Tayitùs 3:11 - Meta’

¹¹ À fə bè kyerɨ e ni ɨkwɨ wə̀d wɔ̂ fə ton rəsìʼ mbɨ ni ɨ wɨə bə̀ kɨrɨ ghɨ̀ ɨnû rɨbɔ̀ŋ. Wɨ̀ fə sob i ɨsaʼi ziə.

Ikan feg

¹¹ Àghò kyeri gha iku wə̀d we fə to̰ yi tesiʼ bə̀ se ghìyə̀ yaʼi inug tibɔ̀ŋ. Wì fə sɔb ìwi isaʼi zìye.

Tayitùs 3:11 교차 참조

Lk 19:22

Ɨfɔ̂n we nyaʼa ghà ɨ bɔ ni, 'Mə bɨrɨ nɨŋ ɨŋgam we nɨ jwɨ̀ rɨŋga e ɨchû, saʼ əwe əŋgu, àwɔ̀ wə̀d ə̀fàʼì rɨbɔ̀ŋ! Ɨmbə̀ʼ à nyaʼa kàŋ kyerɨ e ni mə wɨə nɨŋ ɨghɨ mbe nɨ chəi mə̀ nuŋɨ, fɔrɨ ni mə wɨə kwə̀ŋ ɨghɨ mbe nɨ chəi mə̀ konɨ ə?

Lk 7:30

Àyɨə mɨ̀Farisiî mbe mbɨ məchwiə̀ rɨ̀kə̌ mbe nyaʼa ton ənû ze nɨ Ŋwìə̀ nyaʼa fə taŋ nùŋ ɨmbə̀ʼ mɨ̀mə̌d, ɨmbə̀ʼ ɨghəm nɨ chəi mbɨ nyaʼa ben ni Jɔ̌n naʼ mɨnib əmbɨ mɨ̀mə̌d.

Jn 3:18

Chəi Ŋwìə̀ ə zɨ̀ ɨsaʼi ɨgwɨ ə bə̂d mbe nɨ ben əməd. Wɨ̀ fə zɨ̀ yeʼ ɨgwɨ mbe nɨ chəi mbɨ ben əməd, ɨmbə̀ʼ ɨghəm nɨ chəi mbɨ ben Wan Ŋwìə̀ we mɔʼ.

Ɨ̀fàʼì 13:46

Ənɨ mbɨ nyaʼa gha əne, Pɔ̂l mbɨ Banabàs nyaʼa ghà mbɨ ə fîŋ nɨ kǎ ni, “Zɨə nyaʼa kùʼ ni tɨ̀ be ghà ɨŋgam Ŋwiə̀ ɨ nən. Àyɨə ɨchî nɨ mbə̀ ton ɨŋgam we, əne zə ni chəi mbə̀ kuʼ nɨ jɨg ɨ̀tènɨ̀ rɨ mì, tɨ̀ fə sàŋ əwən wò əbɔʼ bə̂d mbe nɨ kaʼi mɨ̀Jû,

Ɨ̀fàʼì 15:24

Tɨ̀ fə zu ni bə̂d mɔʼɔ fə nɔ̀ʼ rəkaʼ na yeʼe əwɔ ghanə chə əwən mbɨ mɨŋgam bə̀ tɔbə tə fîŋ, nɨ chəi tɨ̀ nyaʼa gha ni mbɨ ghɨ əne.

Ɨ̀fàʼì 23:25

Ətu ə kyeŋ ɨgwɨ mɨ̀sɔgyɨ̀ nyaʼa ŋwaʼnɨ ɨmbə̀ʼ ənû zɔ̂ ni:

Rm 3:19

Tɨ̀nîn tɨ̀ fə kyerɨ ni ɨnû mbe nɨ tɨkə ə ghàə̀, ɨ tɨə ghàə̀ yeʼ əmbɨ ə bə̂d mbe nɨ yeʼ əton rɨkə, ɨmbə̀ʼ tɨ mbɨ berɨ ə ənû nɨ wɨrɨ ghà. Əne Ŋwìə̀ bɨrɨ saʼ bə̂d mɨ̀jìm mbe nɨ yeʼ ɨŋga ɨsɨg.

2 Timotì 2:14

Kɨə nɔ̀ɔ̀rɨ̀ ɨtu bə̂d Kristo ɨmbə̀ʼ ɨnû mbɔ̂. Patɨ mɨ̀mə̌d ɨfě Ŋwiə̀ ni tɨ mbɨ taŋ ə ɨmbə̀ʼ əton ənɨ mɨŋgam əko mɔʼɔ, ɨmbə̀ʼ ɨghəm nɨ chəi taŋ ə weerɨə wə̀d. Ɨ zɨə chə̀kɨ̀ə̀ fîŋ rɨ bə̂d mbe nɨə zwetɨə.

Tayitùs 1:11

À berɨ ghɨ ni mbɨ kubrɨ mbə mɨchû, ɨmbə̀ʼ ɨghəm nɨ ɨ mbɨə bùùrɨ̀ mɨnəbɨ jìm ɨchî nɨ mbɨə chwi ɨnû mbe nɨ chəi mbɨ berɨ nɨ chwiə. Ɨ mbɨə ghɨ̀ əne ɨmbə̀ʼ berɨ ɨkab ənɨ ɨnə̂njɨ̀ nɨ chəi wɨ kuʼnɨ.

Tayitùs 1:14

Əne chəi mbɨ bɨrɨ wɨrɨ zwetɨ rɨpoʼ əko mɔʼɔ te nɨ mɨ̀Jû nyaʼa tekɨ, kɨ̀ bè zwetɨ ɨnû mbe nɨ bə̂d mbe nɨ ton rəsìʼ ə ghàə̀.

Mə̀Hibrù 10:26

Tɨ̀ mɨ kyerɨ ɨnû rɨbɔ̀ŋ wɨrɨ ghɨ̀, ənɨ mbɨ fə ghɨ tɨ̀ kyerɨ rəsìʼ, njɨ tɨ̀ kyerɨ ni chəi əghɨ ə̀fà ə mɔʼɔ nɨ wɨrɨ bùʼ nɨ tɨ̀ zɨə ghɨ̀ Ŋwiə̀ waʼ ɨnû rɨbɔ̀ŋ.