼ nyaʼa chwi ɨ̀chɔ̀m məd ɨ na bə̀ chwi ɨchî nɨ wɨ̀ ghaʼ əwa,

Mə̀Hibrù 10:22

Əne tɨ̀ tindɨ ɨban ə Ŋwiə̀ mbɨ ə fîŋ jìm bə̀ nùŋ ta rɨkɔndɨ jìm àmei ɨgwɨ məd. Tɨ̀ ghɨ̀ əne mbɨ ə fîŋ nɨ mbɨ fə zeŋnɨ tɨ ənɨ tɨkɔndɨ rɨbɔ̀ŋ. Tɨ̀ bə̀ ghɨ̀ əne ənɨ ə nyamnyod nɨ mbɨ so ənɨ mɨnib nɨ zeŋɨ.

Mə̀Hibrù 4:16

Əne tɨ̀ nɨŋ fîŋ nɨ kǎ tindɨ ɨban ətən ɨfɔ̀n ə Ŋwiə̀ we nɨə ghɨ̀ ɨ̀chɔ̀m, ɨmbə̀ʼ məd we tɨ̀ wɨ̀ dììrɨ̀ əwa bə̀ ghɨ̀ ɨ̀chɔ̀m ənɨ ə na ənɨ ə nyùmə̀ we nɨ tɨ̀ kəb ə̀wèèrɨ̀.

Mə̀Hibrù 6:6

Mbɨ mɨ fə ton ə Ŋwiə̀, njɨ zɨə kàŋ seə nɨ wɨrɨ ghɨ ni mbɨ beŋ tə fîŋ, ɨmbə̀ʼ ɨghəm nɨ ɨ mbɨə wɨrɨə kòmbɨ̀ ə Wan Ŋwìə̀ əzed ə baʼnɨ bə̀ nàʼə̀ tɨ̀nìd ətu ɨ bɔ əsaŋ əsaŋ.

1 Pità 1:3

Tɨ̀ yiirɨ ə Ŋwiə̀ we nɨ yeʼ Mbǎʼ a Ə̀nùŋɨ̀sɨg Yeso Kristo! Məd wɨə dììrɨ̀ əwa kwàʼ ɨchî chɔ̀m. Wɨ̀ fə ghɨ̀ tɨ̀ jɨg ɨ̀tènɨ̀ fi ɨchî nɨ wɨ̀ zwemnɨ ə Yeso Kristo. Əzɔ̂ ə fə ghɨ̀ ni tɨ̀ nuŋ rɨkɔndɨ wom ɨnû mbe nɨ Ŋwìə̀ kaʼ ɨ na.

1 Pità 2:10

À nyaʼa ənɨ ə nyùmə̀ mɔʼɔ, ka mbə yɨə nyaʼə əwən bə̂d Ŋwiə̀, àyɨə tɨ̀nîn mbə yɨə sɨə bə̂d ɨməd. À nyaʼa ənɨ ə nyùmə̀ mɔʼɔ, chəi Ŋwìə̀ nyaʼa kɨrɨ diirɨ əwən, àyɨə tɨ̀nîn wɨ̀ fə dììrɨ̀ əwən.

1 Pità 3:21

Mɨnib mbɔ̂ nɨ mbɨ nyaʼə nəŋ ɨgun nyaʼa təm ənɨ ənû nɨ bə̂d ə nɨŋə mɨnib. À yɨ mɨnib mbe ə chɨ̀ əwən rəŋgəʼ tɨ̀nîn. Kaʼ ənû nɨ nɨŋ mɨnib yɨ i ənû nɨ chɨ rɨfiŋ tɨ ənɨ ɨnyod. À yɨ ənû nɨ mbə̀ kaʼ əmbɨ ə Ŋwiə̀ mbɨ ə fîŋ nɨ zeŋɨ. Ənû nɨ nɨŋ mɨnib ə zɨə chɨ̀ əwən rəŋgəʼ ənjìm ɨchî nɨ Yeso Kristo nyaʼa zwemə.